Prabhas: ఈశ్వర్ సినిమాతో తన ప్రస్థానాన్ని మొదలుపెట్టిన యంగ్ రెబల్ స్టార్ ప్రభాస్ ఆ సినిమా ఇచ్చిన సక్సెస్ తో వరుసగా ముందుకు దూసుకెళ్తున్నాడు. ఇక ఇప్పటివరకు ఆయన చేసిన ప్రతి సినిమా కూడా బాక్సాఫిస్ వద్ద ఏదో ఒక మంచి పేరునైతే సంపాదించుకుంటూ వస్తున్నాయి. ఇక ఆయన సినిమాలు ప్లాప్ అయిన కూడా కలెక్షన్ల పరంగా భారీగానే వసూలు చేస్తుంటాయి. ఇక ప్రస్తుతం పాన్ ఇండియాలో నెంబర్ వన్ హీరోగా కూడా కొనసాగుతున్నాడు.
ఇక ఇప్పుడప్పుడే ఈయనను బీట్ చేసే హీరోలు ఎవరు లేరని చెప్పడంలో ఎంత మాత్రం అతిశయోక్తి లేదు. ఎందుకంటే ప్రభాస్ పాన్ ఇండియాలో తన ఫ్లాప్ సినిమాలతో కూడా వేరే హీరోల హిట్ సినిమాకి వచ్చిన కలెక్షన్స్ ని రాబడుతున్నాడు అంటే ఆయన క్రేజ్ ఎలా ఉందో మనం అర్థం చేసుకోవచ్చు… ఇక ఇప్పటివరకు ఆయన దాదాపు 6 పాన్ ఇండియా సినిమాలను రిలీజ్ చేశాడు. అన్ని సినిమాలు కూడా బాక్సాఫీస్ వద్ద 400 కోట్లకు పైన కలెక్షన్లు రాబట్టడం అంటే మామూలు విషయం కాదు… ఇక చివరగా రిలీజ్ అయిన సలార్ సినిమా మాత్రం 700 కోట్ల కలెక్షన్స్ ను రాబట్టి సూపర్ డూపర్ సక్సెస్ ని సాధించింది.
ఇక ఇప్పుడు కల్కి సినిమాతో మరోసారి మన ముందుకు రాబోతున్నాడు. ఇక ఇదిలా ఉంటే ప్రభాస్ హీరోగా వచ్చిన సినిమా ఏదైనా రిలీజ్ అయిందంటే అదే రోజు ఆ సినిమా హిట్ అయితే తప్పకుండా ఒక స్టార్ హీరో నుంచి అతనికి ఫోన్ వస్తుందట. మరి ఆ స్టార్ హీరో ఎవరు అంటే ‘ఐకాన్ స్టార్’ గా గుర్తింపు పొందిన ‘అల్లు అర్జున్’… ప్రభాస్ సినిమా రిలీజ్ అయిన వెంటనే మొదటి రోజే ఆ సినిమాను చూసి అల్లు అర్జున్ ప్రభాస్ కి ఫోన్ చేస్తారట.
ఎప్పటినుంచో వీళ్ళ మధ్య మంచి ఫ్రెండ్షిప్ ఉండడం వల్లే తను ప్రభాస్ కి ఫోన్ చేసి వీలైతే తన ఇంటికి వచ్చి మరి కలిసి సినిమా గురించి చెబుతూ చాలా బాగా చేశారు అంటూ అభినందిస్తాడట… ఇక ఈ విషయాన్ని ప్రభాస్ ఒక్క ఇంటర్వ్యూలో తెలియజేయడం విశేషం…
