Kovai Sarala: ఒకప్పుడు సినిమా ఇండస్ట్రీలో చాలామంది కమెడియన్స్ కామెడీ చేస్తుండేవారు. ఇక ఇదే సమయం లో లేడి కమెడియన్ గా తనకంటూ ఒక సపరేట్ స్టైల్ ను ఏర్పాటు చేసుకొని, ఇండస్ట్రీలో చాలా సంవత్సరాల పాటు కమెడియన్ గా వెలుగొందినా నటి ఎవరంటే కోవై సరళ.. ఇక కోవై సరళ తెలుగు, తమిళ భాషల్లో చాలా సినిమాలు చేసింది.
ఇక బ్రహ్మానందం ఆమెకి మధ్య వచ్చే కామెడీ సీన్స్ ను చూడడానికి ప్రేక్షకులు విపరీతంగా ఇష్టపడేవారు.వాళ్ల కామెడీ నెక్స్ట్ లెవెల్లో ఉండేది. కొన్ని సినిమాలైతే వీళ్ళ కామెడీ వల్లే సూపర్ సక్సెస్ అయ్యాయి అని చెప్పడంలో ఎంత మాత్రం అతిశయోక్తి లేదు. ఇక అలాంటి కొవై సరళ ఎప్పుడు నవ్వుతు, ప్రేక్షకులందరిని నవ్విస్తూ ఉండేది. కానీ ఆమె జీవితంలో కూడా కొన్ని విషాద ఛాయలు అలుముకున్నాయి అనే విషయం మనలో చాలామందికి తెలియదు. ఇక అలీ టాక్ షోలో పాల్గొన్న ఆమె తన జీవితంలో జరిగిన కొన్ని సంఘటనల గురించి చెబుతూ చాలా ఎమోషనల్ అయ్యారు.
ఆమె నటిగా చాలా పీక్ స్టేజ్ లో ఉన్న సమయంలో ఒక రోజు తను ఊటీలో షూటింగ్ చేయాల్సి వచ్చిందట. అదే టైంలో వాళ్ళ నాన్న చనిపోయాడనే వార్త ఆమెకు తెలిసిందట. ఇక అక్కడ ఒక సాంగ్ షూట్ జరుగుతున్న నేపథ్యంలో ఆ సినిమాలో నటిస్తున్న నటినటులు అందరూ ఆ సినిమాలో ఆ సెట్లో ఉన్నారు. అదే సమయంలో తను అక్కడ వాళ్లను పర్మిషన్ తీసుకొని వెళ్ళిపోతే ఆ సినిమా షూటింగ్ క్యాన్సిల్ అవుతుంది. అది చిన్న సినిమా, వాళ్లు మళ్లీ షూట్ చేసుకోవడానికి చాలా సమయం, డబ్బు అవసరం అవుతుందని తను ఆలోచించి తన వల్ల షూటింగ్ ఆగిపోకూడదని అది పూర్తి చేసుకున్నాక ఆమె వాళ్ల నాన్న దగ్గరికి బయలుదేరిందట. కానీ అప్పటికే వాళ్ల నాన్న అంత్యక్రియలు పూర్తి అయ్యాయట.
ఆయన చివరి చూపుకి కూడా తను నోచుకోలేదంటు ఆమె చాలా ఎమోషనల్ అయ్యారు. ఇక ఇది చూసిన తమ బంధువులంతా నాన్న చనిపోయాడని తెలిసినప్పుడు షూటింగ్ చేయకుండా రావచ్చు కదా.. ఇప్పుడు చూడు చివరి చూపు కూడా నోచుకోలేదు. తనకి మనిషి కంటే డబ్బే ముఖ్యం అంటూ తనని సూటిపోటీ మాటలతో హింసించారట. ఇక మొత్తానికైతే కోవై సరళ కొన్ని ఎమోషనల్ సంఘటనలు చెబుతూ బాధపడింది…