Green Bangles Uses: ఆడవారికి అందం అంటే చాలా ఇష్టం. అదే విధంగా వారు అందంగా ఉండటానికి చాలా ప్రయత్నాలు చేస్తారు. ఎంత అందంగా ఉన్నా సరే ఆడవారు చీర కడితే ఆ అందమే వేరు. సంప్రదాయం అంటేనే చీర. ఆ చీరకు తగ్గట్టు కట్టు బొట్టు కూడా ఉండాలి. అప్పుడే మరింత అందం. ఇక చీర కట్టుకుంటే బొట్టు ఎంత ఇంపార్టెంట్ లో గాజులు కూడా అంతే ఇంపార్టెంట్. ఆ గాజుల్లో గ్రీన్ కలర్ గాజులు ఉంటే మరింత సూపర్. మరి ఈ గాజులు ఎందుకు వేసుకుంటారు. ఈ గాజులు వేసుకోవడం వెనక అసలు కారణం ఏంటి అనే వివరాలు ఇప్పుడు మనం తెలుసుకుందాం.
ఆడవారు ధరించే గాజులకు చాలా ప్రత్యేకత ఉంటుంది. హిందూ సంప్రదాయంలో గాజులను వేసుకోవడం చాలా అదృష్టంగా భావిస్తారు. గాజులు వేసుకోవడం వల్ల ఆడవారికి అనేక సమస్యలు కూడా దూరం అవుతాయి అంటారు పెద్దలు. మరి ఇందులో నిజం ఎంత ఉందో మీకు తెలుసా? భార్యభర్తల బంధాన్ని బలోపేతం చేస్తాయి ఈ గాజులు. సమయం, సందర్భం ఏదైనా సరే ఆడవారు ఎక్కువగా ఆకుపచ్చ గాజులనే ధరిస్తుంటారు. దీనికే ఎక్కువ ఇంట్రెస్ట్ కూడా చూపిస్తుంటారు. అవే అందంగా కనిపిస్తాయి కూడా.
అయితే ఈ ఆకుపచ్చ గాజులు వేసుకోవడం వల్ల చాలా లాభాలు ఉన్నాయి. ఈ గాజులు వేసుకోవడం వల్ల ఎన్నో బాధలు కూడా తొలిగిపోతాయి అంటారు. గ్రీన్ కలర్ బ్యాంగిల్స్ వేసుకుంటే ఆడవారిలో పాజిటివ్ ఎనర్జీతో ఉంటారట. వారిలో మంచి ఆలోచనలు కూడా పెరుగుతుంటాయట.
ఆకుపచ్చ రంగు బుధ గ్రహానికి సంబంధించినది అని తెలిసిందే. అందుకే ఈ గాజులు వేసుకుంటే గ్రహబలం కూడా తోడవుతుంది. జీవితంలో మంచి సౌభాగ్యాన్ని తెస్తాయి. ప్రతీ పనిలో విజయం సాధిస్తారు అంటున్నారు జ్యోతిష్యులు. అంతేకాదు శివపార్వతులు ఆశీర్వాదం కూడా లభిస్తుంటుంది. వైవాహిక జీవితం ఆనందంగా ఉండాలి అంటే రెండు చేతులకు ఆకు పచ్చ గాజులు కూడా కచ్చితంగా వేసుకోవాలి. వీటి వల్ల అదృష్టం వస్తుంది కాబట్టి ఈ గాజులను వేసుకోవడానికి ట్రై చేయండి అంటున్నారు జ్యోతిష్యులు.
