కూల్ హీరో ‘నాగచైతన్య’ ఓ తమిళ్ రీమేక్ లో నటించబోతున్నాడా ? ఈ ఏడాది ఆరంభంలో తమిళంలో ‘ఓ మై కడవులే’ అనే సినిమా విడుదలై.. మంచి ప్రశంసలతో పాటు బాక్సాఫీస్ వద్ద డీసెంట్ కలెక్షన్స్ ను కూడా సాధించి.. మొత్తానికి అక్కడ మంచి సినిమాగా నిలిచిపోయింది. ఇక అప్పటినుండి పక్క భాషా నిర్మాతలు కూడా ఈ సినిమా రీమేక్ రైట్స్ కోసం తెగ పోటీ పడుతూ వచ్చారు. అయితే, అలాంటి పోటీలను గెలవడంలో ఆరితేరిపోయిన పీవీపీ, మొత్తానికి ఆ పోటీని గెలిచారనుకోండి. దాంతో ‘ఓ మై కడవులే’ సినిమా తెలుగులోకి రీమేక్ కాబోతుంది. మరి హీరోను ఎవర్ని తీసుకోవాలి అని మొదలైన ప్రశ్న, తాజాగా చైతు ఈ సినిమా చూసి ఓకే చెప్పడంతో సమాప్తమైంది.
Also Read: ‘కేజీయఫ్2’లో నేను పవర్ ఫుల్ – రవీనా టాండన్
రీమేక్ హక్కులను భారీ ధరకు దక్కించుకున్న తరువాత నిర్మాత పీవీపీ, చైతును ఒప్పించడానికి చాల రకాలుగా ప్రయత్నాలు చేసి చివరకు సక్సెస్ అయ్యాడు. ఎంతైనా పీవీపీ పక్కా బిజినెస్ మైండెడ్ కదా. మరి అలాంటి పర్సన్, ఈ సినిమా కోసం ఇంత తపన పడుతున్నాడు అంటే.. ఇక ఈ సినిమా ఎలా ఉండబోతుందో అనే ఆసక్తి ఉంది అందరిలో. ఎలాగూ మ్యాటర్ లేకపోతే రూపాయి కూడా పెట్టుబడిగా పెట్టడు పీవీపీ. దీనికితోడు ‘ఓ మై కడవలే’ సబ్జెక్ట్ చైతుకి పర్ఫెక్ట్ గా సరిపోతుంది. యూత్ ను ఆకట్టుకునే కంటెంట్ సినిమాలో దండిగా ఉంటుంది.
Also Read: వాళ్లకి వ్యాపారాన్ని ఇవ్వొద్దు.. ‘పవన్’ మాజీ సతీమణి ఫైర్ !
అనగా ఇద్దరు ముగ్గురు హీరోయిన్లు, బ్రేకప్ లు, డైవోర్స్ ఇలాంటి వ్యవహారాలే సినిమాలో మెయిన్ హైలైట్ గా ఉంటాయి. పైగా ఈ జనరేషన్ యువత మనో భావాలకు అద్దం పట్టేలా కథ సాగుతుంది. అందుకే, పీవీపీ ఈ సినిమా రైట్స్ ను తెలుగులోనే కాకుండా వేరే భాషలలో కూడా రీమేక్ రైట్స్ ను సొంతం చేసుకున్నాడు. నిజానికి ఈ సినిమా చేస్తారా? అని పీవీపీ మొదట హీరో రామ్ ను అప్రోచ్ అయ్యారు, అయితే రామ్ మాత్రం ఈ సినిమాకి నో చెప్పాడు. అలా ఇప్పుడు ఈ సినిమా చైతు దగ్గరకు వచ్చింది.
మరిన్ని సినిమా వార్తల కోసం టాలీవుడ్ న్యూస్