Prabhas Spirit Leaked Look: రెబల్ స్టార్ ప్రభాస్(Rebel Star Prabhas) హీరో గా నటిస్తున్న ‘స్పిరిట్'(Spirit Movie) చిత్రం పై అభిమానుల్లో , ప్రేక్షకుల్లో ఉన్నటువంటి అంచనాలు సాధారణమైనవి కాదు, ఈ చిత్రం నుండి ఏ చిన్న అప్డేట్ లీక్ అయినా సోషల్ మీడియా మొత్తం ట్రెండ్ అయిపోతుంది. ఈ రేంజ్ క్రేజ్ ఏ పాన్ ఇండియన్ సినిమాకు కూడా లేదు అనడం లో ఎలాంటి సందేహం లేదు. ప్రభాస్ వంటి యాక్షన్ హీరో కటౌట్ కి , సందీప్ వంగ లాంటి కల్ట్ మాస్ డైరెక్టర్ తోడైతే , ఎలాంటి సినిమా వస్తుందో ఊహలకు కూడా అందదు అనే అంచనాలతో అందరూ ఉండడం వల్లే, ఈ చిత్రం పై ఇంత క్రేజ్ ఏర్పడింది. ఇప్పటికే ఈ చిత్రాన్ని వచ్చే ఏడాది మార్చి 5 న విడుదల చేయబోతున్నట్టు అధికారిక ప్రకటన చేశారు మేకర్స్. ఇదంతా పక్కన పెడితే ఈ సినిమా షూటింగ్ సమయం లో ప్రభాస్ తో సందీప్ వంగ మాట్లాడుతున్న సందర్భంలో తీసిన ఒక ఫోటోని సోషల్ మీడియాలో అప్లోడ్ చేయగా అది బాగా వైరల్ అయ్యింది.
ఈ ఫోటో లో ప్రభాస్ గుండు లుక్ లో కనిపించడం అందరినీ షాక్ కి గురి చేసింది. జైలు బట్టల్లో ఉన్న ప్రభాస్, గుండు లుక్ తో, చాలా రఫ్ గా కనిపించాడు. ఇప్పటికే న్యూ ఇయర్ రోజున పొడవాటి జుట్టులో ప్రభాస్ స్టైల్ గా వెనక్కి తిరిగి సిగెరెట్ కాలుస్తున్న లుక్ కి సెన్సేషనల్ రెస్పాన్స్ వచ్చింది. ఇంతలోపే అదే సినిమా నుండి లీకైన ఈ గుండు లుక్ ని చూసి , సినిమాలో ప్రభాస్ ని సందీప్ వంగ ఇష్టమొచ్చినట్టు వాడేసినట్టుగా అనిపిస్తోంది , యూత్ మరియు మాస్ ఆడియన్స్ కి విజువల్ ట్రీట్ పక్కా అని అంటున్నారు ఫ్యాన్స్. ఇందులో ప్రభాస్ పవర్ ఫుల్ పోలీస్ ఆఫీసర్ క్యారెక్టర్ లో కనిపించబోతున్నాడు.
మరి అంతటి పవర్ ఫుల్ పోలీస్ ఆఫీసర్ , ఎందుకు ఇలా జైలు జీవితం గడుపుతున్నాడు అనేది తెలియాలంటే సినిమా విడుదల వరకు వేచి చూడక తప్పదు. ఇప్పటి వరకు ప్రభాస్ కేవలం నాలుగు రోజుల షూటింగ్ లో మాత్రమే పాల్గొన్నాడు. రెండు షెడ్యూల్స్ ని పూర్తి చేయగా , మొదటి షెడ్యూల్ లో ప్రభాస్ పాల్గొన్నాడు . రెండవ షెడ్యూల్ లో విలన్ గా నటిస్తున్న వివేక్ ఒబెరాయ్ పై పలు యాక్షన్ షాట్స్ ని తెరకెక్కించారు. అయితే షూటింగ్ కి బాగా ఆలస్యం అయ్యే అవకాశాలు ఉండడం తో , ఈ చిత్రాన్ని వచ్చే ఏడాది మార్చి 7 నుండి డిసెంబర్ నెలకు వాయిదా వేసినట్టు లేటెస్ట్ గా ఇండస్ట్రీ వర్గాల్లో వినిపిస్తున్న మాట. మరి ఏమి జరగబోతుందో చూడాలి.
View this post on Instagram
