Pushpa: మార్వెల్ కామిక్స్లో ఎన్నో ఏళ్లుగా ప్రేక్షకులను అలరిస్తూ వస్తోంది స్పైడర్ మ్యాన్. ఇప్పటికే ఈ కామిక్ మీద ఎన్నో సిరీస్లు వచ్చాయి. ఈ క్రమంలోనే ఎంతో మంది స్పైడర్ మ్యాన్కు అభిమానులయ్యారు. చిన్నా పెద్దా అనే తేడా లేకుండా అందరూ థియేటర్లకు వచ్చి స్పైడర్ మ్యాన్ను చూసి ఎంజాయ్ చేశారు. తాజాగా స్పైడర్ మ్యాన్ : నో వే హోమ్తో మరోసారి అలంచేందుకు సిద్ధమయ్యారు మేకర్స్.
Also Read: పుష్పరాజ్కు అయాన్ స్పెషల్ విషెస్.. నెట్టింట్లో పోస్ట్ వైరల్
తాజాగా విడుదలైన ఈ సినిమా రెట్టింపు జోష్తో ముందుకు దూసుకెళ్లిపోతోంది. మరోవైపు పుష్ప కూడా రంగంలోకి దిగి తన సత్తా చూపుతోంది. ప్రస్తుతం ఈ రెండు సినిమాలు బాక్సాఫీసు వద్ద పోటీగా నిలబడుతున్నాయి. అయితే, స్పైడర్మ్యాన్ సినిమా తనకు పోటీగా రావడంపై అల్లు అర్జున్ స్పందించారు. స్పైడర్ మ్యాన్ : నో వే హోమ్ విడుదలవ్వడం చాలా సంతోషం. ఇక్కడ స్పైడర్మ్యాన్కు చాలా క్రేజ్ ఉంది. పుష్ప బాక్సాఫీసు వద్ద ఎంత వసూళ్లు సాధిస్తూందోననే ఆలోచన అసలు లేదు. కానీ, స్పైడర్మ్యాన్ కచ్చితంగా హిట్ కొడుతుంది. ఇప్పుడిప్పుడే కరోనా నుంచి బయటపడుతున్నాం. ప్రేక్షకులు కూడా ధైర్యంగా థియేటర్లకు వస్తున్నారు. అని చెప్పుకొచ్చారు బన్నీ.
కాగా, కరోనా ఎఫెక్ట్తో చాలా కాలంగా థియేటర్లు మూతపడిన విషయం తెలిసిందే. మళ్లీ జనాలు వస్తారా రారా అన్న సందేహంలో ఉండగా.. అఖండ ఘన విజయంతో ఇండస్ట్రీకి కాస్త ఊరట లభించింది. ఈ క్రమంలోనే పెద్ద సినిమాలన్నీ విడుదలకు సిద్ధమవుతున్నాయి. మరోవైపు పుష్ప సినిమాకు సంబంధించి థియేట్రికల్, ఓటిటి, శాటిలైట్, ఆడియో హక్కులతో సహా ఓవరాల్గా అన్ని రైట్స్ కలిసి రూ. 250 కోట్లు పలికినట్లు తెలుస్తోంది.
Also Read: ‘పుష్ప- ది రైజ్’ రివ్యూ
