Jyotika Emotional Comments: సౌత్ ఇండియా లోనే బిగ్గెస్ట్ స్టార్ హీరోయిన్ , ఒక బిగ్గెస్ట్ సూపర్ స్టార్ కి సతీమణి , అయినప్పటికీ జ్యోతిక రీసెంట్ గా జరిగిన ఒక ఇంటర్వ్యూ లో గత 27 ఏళ్లుగా తనకు ఒక్క సినిమా ఆఫర్ కూడా రాలేదంటూ చేసిన కొన్ని కామెంట్స్ ఇప్పుడు ఇండస్ట్రీ వర్గాల్లో హాట్ టాపిక్ గా మారింది. జ్యోతిక కి సినిమా అవకాశాలు రాకాపోవడం ఏంటి?, సౌత్ లో పెద్ద స్టార్ హీరోయిన్ గా ఎదిగింది, పెళ్లి తర్వాత రీసెంట్ గానే రీ ఎంట్రీ ఇచ్చి వరుసగా సినిమాలు చేస్తుంది కదా, మరి నాకు అవకాశాలు రావడం లేదని ఆమె ఎలా చెప్తుందని మీరు అనుకోవచ్చు. ఆమె చెప్తుంది మన సౌత్ ఇండియా గురించి కాదు , బాలీవుడ్ గురించి. అక్కడ ఆమెకు ఇప్పటి వరకు ఒక్క అవకాశం కూడా రాలేదట.
ఆమె మాట్లాడుతూ ‘నా 27 ఏళ్ళ సుదీర్ఘ సినీ ప్రస్థానం లో బాలీవుడ్ నుండి ఒక్క సినిమా ఆఫర్ కూడా రాలేదు. సౌత్ లో పెద్ద స్టార్ స్టేటస్ ని సంపాదించుకొని , పీక్ రేంజ్ చూస్తున్నప్పుడు కూడా బాలీవుడ్ నన్ను సంప్రదించలేదు. కానీ రీసెంట్ గా నేను ముంబై కి మకాం మార్చినప్పటి నుండి నాకు బాలీవుడ్ లో అవకాశాలు రావడం మొదలయ్యాయి. నాకు హిందీ సినిమాల్లో కానీ , వెబ్ సిరీస్ లో కానీ నటించాలనే ఉద్దేశ్యం లేదు, అందుకోసం నేను ముంబై లోకి అడుగుపెట్టలేదు. కేవలం నా పిల్లల చదువు , భవిష్యత్తు కోసం , అదే విధంగా ముంబై లో ఉంటున్న నా అమ్మానాన్న కోసమే నేను ముంబై కి షిఫ్ట్ అయ్యాను. కానీ అనుకోకుండా బాలీవుడ్ నుండి ఇప్పుడు అవకాశాలు రావడం మొదలయ్యాయి. ఒకప్పుడు రానటువంటి అవకాశాలు ఇప్పుడు రావడానికి ముఖ్య కారణం, కోలీవుడ్ , బాలీవుడ్ , టాలీవుడ్ అనే సరిహద్దులు చిరిగిపోవడం వల్లే’ అంటూ జ్యోతిక చెప్పుకొచ్చింది.
ఇలా సినీ ఇండస్ట్రీలు మొత్తం కలిసి , ఇండియన్ సినిమా ఇండస్ట్రీ గా మారడం వల్లే ఇప్పుడు నాకు వరుసగా అవకాశాలు వస్తున్నాయని జ్యోతిక ఈ సందర్భంగా చెప్పుకొచ్చింది. రీసెంట్ గానే ఆమె ‘సిస్టం’ అనే అమెజాన్ ప్రైమ్ వీడియో ఒరిజినల్ మూవీ లో కీలక పాత్ర పోషించింది . మే 22 న విడుదలైన ఈ సినిమాకు ఆడియన్స్ నుండి మంచి రెస్పాన్స్ వచ్చింది. జ్యోతిక తో పాటు సోనాక్షి సిన్హా కూడా ఈ చిత్రం లో కీలక పాత్ర పోషించింది. ప్రస్తుతం ఆమె ఎలాంటి సినిమాలను ఒప్పుకోలేదు. తన భర్త సూర్య లేటెస్ట్ చిత్రం ‘కరుప్పు’ సక్సెస్ ని ఎంజాయ్ చేస్తోంది.
