Peddi trailer release date: గ్లోబల్ స్టార్ రామ్ చరణ్(Global Star Ram Charan) ‘పెద్ది'(Peddi Movie) మూవీ షూటింగ్ రీసెంట్ గానే పూర్తి అయిన సంగతి తెలిసిందే. రామ్ చరణ్ , శృతి హాసన్ మధ్య తెరకెక్కించిన ఐటెం సాంగ్ తో షూటింగ్ కి గుమ్మడికాయ కొట్టేశారు. రీసెంట్ గానే పోస్ట్ ప్రొడక్షన్ వర్క్ ని కూడా పూర్తి చేసి , ఫైనల్ ఎడిట్ ని లాక్ చేసినట్టు డైరెక్టర్ బుచ్చి బాబు అధికారిక ప్రకటన చేశాడు. ఇక విడుదల మాత్రమే బ్యాలన్స్. జూన్ 3 న ప్రపంచవ్యాప్తంగా ప్రీమియర్ షోస్ తోప్ ఈ చిత్రం గ్రాండ్ గా విడుదల కానుంది. నేడు కాసేపటి క్రితమే ఈ చిత్రానికి సంబంధించిన అడ్వాన్స్ బుకింగ్స్ ని ఓవర్సీస్ లో మొదలు పెట్టారు. మొదటి 5 గంటల్లోనే దాదాపుగా 1 లక్షకు పైగా డాలర్ల గ్రాస్ ని రాబట్టి సెన్సేషన్ సృష్టించింది ఈ సినిమా.
రామ్ చరణ్ కెరీర్ లోనే బిగ్గెస్ట్ ఓపెనింగ్స్ ని సాధించబోయే చిత్రంగా ‘పెద్ది’ నిలబడబోతుందని , ఈ ప్రీమియర్ షోస్ అడ్వాన్స్ బుకింగ్స్ ఆరంభం ట్రెండ్ ని చూస్తుంటే స్పష్టంగా అర్థం అయిపోతుంది. ఇదంతా పక్కన పెడితే కాసేపటి క్రితమే ఈ సినిమాకు సంబంధించిన చిన్న మేకింగ్ వీడియో ని విడుదల చేశారు మేకర్స్. ఈ వీడియో లో డైరెక్టర్ సుకుమార్ సెట్స్ లో ఉండగా, మెగాస్టార్ చిరంజీవి సెట్స్ లోకి అడుగుపెట్టడం , అందరినీ పలకరిస్తూ ముందుకెళ్లి , మానిటర్ లో చరణ్ పెర్ఫార్మన్స్ ని చూడడం జరిగింది. రామ్ చరణ్ పుట్టినరోజు నాడు , పహిల్వాన్ గ్లింప్స్ వీడియో ని విడుదల చేయగా , దానికి ఏ రేంజ్ రెస్పాన్స్ వచ్చిందో మనమంతా చూశాము. ఈరోజు విడుదల చేసిన వీడియో లో రామ్ చరణ్ ఆ లుక్ లోనే కనిపించాడు. అంటే కుస్తీ ఫైట్ సీక్వెన్స్ కి సంబంధించిన షూటింగ్ సమయంలో మెగాస్టార్ చిరంజీవి వెళ్ళాడు అన్నమాట.
ఇక రామ్ చరణ్ నటన చూసి , చాలా కష్టపడి పని చేశాడు సార్ అని సుకుమార్ అనగా, నా లక్షణాలు ఎక్కడికి పోతాయి అంటూ చిరంజీవి సమాధానం ఇవ్వడం , అనంతరం రామ్ చరణ్ స్టైల్ గా ఫోజులు ఇస్తున్నప్పుడు చిరంజీవి ఫోటోలు తీయడం వంటివి ఈ మేకింగ్ వీడియో లో ఆకట్టుకున్న అంశాలు. ఇకపోతే ఈ సినిమాకు సంబంధించిన ప్రీ రిలీజ్ ఈవెంట్ ని వచ్చే నెల 2 వ తేదీన ఏర్పాటు చేయడానికి సన్నాహాలు చేస్తున్నారట. అదే విధంగా ఈ చిరానికి సంబంధించిన థియేట్రికల్ ట్రైలర్ ని ఈ నెల 16 న విడుదల చేయబోతున్నట్టు సమాచారం. ఈ వారం లోనే ట్రైలర్ కి సంబంధించిన అప్డేట్ ని అధికారికంగా ప్రకటించబోతున్నారు మేకర్స్.
View this post on Instagram
