Ustaad Bhagat Singh anthakshari scene: ‘ఓజీ’ లాంటి హై స్టాండర్డ్ క్వాలిటీ సినిమాని చూసిన తర్వాత , అభిమానులతో పాటు , ప్రేక్షకులు కూడా పవన్ కళ్యాణ్(Deputy CM Pawan Kalyan) నుండి అంతకు మించిన క్వాలిటీ సినిమా కావాలని కోరుకుంటారు. అంత క్వాలిటీ లేకపోయినా , కనీస స్థాయి క్వాలిటీ సినిమా అయినా పవన్ కళ్యాణ్ అందిస్తే అందరు సంతోషిస్తారు . కానీ అలా కాకుండా , మరో 12 సంవత్సరాలు వెనక్కి వెళ్లి పాత కమర్షియల్ సినిమాని అందిస్తే అభిమానులు తట్టుకోగలరా చెప్పండి ?, ఇప్పుడు ‘ఉస్తాద్ భగత్ సింగ్'(Ustaad Bhagat Singh) మూవీ విషయం లో పవన్ అభిమానులకు మింగలేని , కక్కలేని పరిస్థితి. వాళ్ళ పరిస్థితి ని చూసి పగోడికి కూడా ఇలాంటి కష్టం రాకూడదు అంటూ ఇతర హీరోల అభిమానులు కూడా జాలి పడే పరిస్థితి ఏర్పడింది. ఎందుకంటే రీసెంట్ గా ఈ సినిమా నుండి విడుదలైన ‘మెడ ముట్టుకుంటే ..తొడగొట్టినట్టే’ పాట అలాంటిది అన్నమాట.
నాసిరకమైన లిరిక్స్ ని చంద్రబోస్ లాంటి రైటర్ తో రాయించడం , అద్భుతంగా వచ్చింది అంటూ సంబరాలు చేసుకోవడం డైరెక్టర్ హరీష్ శంకర్ కే చెల్లింది. ఈ పాట విన్న తర్వాత సోషల్ మీడియా లో పవన్ కళ్యాణ్ అభిమానులు హరీష్ శంకర్ ని , మూవీ టీం ని ట్యాగ్ చేసి ఒక రేంజ్ లో తిట్టారు. కనీసం ఈ నెగెటివ్ ఫీడ్ బ్యాక్ ని కూడా ఆయన చూడలేదు. ఫ్యాన్స్ , ఆడియన్స్ నుండి బంపర్ రెస్పాన్స్ వచ్చింది అనే భ్రమలో ఉండిపోయాడు హరీష్ శంకర్. ఇది కాసేపు పక్కన పెడితే , హరీష్ శంకర్ ఎంత అవుట్ డేటెడ్ అయిపోయాడు అనేది చెప్పేందుకు ఈ సినిమా నుండి మరో ఆసక్తికరమైన విషయం లీక్ అయ్యింది. అదేమిటంటే 2012 వ సంవత్సరం లో విడుదలై సెన్సేషన్ క్రియేట్ చేసిన ‘గబ్బర్ సింగ్’ సినిమాలో అంత్యాక్షరి సన్నివేశం ఎంత హైలైట్ అయ్యిందో ప్రత్యేకించి చెప్పనవసరం లేదు.
సెకండ్ హాఫ్ ని వేరే లెవెల్ కి తీసుకెళ్లింది ఆ సన్నివేశం. ఈ సినిమాలో సక్సెస్ అయ్యిందని ప్రతీ హీరో అప్పట్లో ఈ సన్నివేశాన్ని అరిగిపోయే రేంజ్ లో రీ క్రియేట్ చేసి జనాలను చావబాదారు. దీంతో అంత్యాక్షరి ట్రెండ్ పైనే ఆడియన్స్ కి చిరాకు కలిగింది. ఇప్పుడు అలాంటి సన్నివేశాన్ని ‘ఉస్తాద్ భగత్ సింగ్’ లో కూడా పెట్టాడట హరీష్ శంకర్ . ఆయనే ఈ ట్రెండ్ కి శ్రీకారం చుట్టి , అవుట్ డేట్ అయిపోయిన అదే సన్నివేశాన్ని మరోసారి తన సినిమా కోసం వాడుతున్నాడు. ఈ విషయం తెలుసుకున్న అభిమానులు , నీ అవుట్ డేటెడ్ ఐడియాలతో ఈ సినిమా ఎలా ఉంటుందో అర్థమై మామూలు ఆడియన్స్ పట్టించుకోవడం మానేశారు. ఇప్పుడు అభిమానులను కూడా థియేటర్ వైపు చూడాలంటే భయపడేలా చేసేలా ఉన్నావ్ అంటూ సోషల్ మీడియా లో విశ్లేషకులు కామెంట్స్ చేస్తున్నారు.
