AC Summer Tips: ఎండాకాలం మొదలైంది. కొన్ని చోట్ల ఉష్ణగ్రతలు ఇప్పటికే పెరిగాయి. వేడి నుంచి ఉపశమనం పొందడానికి ఇప్పటికే చాలా మంది ఫ్యాన్లు, కూలర్లు కొనుగోలు చేశారు. కొందరు ఖర్చు అయినా పర్వాలేదు అనుకొని ఏయిర్ కండిషనర్లు (ఏసీ) కొనుగోలు చేస్తున్నారు. అయితే ఏసీని కొనుగోలు చేయడం వరకు ఓకే. కానీ ఆ తరువాత కరెంట్ బిల్లు ఎంత వస్తుందో? అన్న ఆందోళన కొంత మందిలో ఉంటుంది. చాలా మంది అవగాహనలేమి కారణంగా తమ పరిస్థితులకు భిన్నంగా ఎక్కువగా విద్యుత్ బిల్లు వచ్చే వాటిని కొనుగోలు చేసి ఆ తరువాత ఆందోళన చెందుతారు. ముందుగానే ఏ కెపాసిటీ ఏసీకి ఎంత బిల్లు వస్తుందో తెలిస్తే వాటిని వాడే విషయంలో కూడా జాగ్తత్తలు తీసుకుంటారు. మరి ఏ ఏసీకి ఎంత కరెంట్ బిల్లు వస్తుందో ఇప్పుడు చూద్దాం..
Also Read: జగన్ తో కెసిఆర్, కేటీఆర్ కటీఫ్.. అసలు విషయం చెప్పిన ఆంధ్రజ్యోతి ఆర్కే
సాధారణంగా ఏసీని కొనుగోలు చేసే సమయంలో ఎక్కువ శాతం 1.5 టన్ కెపాసిటీని కొనుగోలు చేస్తారు. అయితే ఇందులో 3 స్టార్, 5 స్టార్ ఏసీలు కూడా ఉంటాయి. కొందరు ఏసీ టెక్నీషియన్ నిపుణులు తెలుపుతున్న ప్రకారం.. 1.5 టన్ 5 స్టార్ ఏసీ గంటపాటు రన్ అయితే 1.5 యూనిట్ల విద్యుత్ ఖర్చు అవుతుంది. 8 గంటల పాటు వినియోగిస్తే 1.5X8=12యూనిట్లు ఖర్చు అవుతుంది. ఉదాహరణకు నెల పాటు ఇదే మోతాదులో ఏసీని వినియోగిస్తే.. 12 X 30 =360 యూనిట్ల ఖర్చు అవుతుంది. ఈ యూనిట్లకు స్థానిక విద్యుత్ బిల్లుతో లెక్కిస్తే ఎంత ఖర్చు అవుతుందో తెలుసుకోవచ్చు. అంటే యూనిట్ ఖర్చు రూ.7 ఉంటే రూ.2,520 వస్తుంది. ఇదే తరహాలో 3 స్టార్ ఏసీని వినియోగిస్తే.. గంటకు 1.6 X8=12.8 యూనిట్లు ఖర్చు అవుతుంది. 12.8X30=384 యూనిట్ల ఖర్చు అవుతుంది. అప్పుడు యూనిట్ ఖర్చు రూ.7 అయితే రూ.2,688 అవుతుంది.
మొత్తంగా 5 స్టార్ రేటింగ్ ఏసీతో పోలిస్తే 3 స్టార్ రేటింగ్ ఏసీకి విద్యుత్ బిల్లు ఎక్కువగా ఖర్చు అవుతుంది. అయితే ఉష్ణోగ్రతలు ఎక్కువవుతున్న తరుణంలోకొందరు ఎక్కువ గంటలు విద్యుత్ వినియోగించే అవకాశం ఉంది. కానీ విద్యుత్ బిల్లును ఆదా చేయాలని అనుకుంటే మాత్రం వీటిని తెలుసుకొని పరిమితంగా వాడుకోవచ్చు. అయితే ఏసీని వినియోగించే సమయంలో కొన్ని జాగ్రత్తలు తీసుకోవాల్సిన అవసరం ఉంది. ఏసీ టెంపరేచర్ ను ఎప్పుడూ ఒకే విధంగా ఉంచాలి. ఇది 24 నుంచి 26 సెంటిగ్రేడ్ ఏర్పాటు చేసుకవాలి. ఏసీ ఫిల్టర్లను నెలకోసారి అయినా శుభ్రం చేసుకోవాలి. ఏసీని ప్రతి రెండు గంటలకోసారి వినియోగానికి విరామం ఇవ్వాలి. ఏసీ ఆన్ చేసినప్పుడు గదిని పూర్తిగా మూసివేయాలి.
