Mahesh Babu :  మహేష్ బాబు మొబైల్ వాల్ పేపర్ ఏమిటో తెలుసా? భార్య పిల్లలు తండ్రి ఫోటో కూడా కాదు, అసలు ఊహించి ఉండరు!

Mahesh Babu : స్టార్ హీరోలకు సంబంధించిన ప్రతి చిన్న విషయం ఆసక్తికరమే. జనాల్లో వారి గురించి తెలుసుకోవాలనే ఆసక్తి ఉంటుంది. వారు ఏం తింటారు? ఎలా ఉంటారు? వారి డ్రెస్సింగ్, లైఫ్ స్టైల్, ఫిట్నెస్, బ్యూటీ సీక్రెట్… ఇలా సెలెబ్స్ కి చెందిన ప్రతి విషయంపై క్యూరియాసిటీ ఉంటుంది. ఇక మహేష్ బాబు వంటి అత్యధిక ఫ్యాన్ బేస్ కలిగిన హీరో ప్రతి మూమెంట్ ని మీడియా, అభిమానులు గమనిస్తూ ఉంటారు. ఆయన గురించి తెలుసుకోవాలని ఆశపడతారు.

కాగా మహేష్ బాబు వ్యక్తిగత విషయం ఒకటి సోషల్ మీడియాలో వైరల్ అవుతుంది. మహేష్ బాబు మొబైల్ వాల్ పేపర్ ఏమిటో ఇటీవల వెల్లడైంది. మహేష్ బాబు పక్కా ఫ్యామిలీ మెన్. ఖాళీ సమయాన్ని దాదాపు కుటుంబానికి కేటాయిస్తారు. భార్య పిల్లలను ఆయన ఎంతగానో ప్రేమిస్తారు. కాబట్టి ఆయన మొబైల్ స్క్రీన్ పై భార్య నమ్రత లేదా పిల్లలు సితార, గౌతమ్ ఫోటో వాల్ పేపర్ గా ఉంటుందని మనం భావిస్తాము. లేదా మహేష్ బాబు ఆరాధించే తండ్రి కృష్ణ ఫోటో ఉంటుందని అనుకుంటాము.

కానీ మహేష్ బాబు మొబైల్ వాల్ పేపర్ వాటిలో ఏదీ కాదు. ఆయన భూగోళం ఫోటోను వాల్ పేపర్ గా పెట్టుకున్నారు. ఆ గ్లోబ్ లో ఇండియా ప్రముఖంగా కనిపిస్తుంది. మరి మహేష్ బాబు భూమి ఫోటోను వాల్ పేపర్ గా పెట్టుకోవడం వెనుక కారణం ఏమిటో తెలియాల్సి ఉంది. ఇది నిజంగా ఎవరూ ఊహించని పరిణామం.

మరోవైపు మహేష్ బాబు ఎస్ఎస్ఎంబి 29కి ప్రిపేర్ అవుతున్నారు. దర్శకుడు రాజమౌళి భారీ పాన్ వరల్డ్ మూవీగా ఈ ప్రాజెక్ట్ తెరకెక్కించనున్నారు. ప్రీ ప్రొడక్షన్ వర్క్ దాదాపు పూర్తి అయ్యింది. ఇటీవల లొకేషన్స్ సెర్చ్ కోసం రాజమౌళి కెన్యా దేశం వెళ్లారు. అక్కడ వైల్డ్ సఫారీ చేశారు. జనవరి నుండి ఎస్ఎస్ఎంబి 29 షూటింగ్ మొదలు కానుందని సమాచారం. దాదాపు రూ. 1000 కోట్ల బడ్జెట్ కేటాయించారు. ఈ మూవీలో మహేష్ లుక్ సరికొత్తగా ఉండనుంది. జంగిల్ అడ్వెంచర్ యాక్షన్ డ్రామాగా రాజమౌళి ఈ చిత్రం చేస్తున్నారు.