Jai Bheem: ప్రముఖ దర్శకుడు జ్ఞానవేల్, సూర్య హీరోగా తెరకెక్కిస్తోన్న చిత్రం జైభీమ్. ఇప్పటికే ఈ సినిమాకు సంబంధించిన ప్రమోషన్స్ శరవేగంగా జరుగుతున్నాయి. మరోవైపు ఈ సినిమా పోస్టర్, ప్రోమోలతో ప్రేక్షకుల్లో మరింత ఆసక్తి పెంచుతోంది చిత్రబృందం. తాజాగా, సినిమా టీజర్ విడుదల చేయగా.. సర్వత్రా ఆసక్తి నెలకొంది. వచ్చిన 4రోజుల్లో 15 మిలియన్స్కి పైగా వ్యూస్ సాధించి ట్రెండింగ్లో నిలిచింది. దీంతో ఈ సినిమా ఏలా ఉండబోతోందనే అంశంపై నెట్టించ చర్చలు కొనసాగుతున్నాయి.
జ్యోతిక, సూర్య జంటగా నిర్మిస్తున్న ఈ సినిమా ఓటీటీ ప్లాట్ఫామ్ అమెజాన్ ప్రైమ్లో విడుదల కానుంది. నవంబరు 2న జైభీమ్ ప్రేక్షకుల ముందుకు రానుంది. సీన్ రోల్డాన్ ఈ సినిమాకు స్వరాలు సమకూర్చారు. ప్రకాశ్రాజ్, రమేశ్, రజిష, విజయన్, మనికందన్ తదిరత ప్రముఖ నటులు కీలక పాత్రల్లో కనిపించనున్నారు.
మరోవైపు ఇటీవలే నెట్ఫ్లిక్స్లో విడుదలైన నవరస వెబ్సిరీస్లోనూ సూర్య నటించారు. ఒక్కో ఎపిసోడ్ను ఒక్కో ఎమోషన్కు ప్రతిరూపంగా 9 ఎపిసోడ్స్ను రూపొందించారు. ఇందులో ప్రేమ అనే అధ్యాయంలో సూర్య నటించారు. ఈ సినిమా టీజర్కే ప్రేక్షకుల్లో విపరీతమైన స్పందన లభించింది. చెన్నై, ముంబయి ప్రాంతాల్లో విపరీతమైన క్రేజ్ లభించింది. ఇక దుబాయ్ బుర్జ్కలీఫాపై నవరస టీజర్ను ప్రదర్శించడం విశేషం. కరోనా కష్టకాలంలో పేదలను ఆదుకునే కార్యక్రమంలో భాగంగా ఫండ్రైజ్ చేస్తూ.. ఈ సినిమా రూపొందించడం జరిగింది.
ఇందులో ఒక్కో ఎపిసోడ్కు ఒక్కో డైరెక్టర్ దర్శకత్వం వహించారు. ఈ సిరీస్కు మణిరత్నం, అరవింద్ స్వామి, ప్రభాకర్, సెల్వ తదితరులు రచన అందించారు. సూర్యతో పాటు, రేవతి, విజయ్సేతుపతి, ప్రకాశ్రాజ్ తదితరులు కీలక పాత్రల్లో నటించారు. మణిరత్నం, జయేంద్ర పంచపకేశన్ ఈ వెబ్సిరీస్కు నిర్మాతలుగా వ్యవహరించారు.
Web Title: Jai bhim teaser that reached 15 million views in four days
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
