Family Star: విజయ్ దేవరకొండ మీద ఎందుకు అంత నెగిటివిటీ? టాలీవుడ్ లో లేటెస్ట్ హాట్ టాపిక్ ఇది. విజయ్ దేవరకొండ నటించిన ఫ్యామిలీ స్టార్. ఏప్రిల్ 5న విడుదలైంది. మొదటి షో నుండే ఫ్యామిలీ స్టార్ పై నెగిటివ్ టాక్ మొదలైంది. ఫ్యామిలీ స్టార్ సినిమా బాగోలేదని వరుస రివ్యూలు. అలాగే నెగిటివ్ కామెంట్స్ తో ట్విట్టర్ నిండిపోయింది. ఫ్యామిలీ స్టార్ మూవీ పర్లేదు అని కొందరి మాట. అయితే ప్రచారం అవుతున్నట్లు చెత్త మూవీ కాదని కొందరు ఆడియన్స్ అంటున్నారు. కేవలం విజయ్ దేవరకొండ మూవీ కావడం వలనే ఈ స్థాయిలో నెగిటివ్ కామెంట్స్ చేస్తున్నారని విజయ్ ఫ్యాన్స్ వాపోతున్నారు.
అసలు విజయ్ దేవరకొండను ఈ రేంజ్ లో టార్గెట్ చేస్తుంది ఎవరు? ఎలాంటి నేపథ్యం లేకుండా ఎదిగిన విజయ్ దేవరకొండను తొక్కేయాలనే కుట్ర జరుగుతుందా? అనే అనుమానాలు కలుగుతున్నాయి. చిత్ర విడుదలకు ముందే విజయ్ దేవరకొండ కామెంట్స్ ని ట్రోల్ చేశారు. నేను మిడిల్ క్లాస్ కష్టాలు చూశాను. పెళ్లి చూపులు సినిమా విడుదలయ్యాక మాత్రమే నేను బైక్ పెట్రోల్ ట్యాంక్ ఫుల్ చేయించాను. ఎప్పుడూ మీటర్ రెడ్ చూపించేది… అన్నాడు.
ఇవన్నీ సింపతీ కోసం చేస్తున్న కామెంట్స్. విజయ్ దేవరకొండ తమ్ముడు అమెరికాలో జాబ్ చేసే స్థాయిలో ఉన్నాడు. విజయ్ దేవరకొండ తల్లి మాది దొరల ఫ్యామిలీ అని చెప్పింది. విజయ్ దేవరకొండది మిడిల్ క్లాస్ ఫ్యామిలీ కాదని ట్రోల్ చేశాడు. అలాగే ఎవడేమనుకున్నా రూ. 200 కోట్ల వసూళ్లు కొట్టి చూపిస్తా అని విజయ్ దేవరకొండ చేసిన కామెంట్స్ ని కూడా ట్రోల్ చేశారు. విజయ్ దేవరకొండ మొదటి నుండి ఒక యాటిట్యూడ్ మైంటైన్ చేస్తున్నాడు.
ఇది నచ్చని వాళ్ళు కూడా ఉన్నారు. విజయ్ దేవరకొండకు పొగరు అని భావించే వర్గం లేకపోలేదు. విపరీతమైన నెగిటివ్ కామెంట్స్ తో ఫ్యామిలీ స్టార్ చిత్రాన్ని చంపేసే ప్రయత్నం జరిగింది. కనీసం ఓపెనింగ్స్ కూడా దక్కకుండా చేశారు. కాగా ఫ్యామిలీ స్టార్ పై నెగిటివిటీకి దిల్ రాజు కూడా కారణం కావచ్చు. పరిశ్రమపై ఆయన ఆధిపత్యం నచ్చని కొందరు ఫ్యామిలీ స్టార్ పై మోతాదుకు మించిన నెగిటివిటీ స్ప్రెడ్ చేస్తున్నారు. ఎప్పటిలానే విజయ్ దేవరకొండ సోషల్ మీడియా టార్గెట్ అయ్యాడు.
