Mad For Each Other Elimination: రీసెంట్ గానే స్టార్ మా ఛానల్ లో ప్రసారమైన బిగ్గెస్ట్ రియాలిటీ షో ‘మ్యాడ్ ఫర్ ఈచ్ అథర్’ మంచి రేటింగ్స్ తో ముందుకు సాగుతున్న సంగతి తెలిసిందే. ఆరంభం లో ఈ షో ఆడియన్స్ కి కాస్త సోదిగానే అనిపించింది. కానీ వారాలు గడిచే కొద్దీ షోలో జంటల మధ్య గొడవలు జరగడం , కఠినమైన టాస్కులు జరుగుతూ ఉండడం వల్ల , ఈ షోకి మంచి టీఆర్ఫీ రేటింగ్స్ రావడం మొదలైంది. కానీ షోలో జరుగుతున్న ఎలిమినేషన్స్ ఆడియన్స్ కి చాలా అన్యాయం అనిపిస్తోంది. ముందుగా ఈ షోలో ఆడియన్స్ ఓటింగ్ అనే ఛాయస్ పెట్టలేదు. కంటెస్టెంట్స్ గేమ్స్ ద్వారా ఆడి సంపాదించిన బాండ్ క్రెడిట్స్ ద్వారా మాత్రమే ఎలిమినేషన్స్ ప్రక్రియ ఉండేది. అందుకు సంబంధించిన షూటింగ్ కూడా పూర్తి చేసేసారు, ఎలిమినేట్ అవ్వాల్సిన కంటెస్టెంట్స్ ఎలిమినేట్ అయిపోయారు.
అయినప్పటికీ ఎలిమినేట్ అయిపోయిన కంటెస్టెంట్స్ కి ఓటింగ్ పెట్టారు. ఇప్పుడు ఆడియన్స్ వేసే ఓట్లు వృధా అయ్యినట్టే కదా. ఇకపోతే ఈ వారం ఎలిమినేట్ అయిన జంట ఆమిర్ – అభిమానిక . వైల్డ్ కార్డు ద్వారా హౌస్ లోకి ఎంట్రీ ఇచ్చిన ఈ జంట , మొదటి వారం లో కాస్త తడబడిన విషయం వాస్తవమే. కానీ రెండవ వారం నుండి తమ ఆట తీరుని మార్చుకొని బాగా డెవలప్ అయ్యారు. కానీ ఈ వారం అందరికంటే తక్కువ బంద్ క్రెడిట్స్ ఉండడం వల్ల, ఈ జంట అంజలి – పవన్ జంట తో ఫేస్ ఆఫ్ రౌండ్ కి వచ్చి , ఎలిమినేట్ అయ్యినట్టు తెలుస్తోంది. ఈ విషయం తెలుసుకున్న ఆడియన్స్, వీళ్ళు కచ్చితంగా హౌస్ లో ఉండాల్సిన వాళ్ళే అని అంటున్నారు. ఎందుకంటే నిన్న ఎపిసోడ్ లో వీక్ కంటెస్టెంట్ ఎవరు అనే రౌండ్ పెడితే హౌస్ లోని జంటలంతా కలిసి మహేష్ – సాండ్రా , అంజలి – పవన్ పేర్లు చెప్పారు.
మహేష్ – సాండ్రా కచ్చితంగా అంతకు ముందుతో పోలిస్తే ఇప్పుడు చాలా బాగా ఆడుతున్నారు , అందులో ఎలాంటి సందేహం లేదు , అయినప్పటికీ ఆ జంట హౌస్ లోని మిగతా జంటలకు సాఫ్ట్ టార్గెట్ అవుతోంది అని చాలా మందికి అనిపిస్తోంది. ఇక అంజలి, పవన్ జంట విషయానికి వస్తే , వీళ్ళు కచ్చితంగా ఎలిమినేట్ అవ్వడానికి అర్హులు. ఎందుకంటే ప్రతీ వారం వీళ్ళు డేంజర్ జోన్ లోకి వస్తున్నారు, గేమ్స్ కూడా కసిగా ఆడడం లేదు. ఆడియన్స్ ఓటింగ్ కి విలువ ఇస్తే కచ్చితంగా ఈ జంట ని ఎలిమినేట్ చెయ్యాలి. కానీ వైల్డ్ కార్డు గా ఎంట్రీ ఇచ్చినప్పటికీ, వీక్ జంట అని అనిపించుకోని ఆమిర్ – అభిమానికా జంటని ఎలిమినేట్ చేయడం అన్యాయం అంటూ సోషల్ మీడియా లో నెటిజెన్స్ కామెంట్స్ చేస్తున్నారు.
