Aamir Khan third marriage : ప్రముఖ బాలీవుడ్ సూపర్ స్టార్ అమీర్ ఖాన్ నేడు మధ్యాహ్నం బాంద్రాలోని తన నివాసం లో గౌరీ స్ప్రాట్ ని వివాహం చేసుకున్నారు. 12 గంటల 45 నిమిషాలకు వీళ్లిద్దరి పెళ్లి కుటుంబ సభ్యులు , సన్నిహితుల సమక్షం లో జరిగింది. పెద్దగా హంగులు ఆర్భాటాలు లేకుండా, వీళ్లిద్దరు రిజిస్టర్ వివాహాన్ని చేసుకున్నారు. అందుకు సంబంధించిన ఫోటోలు సోషల్ మీడియా లో బాగా వైరల్ అయ్యాయి. అమీర్ ఖాన్ కి ఇది మూడవ పెళ్లి అనే సంగతి అందరికీ తెలిసిందే. 2021 వ సంవత్సరం లో కిరణ్ రావు కి విడాకులు ఇచ్చిన ఈయన , ఫాతిమా సనా షేక్ తో ప్రేమాయణం నడుపుతున్నాడని , ఆమెతో డేటింగ్ చేస్తున్నాడని రూమర్స్ వచ్చాయి, కానీ అందులో ఎలాంటి నిజం లేదని కాలం గడిచే కొద్దీ అందరికీ తెలిసొచ్చింది. అయితే ఇంతకీ ఎవరు ఈ గౌరీ స్ప్రాట్ ?, ఈమె బ్యాక్ గ్రౌండ్ హిస్టరీ ఏంటి అనేది ఇప్పుడు మనం చూడబోతున్నాం.
గౌరీ స్ప్రాట్ బెంగళూరు ప్రాంతానికి చెందిన ఒక మహిళ. ఈమె వయస్సు 47 ఏళ్ళు. బెంగళూరు లో ఈమె ఒక పెద్ద వ్యాపారవేత్తగా, ఫ్యాషన్ కన్సల్టెంట్ గా ఫేమస్. ఈమె తాత మన భారత దేశ స్వతంత్ర ఉద్యమానికి దోహదపడిన బ్రిటిష్ వ్యక్తి ఫిలిప్ స్ప్రాట్ మనవరాలు. బ్రిటిష్ దేశానికీ చెందినవాడు అయినప్పటికీ కూడా మన భారత దేశానికీ స్వాతంత్ర ఉద్యమం లో ఫిలిప్ ఎంతో తోడ్పాటుని అందించారు. గౌరీ స్ప్రాట్ బాల్యం మొత్తం లండన్ లోనే సాగింది. అక్కడి యూనివర్సిటీ ఆఫ్ ది ఆర్ట్స్ లో ఫ్యాషన్ , స్టైలింగ్ మరియు ఫోటోగ్రఫీ విభాగాల్లో డిగ్రీ పొందింది. ఇండియాలో ప్రఖ్యాతి గాంచిన BBlunt
సలోన్ లో ఒక డైరెక్టర్ గా పని చేసిన అనుభవం కూడా ఉంది. అదే విధంగా అమీర్ ఖాన్ ప్రొడక్షన్స్ కి ఈమె కాస్ట్యూమ్ డిజైనర్ గా కూడా పనిచేస్తూ వచ్చింది.
అలా రెండు దశాబ్దాలుగా వీళ్లిద్దరి మధ్య ఉన్న పరిచయం , స్నేహం ఒకరిని ఒకరు బాగా అర్థం చేసుకునేలా చేసింది. దీంతో విడాకులు తర్వాత అమీర్ ఖాన్ ఈమెతో సహజీవనం చేయడం మొదలు పెట్టారు. ఇప్పుడు అది పెళ్లి వరకు దారి తీసింది. అయితే సోషల్ మీడియా లో అమీర్ ఖాన్ మూడవ పెళ్లి పై ట్రోల్స్ భారీగానే జరుగుతున్నాయి. కానీ అమీర్ ఖాన్ వాటిని పట్టించుకోవడం లేదు. ఆశ్చర్యాన్ని కలిగించే విషయం ఏమిటంటే ఈరోజు జరిగిన పెళ్ళికి అమీర్ ఖాన్ పిల్లలు కూడా హాజరు కావడం గమనార్హం.
