పార్లమెంట్ ఉభయసభలు ఇవాళ విపక్ష నినాదాలతో హోరెత్తాయి. పెగాసస్ స్పైవేర్ పై చర్చ చేపట్టాలని విపక్ష సభ్యులు డిమాండ్ చేశారు. ప్లకార్డులతో వెల్ లోకి దూసుకువచ్చారు. ఆ సమయంలో స్పీకర్ ఓం బిర్లా వారిని వెనక్కి వెళ్లాలని ఆదేశించారు. ప్రశ్నోత్తరాలు జరుగుతున్న సమయంలో విపక్ష సభ్యులు నినాదాలు ఆపలేదు. దీంతో స్పీకర్ బిర్లా విపక్ష సభ్యులపై ఆగ్రహం వ్యక్తం చేశారు. సరైన రీతిలో నోటీసు ఇవ్వలేదని ఆరోపించారు. ప్రభుత్వం ఆ అంశంపై సోమవారమే ప్రకటన చేసిందన్నారు. గందరగోళం మధ్య స్పీకర్ సభను మధ్యాహ్నం రెండు గంటలకు వాయిదా వేశారు.
