Alcohol Drinking: జ్వరం, జలుబు, దగ్గు వంటి వాటితో బాధపడుతున్నప్పుడు యాంటీ బయోటిక్స్ వాడటం కామన్. మరి ఇవి వాడుతున్నప్పుడు ఇతర పదార్థాలు కొన్ని తినవచ్చా లేదా అనే అనుమానాలు చాలా మందిలో ఉంటాయి. అందులో కొన్ని డాక్టర్లను చెప్తుంటారు కానీ మందు గురించి మీరు అడిగి ఉండకపోవచ్చు. ఇక యాంటీ బయోటిక్స్ తీసుకుంటున్నప్పుడు మద్యం సేవించ వచ్చా? లేదా అనే అనుమానం మీలో కలిగిందా? ఓ సారి ఈ విషయం గురించి తెలుసుకుందాం.
మీరు వద్దనుకున్న కొన్ని సార్లు మద్యం సేవించాల్సిన సమయం వస్తుంది. అలాంటప్పుడు మీరు కూడా తాగాలి అనుకుంటారు. ఇంతకీ యాంటీబయోటిక్స్ తీసుకుంటున్నప్పుడు మద్యం సేవించవచ్చా? అంటే మిశ్రమ ఫలితాలు లభిస్తున్నాయి. ఇటీవల చేసిన కొన్ని పరిశోధనల్లో మితంగా మద్యం చేసుకోవడం వల్ల ప్రయోజనాలు ఉన్నాయని సూచిస్తున్నారు వైద్యులు. కానీ కొన్ని యాంటీ బయోటిక్స్ తీసుకుంటున్నప్పుడు మాత్రం మద్యాన్ని పూర్తిగా మానేయాలి.
వైద్యుల అభిప్రాయం ప్రకారం మందులు వేసుకుంటున్నప్పుడు మద్యం సేవించడం పూర్తిగా నిషేధించడమే ఉత్తమం అంటున్నారు. నేషనల్ హెల్త్ సర్వీస్ ప్రకారం యాంటీబయోటిక్స్ కోర్సు ముగిసిన వెంటనే కాకుండా కనీసం 48 నుంచి 72 గంటల తర్వాత ఆల్కహాల్ ను తీసుకోవచ్చట. యాంటీబయోటిక్స్ సమయంలో మద్యపానం సేవిస్తే అసాధారణ కారణాలకు దారి తీస్తుందట. శ్వాస ఆడకపోవడం, తలనొప్పి, ఛాతి సమస్యలు, అసాధారణ హృదయ స్పందన, వికారం వంటి సమస్యలు రావచ్చట.
కో-ట్రిమోక్సాజోల్, లిన్టోడిల్, డాక్సీసైక్లిన్స్ రిత్రోమైసిన్ వంటివి తీసుకుంటున్నప్పుడు కూడా మద్యం సేవించకపోవడమే బెటర్ అంటున్నారు వైద్యులు. ఆరోగ్యం కాపాడుకోవటం కోసం యాంటీబయోటిక్స్ తీసుకుంటున్నప్పుడు మళ్లీ ఆరోగ్యాన్ని పాడు చేసే మద్యం సేవించడం ఎందుకు? అందుకే నో ఆల్కహాల్ విత్ యాంటీబయోటిక్స్ అని ఫిక్స్ అవండి.