Dhurandhar 2 Allu Arjun update: వచ్చే నెల 19 వ తారీఖున విడుదల అవ్వబోయే ‘ధురంధర్ 2′(Dhurandhar 2 : The Revenge) చిత్రం కోసం మన తెలుగు ఆడియన్స్ ఎంతలా ఎదురు చూస్తున్నారో ప్రత్యేకించి చెప్పనవసరం లేదు. గత అది డిసెంబర్ లో విడుదలైన ‘ధురంధర్’ చిత్రం కేవలం హిందీ వెర్షన్ తోనే 1400 కోట్ల రూపాయిల గ్రాస్ వసూళ్లను రాబట్టి సంచలనం సృష్టించింది . ఈ సినిమాని తెలుగులోకి డబ్ చేస్తే చూడాలని మన ఆడియన్స్ ఎంతగానో కోరుకున్నారు. కానీ సమయం లేకపోవడం తో తెలుగు వెర్షన్ థియేటర్స్ లో విడుదల కాలేదు. రీసెంట్ గానే నెట్ ఫ్లిక్స్ లో తెలుగు వెర్షన్ తో సహా ఇతర ప్రాంతీయ భాషల్లో విడుదల చేశారు. దీనికి మన ఆడియన్స్ నుండి సెన్సేషనల్ రెస్పాన్స్ వచ్చింది. ఇది కదరా సినిమా అంటే అంటూ సోషల్ మీడియా లో ప్రతీ ఒక్కరు కామెంట్స్ చేశారు.
అలాంటి క్రేజీ సినిమాకు సీక్వెల్ కాబట్టే ‘ధురంధర్ 2 : ది రివెంజ్’ కోసం మన ఆడియన్స్ అంతలా ఎదురు చూస్తున్నారు. ఒక టాలీవుడ్ స్టార్ హీరో కి సినిమా విడుదలకు ముందు మన తెలుగు ఆడియన్స్ లో ఎంత క్రేజ్ ఉంటుందో , ఈ సినిమాకు కూడా అంతే క్రేజ్ ఉంది. అందుకే సినిమా తెలుగు వెర్షన్ రైట్స్ కోసం మన టాలీవుడ్ కి చెందిన బడా బడా నిర్మాతలు కూడా ఉన్నారు. వారిలో ముఖ్యంగా ముగ్గురు ఈ సినిమా థియేట్రికల్ రైట్స్ కోసం పోటీ పడుతున్నారు. వాళ్ళు ఎవరెవరంటే గీత ఆర్ట్స్ , అన్నపూర్ణ స్టూడియోస్ , మైత్రీ మూవీ మేకర్స్. ఈ మూడు సంస్థలు ‘ధురంధర్ 2’ తెలుగు వెర్షన్ రైట్స్ కోసం పోటీ పడుతున్నాయ్. ‘మైత్రీ మూవీ మేకర్స్’ నుండి భారీ డీల్ ని ‘ధురంధర్ 2’ మేకర్స్ ముందు పెట్టారు. వాళ్ళకే ఈ సినిమా రైట్స్ ఇక ఖరారు అయిపోబోతుంది అని అంతా అనుకుంటున్న సమయం లో అల్లు అర్జున్(Icon Star Allu Arjun) ఎంట్రీ ఇచ్చాడు.
‘ధురంధర్ 2’ నిర్మాతలతో స్వయంగా ఆయన మాట్లాడి , ఈ సినిమా తెలుగు వెర్షన్ థియేట్రికల్ రైట్స్ ని గీత ఆర్ట్స్ సంస్థకి దక్కేలా చేసాడని ఇండస్ట్రీ వర్గాల్లో వినిపిస్తున్న టాక్. అంతే కాదు ఈ సినిమా ప్రొమోషన్స్ కార్యక్రమాల్లో తెలుగు వెర్షన్ వరకు పాల్గొంటానని అల్లు అర్జున్ మాట ఇచ్చాడట . ఆ ఒక్క మాటతోనే గీత ఆర్ట్స్ సంస్థ కి ఈ సినిమా తెలుగు వెర్షన్ థియేట్రికల్ రైట్స్ ని అమ్మేసినట్టు ఇండస్ట్రీ వర్గాల్లో బలంగా ఒక వార్త వినిపిస్తుంది . అయితే గీత ఆర్ట్స్ ఇంతకు ఈ సినిమా రైట్స్ ని కొనుగోలు చేసింది అనేది ప్రస్తుతానికి సస్పెన్స్.
