Sonu Sood: కరోనా వ్యాప్తి నేపథ్యంలో బాలీవుడ్ నటుడు సోనూసూద్ అభాగ్యులకు అండగా నిలిచి పేదల పాలిట రియల్ హీరోగా మారారు. రైతులు, కార్మికులు, రోగులు.. ఇలా ఆయన్ని సాయం కోరినవారికి తోచిన సాయం చేస్తూ స్టార్గా నిలిచారు. దీంతో పాటు, పలువుర సమస్యలను సోనూసూద్ దృష్టికి తీసుకెళ్తున్నారు. ఇలా ఆయన చేస్తున్న సేవలకు కొంతమంది అభిమానులు ఆయన ఇంటి వద్దకు వెళ్లి మరీ కృతజ్ఞతలు తెలిపారు. తాజాగా, సోనూసూద్ తన ఇంటి ముందుకు వచ్చిన కూరగాయల బండి వచ్చింది. అదే సమయంలో సోనూసూద్ బయటికి వచ్చారు. దీంతో వారి బండిలో ఉన్న కూరగాయల ధరల గురించి సోనూసూద్ అడిగి తెలుసుకున్నారు.
Order me for a free home delivery of fresh vegetables.
Eat healthy Live healthy 🌶 🌽 🍅 #supportsmallbusiness pic.twitter.com/XVdI28T13g— sonu sood (@SonuSood) November 6, 2021
ఈ క్రమంంలోనే వారు ఎక్కడ నుంచి వచ్చారో అడిగి తెలుసుకున్నారు. ఈ క్రమంలోనే బండి మీద కూరగాయలు అమ్మే వారి వద్ద తాజా కూరగాయలు ఉంటాయని అన్నారు. వారి వద్ద కూరగాయలు కొంటే చిరు వ్యాపారులకు సాయం అందించినట్లు అవుతుందని అన్నారు. ఈ క్రమంలోనే ఓ వీడియోను సోనూసూద్ ట్విట్టర్లో పోస్ట్ చేశారు. ప్రస్తుతం ఈ వీడియో నెట్టింట వైరల్గా మారింది.
ట్విట్టర్లో వీడియో కింద ‘తాజా కూరగాయల డెలివరీ కోసం నాకు ఆర్డర్ చేయండి’ అని కామెంట్ చేశారు సోనూసుద్. ఇటీవల సోనుసూద్ రాజకీయాల్లోకి వస్తున్నారని వార్తలు వినిపిస్తున్న సంగతి తెలిసిందే. దానికి తోడు ఇటీవల ఎన్నికల్లో గెలుపొందిన రాజకీయ నాయకులు తమ మ్యానిఫెస్టోలో చేసిన వాగ్దానాలు అమలు చేయకపోతే వారు తమ పదవులకు రాజీనామా చేయాలని సోనూసూద్ సంచలన వ్యాఖ్యలు చేసిన విషయం తెలిసిందే.
