Pawan Kalyan Tamil Nadu Election Campaign 2026: ఈ నెలలో తమిళనాడు లో సార్వత్రిక ఎన్నికలు ఎంతో ప్రతిష్టాత్మకంగా జరగనున్నాయి. అన్ని రాజకీయ పార్టీలు హోరాహోరీగా ఎన్నికల ప్రచారం లో పాల్గొంటున్నాయి. ఈ ఎన్నికల్లో తమిళ సూపర్ స్టార్ విజయ్ TVK కూడా పోటీ చేయబోతున్న సంగతి తెలిసిందే. విజయ్ విస్తృతంగా ప్రచారం చేస్తూ హోరెత్తిస్తున్నాడు. ఆయన ఈ ఎన్నికల్లో గెలుస్తాడో లేదో తెలియదు కానీ, ఆయన సభలకు , రోడ్ షోలకు జనాలు సునామీ లాగా తరళి వస్తున్నారు. ఇదే ఇప్పుడు తమిళనాడు లో హాట్ టాపిక్ గా మారిన అంశం. అయితే ఇప్పుడు విజయ్ కి పోటీ గా పవన్ కళ్యాణ్ కూడా తమిళనాడు ఎన్నికల్లో ప్రచారం చేయబోతున్నాడు. రేపు ఆయన ఎన్నికల ప్రచారం కోసం తమిళనాడు కి వెళ్తున్నాడు. బీజేపీ పార్టీ తో పొత్తులో ఉన్న సందర్భంగా ఆ పార్టీ తరుపున ఆయన ప్రచారం చేయనున్నాడు.
నాగర్ కోయల్ నియోజకవర్గం లో బీజేపీ పార్టీ అభ్యర్థి MR గాంధీకి మద్దతుగా పవన్ కళ్యాణ్ ప్రచారం చేయబోతున్నాడు. కేవలం ఆ ఒక్క ప్రాంతంలోనే కాదు , తమిళనాడు లో ఉండే తెలుగు వాళ్ళ డామినేషన్ ఉన్న ప్రతీ చోట పవన్ కళ్యాణ్ తో ప్రచారం చేయించనుంది బీజేపీ పార్టీ. ఈయన సభలకు , రోడ్ షోలకు అక్కడి జనాలు ఎలా వస్తారో చూడాలి. మహారాష్ట్ర ఎన్నికల్లో పవన్ కళ్యాణ్ ప్రచారం చేసినప్పుడు ఆయనకు అక్కడి జనాలు బ్రహ్మరధం పట్టారు. ఆ ప్రాంతంలో NDA కూటమి సంచలన విజయం సాధించడానికి పవన్ కళ్యాణ్ కూడా ఒక కారణం అయ్యాడు. తమిళనాడు లో కూడా జనాలు ఆ స్థాయిలో బ్రహ్మరధం పడుతారో లేదో చూడాలి. మొదటి నుండి పవన్ కళ్యాణ్ కి తమిళనాడు లో మంచి ఫ్యాన్ ఫాలోయింగ్ ఉంది. కచ్చితంగా విజయ్ తో సమానంగా పవన్ కళ్యాణ్ కి కూడా జనాలు వచ్చే అవకాశాలు ఉన్నాయి.
ప్రస్తుతం తమిళనాడు లో కూడా ప్రధాన పోటీ NDA , ఇండియా కూటమి మధ్యనే ఉంది. NDA కూటమి కి పవన్ కళ్యాణ్ చాలా ప్లస్ అయ్యే అవకాశాలు ఉన్నాయి. ఆయన ఉపన్యాసాలు యూత్ ఆడియన్స్ లో బలమైన ప్రభావం చూపిస్తాయి. కాబట్టి NDA వేవ్ పవన్ వల్లే మొదలు అవుతుందని బలమైన నమ్మకాన్ని వ్యక్తం చేస్తున్నారు అక్కడి రాజకీయ విశ్లేషకులు. అంతే కాదు పవన్ కళ్యాణ్ తమిళం లో కూడా అద్భుతంగా మాట్లాడగలరు. ఆ రాష్ట్ర ముఖ్యమంత్రి స్టాలిన్ కంటే బాగా మాట్లాడగలడు అని, ఆయన తమిళ ఇంటర్వ్యూ క్రింద కామెంట్స్ లో కొంతమంది నెటిజెన్స్ కామెంట్స్ చేశారు. మరి రేపటి ఎన్నికల ప్రచారం లో ఎలా మాట్లాడబోతున్నాడో చూడాలి.
