Karthikeya: ఆర్ఎక్స్ 100 చిత్రంతో తెలుగు తెరకు ఎంట్రీ ఇచ్చి సూపర్ హిట్ అందుకున్నాడు కార్తికేయ. ఈ చిత్రం తర్వాత విభిన్న కథలతో ప్రేక్శకులను అలరించేందుకు కార్తికేయ ప్రయత్నించిన… అవి అంత సక్సెస్ కాలేదనే చెప్పాలి. అయితే ప్రస్తుతం కార్తికేయ నటిస్తున్న చిత్రం ‘రాజా విక్రమార్క’. ఈ చిత్రాన్ని టి.ఆదిరెడ్డి సమర్పణలో శ్రీచిత్ర మూవీ మేకర్స్ బ్యానర్ పై 88 రామారెడ్డి నిర్మిస్తున్నారు. ఈ చిత్రానికి శ్రీ సరిపల్లి దర్శకత్వం వహిస్తుండగా… తాన్యా రవిచంద్రన్ హీరోయిన్ నటిస్తుంది.
ఇప్పటికే ఈ సినిమా నుంచి విడుదలైన టీజర్, సాంగ్ ప్రేక్షకులను ఎంతగానో ఆకట్టుకున్నాయి. ఇక తాజాగా ఈ సినిమా ట్రైలర్ ని స్టార్ హీరో నాని విడుదల చేశారు. ట్రైలర్ విషయానికొస్తే.. అల్లరిచిల్లరిగా కనిపించే ఎన్ఐఏ ఏజెంట్ అయిన కార్తికేయ హోమ్ మంత్రిని ఒక ప్రమాదం నుంచి కాపాడడానికి సీక్రెట్ మెషిన్ ప్లాన్ చేస్తాడు. ఈ నేపథ్యంలోనే హోమ్ మంత్రి కూతురితోనే ప్రేమలో పడతాడు. ఇక ఈ మెషిన్ లోకి శత్రువులు ఎంటరవుతారు. వారిని అడ్డుకొని ఏజెంట్ విక్రమ్ హోమ్ మంత్రి ని కాపాడాడా… లేదా అనే కధాంశంతో తెరకెక్కుతుంది.
ఎన్ఐఏ ఏజెంట్ గా కార్తికేయ లుక్, బాడీ కట్ అవుట్ తో మెప్పించదనే చెప్పాలి. లైఫ్ ఈజ్ బ్యూటిఫుల్ ఫేమ్ సుధాకర్, తనికెళ్ళ భరణి, హర్షవర్ధన్ సినిమాలో ముఖ్య పాత్రలు పోషిస్తున్నారు. ప్రశాంత్ ఆర్ విహారి సంగీతం అందిస్తున్న ఈ సినిమాను నవంబర్ 12 న విడుదల చేసేందుకు ప్లాన్ చేస్తున్నారు. మరి ఈ చిత్రంతో అయిన కార్తికేయకు విజయం దక్కుతుందో లేదో చూడాలి.
