అరంగేట్రం అక్కాచెల్లెళ్లు ఇద్దరినీ దెబ్బేసింది..!

Shivani, Shivathmika: ఫస్ట్ ఇంప్రెషన్ ఈజ్ బెస్ట్ ఇంప్రెషన్ అంటారు. అరంగేట్రం అద్భుతంగా ఉంటే.. అక్కడ నుండి పరుగు వేగంగా సాగుతుంది. ఈ విషయంలో టాలీవుడ్ స్టార్ కిడ్స్ ఇద్దరూ వెనుకబడ్డారు. ఒకప్పటి స్టార్ హీరో రాజశేఖర్, స్టార్ హీరోయిన్ జీవితల ఇద్దరు కుమార్తెలు సినిమా వైపు అడుగులు వేశారు. చిన్నప్పటి నుండి సినిమా వాతావరణంలో పెరిగిన ఈ సిస్టర్స్, హీరోయిన్స్ గా మారడం జరిగింది.

అక్క శివాని కంటే శివాత్మిక ముందుగా సిల్వర్ స్క్రీన్ కి పరిచయం అయ్యారు. విజయ్ దేవరకొండ తమ్ముడు ఆనంద్ దేవరకొండ హీరోగా పరిచయం అవుతూ తెరకెక్కిన దొరసాని మూవీ శివాత్మిక మొదటి చిత్రం. పీరియాడిక్ లవ్ డ్రామాగా తెరకెక్కిన ఈ మూవీ పాజిటివ్ టాక్ తెచ్చుకున్నప్పటికీ, బాక్సాఫీస్ వద్ద ఫెయిల్ అయ్యింది. ఆశించిన వసూళ్లు దక్కలేదు. దీనితో శివాత్మికకు కమర్షియల్ హిట్ దక్కలేదు.

అయితే డెబ్యూ చిత్రంతోనే నటిగా ప్రూవ్ చేసుకుంది. శివాత్మిక నటనకు ప్రశంసలు దక్కాయి. దీనితో ఆమెకు టాలీవుడ్ లో వరుస ఆఫర్స్ తలుపు తడుతున్నాయి. దర్శకుడు కృష్ణవంశీ తెరకెక్కిస్తున్న రంగమార్తాండ మూవీలో ఆమె కీలక రోల్ చేస్తున్నారు. అలాగే బ్రహ్మానందం ప్రధాన పాత్రలో తెరకెక్కుతున్న పంచతంత్రం మూవీలో ఆమె ఓ హీరోయిన్ గా నటిస్తున్నారు. ఇక ఓ తమిళ చిత్రంలో ఆమె హీరోయిన్ గా చేస్తున్నారు.

Also Read: Megastar Chiranjeevi: ఆ సమస్యపై కలిసికట్టుగా పని చేయాలి అంటున్న మెగాస్టార్ చిరంజీవి…

ఇక శివాని విషయానికి వస్తే ఆమె డెబ్యూ మూవీ నేడు విడుదలైంది. యంగ్ హీరో తేజా సజ్జా నటించిన అద్భుతం మూవీలో శివాని హీరోయిన్ గా చేశారు. అద్భుతం మూవీ ప్రయోగాత్మకంగా తెరకెక్కింది. రెండు కాలాల ప్రేమ కథలకు ఫోన్ మాధ్యమంగా పెట్టి, స్క్రీన్ ప్లే తో దర్శకుడు మ్యాజిక్ చేయాలని చూశారు. అయితే ఆయన ప్రయత్నం పూర్తి స్థాయిలో సఫలం కాలేదు. అద్భుతం మూవీ నెగిటివ్ టాక్ తెచ్చుకుంది. దీనితో స్టార్ కిడ్స్ శివాని, శివాత్మిక అరంగేట్రం ఏమంత బాగులేదన్న టాక్ వినిపిస్తుంది. కాగా శివాని తమిళనాడు సీఎం స్టాలిన్ కుమారుడు హీరోగా తెరకెక్కుతున్న చిత్రంలో హీరోయిన్ గా నటిస్తున్నారు.

Also Read: Super Star Krishna: జై విఠలాచార్య పుస్తకం ఫస్ట్ లుక్ ఆవిష్కరించిన… సూపర్ స్టార్ కృష్ణ