Pan India Star Heroine: ఈ ఫొటోలో పోలీస్ డ్రెస్ లో చాలా క్యూట్ గా కనిపిస్తున్న ఈ చిన్నారి ఎవరో గుర్తు పట్టారా?.. సినీ ఇండస్ట్రీ లోకి రాకముందు , ఈమె ఒక ప్రముఖ MNC కంపెనీ లో సాఫ్ట్ వేర్ ఉద్యోగి. సినీ రంగం పై మక్కువతో మోడలింగ్ లోకి ఎంట్రీ ఇచ్చి, ఆ తర్వాత సినిమాల్లోకి ఆడిషన్స్ ద్వారా అడుగుపెట్టింది. మొదటి సినిమా తోనే పాన్ ఇండియా లెవెల్ లో అద్భుతమైన గుర్తింపు , క్రేజ్ ని సంపాదించుకుంది. ఇక ఆ తర్వాత ఈమె వెనక్కి తిరిగి చూసుకోవాల్సిన అవసరం రాలేదు. వరుసగా క్రేజీ మూవీస్ లో నటిస్తూ , యూత్ ఆడియన్స్ లో మంచి క్రేజ్ ని సంపాదించుకొని ముందుకు దూసుకెళ్తోంది. తెలుగు ఆడియన్స్ లో కూడా ఈమెకు అద్భుతమైన క్రేజ్ ఉంది. ఆమె మరెవరో కాదు శ్రీనిధి శెట్టి.
ఈమె 2018 వ సంవత్సరం లో ‘KGF : చాప్టర్ 1’ తో వెండితెర అరంగేట్రం చేసింది. ఈ సినిమా పాన్ ఇండియా లెవెల్ లో సృష్టించిన సెన్సేషన్ గురించి ఎంత మాట్లాడుకున్నా తక్కువే. ఆ తర్వాత ‘KGF : చాప్టర్ 2’ కూడా పాన్ ఇండియా లెవెల్ లో 1500 కోట్ల గ్రాస్ వసూళ్లను రాబట్టి హిస్టరీ క్రియేట్ చేసింది. ఇక ఆ తర్వాత తమిళం లో విక్రమ్ హీరో గా నటించిన ‘కోబ్రా’ లో హీరోయిన్ గా నటించింది కానీ , ఆ సినిమా బాక్స్ ఆఫీస్ వద్ద అనుకున్నంత స్థాయిలో ఆడలేదు. ఆ తర్వాత టాలీవుడ్ లో ఈమె న్యాచురల్ స్టార్ నాని హీరో గా నటించిన ‘హిట్ : ది థర్డ్ కేస్ ‘ లో హీరోయిన్ గా నటించి మంచి సక్సెస్ ని అందుకుంది. ఇక ఆ తర్వాత చేసిన ‘తెలుసు కదా’ చిత్రం కమర్షియల్ గా సూపర్ హిట్ అవ్వకపోయిన, శ్రీనిధి శెట్టి కి మాత్రం మంచి పేరు ని తెచ్చిపెట్టింది.
ఇప్పుడు ప్రస్తుతం ఆమె విక్టరీ వెంకటేష్ , త్రివిక్రమ్ శ్రీనివాస్ కాంబినేషన్ లో తెరకెక్కుతున్న ‘ఆదర్శ కుటుంబం హౌస్ నెంబర్ – 47’ లో హీరోయిన్ గా నటిస్తోంది. శరవేగంగా షూటింగ్ కార్యక్రమాలను జరుపుకుంటున్న ఈ చిత్రం , ఈ ఏడాది అక్టోబర్ 2 న ప్రపంచవ్యాప్తంగా గ్రాండ్ గా విడుదల కాబోతుంది. ఈ సినిమా హిట్ అయితే శ్రీనిధి శెట్టి రేంజ్ టాలీవుడ్ లో ఎవ్వరూ ఊహించని స్థాయికి చేరుకుంటుంది అనడంలో ఎలాంటి సందేహం లేదు. రీసెంట్ గానే ఈ చిత్రానికి సంబంధించిన క్యారెక్టర్స్ టీజర్స్ విడుదల అవ్వగా, దానికి ఆడియన్స్ నుండి మంచి రెస్పాన్స్ వచ్చింది , సినిమాకు కూడా అదే రేంజ్ రెస్పాన్స్ వస్తుందో లేదో చూడాలి.
This girl have separate fanbase now pic.twitter.com/xELF20hA5U
— bud wiser (@Userdeva7) July 29, 2026
