Sreeleela: హీరోయిన్ శ్రీ లీల వరుస ఆఫర్లతో కెరీర్ లో ముందుకు దూసుకెళ్తుంది. 2019 లో కిస్ సినిమాతో కన్నడ ఇండస్ట్రీలో అడుగు పెట్టింది. ఆ సినిమాకు మంచి రెస్పాన్స్ వచ్చింది. ఇక తెలుగులో పెళ్లి సందడి తో ప్రేక్షకులను మెప్పించింది. తన డాన్సింగ్ స్కిల్స్ తో ఆకట్టుకుంది. ఆ తర్వాత వరుస ఆఫర్స్ తో బిజీ అయిపోయింది. ధమాకా మూవీ తో మంచి హిట్ అందుకుంది. తనకు వచ్చిన ప్రతి అవకాశాన్ని సద్వినియోగం చేసుకుంది. వరుస పెట్టి సినిమాలకు సైన్ చేసింది.
భగవంత్ కేసరి తో హిట్ సొంతం చేసుకున్నప్పటికీ .. ఆది కేశవ, ఎక్స్ట్రా ఆర్డినరీ మ్యాన్ చిత్రాలు ఫ్లాప్ అయ్యాయి. దీంతో శ్రీలీల గుంటూరు కారం పై ఎన్నో ఆశలు పెట్టుకుంది. కెరీర్ లో మొదటిసారి మహేష్ బాబు లాంటి పెద్ద హీరో సినిమాలో అవకాశం అందుకుంది. ఇక్కడ కూడా ఆమెకు అదృష్టం కలిసొచ్చింది. గుంటూరు కారం లో ఆమెను ముందుగా సెకండ్ లీడ్ గా తీసుకున్నారు. ఇక పూజ హెగ్డే తప్పుకోవడంతో మెయిన్ హీరోయిన్ అయిపోయింది.
గుంటూరు కారం తన కెరీర్ కి గట్టి పునాది వేస్తుందని భావించింది. కానీ .. గుంటూరు కారం అనుకున్నంత సక్సెస్ అందుకోలేకపోయింది. ఈ చిత్రం మిక్స్డ్ టాక్ సొంతం చేసుకుంది. ఇందులో శ్రీలీల పాత్ర పెద్దగా ఎలివేట్ కాలేదు అనే టాక్ వినిపిస్తోంది. ఎప్పటిలాగే ఆమె కేవలం డాన్సులకే పరిమితమైందని విమర్శలు వచ్చాయి. స్కంద సినిమా టైములో శ్రీలీల పాత్రకు ఎన్ని విమర్శలు వచ్చాయో .. అదే రేంజ్ లో గుంటూరు కారం విషయంలో కూడా శ్రీలీల కార్నర్ అయింది.
ఈ నేపథ్యంలో శ్రీ లీలను పూజ హెగ్డే తో పోలుస్తున్నారు విమర్శకులు. పూజా హెగ్డే కూడా ఇంతే .. డీజే సినిమా తర్వాత వరుసపెట్టి అవకాశాలు అందుకుంది.కేవలం హీరోలని చూసి సినిమాలకు సైన్ చేసింది. ఆచార్య, రాధే శ్యాం లాంటి డిజాస్టర్స్ తర్వాత పూజకి ఆఫర్లు కరువయ్యాయి. ఆమెకు బ్యాడ్ టైం స్టార్ట్ అయింది. ఇప్పుడు శ్రీలీల కూడా అదే తప్పు రిపీట్ చేస్తుందని చిత్ర వర్గాలు విమర్శలు చేస్తున్నారు.
