Actress Sneha: తెలుగు , తమిళ భాషల్లో ఎన్నో సూపర్ హిట్ సినిమాలు చేసి తనకంటూ ఒక ప్రత్యేకమైన క్రేజ్ , ఫ్యాన్ బేస్ ని సొంతం చేసుకున్న స్నేహ , ఇప్పటికీ సినిమాల్లో హీరోయిన్ గా , క్యారెక్టర్ ఆర్టిస్టుగా చేస్తూ ఫుల్ బిజీ గా ఉంటున్న సంగతి తెలిసిందే. మంచి సంసార పక్షమైన హీరోయిన్ అని , సౌందర్య తర్వాత అంతటి గొప్ప నటి ఈమెనే అనే ఫీలింగ్ జనాల్లో ఉండబట్టే , ఇంతమంది కొత్త హీరోయిన్స్ వచ్చినా ఆమెకు డిమాండ్ తగ్గకపోవడానికి కారణం అని అంటుంటారు విశ్లేషకులు. అంతే కాదు స్నేహ తన అభిమానులను కూడా చాలా గౌరవిస్తుంది , రీసెంట్ గానే ఒక అభిమాని స్నేహ ఇంటికి వచ్చి, ఆమెని కలిసి , ఆమె కెరీర్ లోని సూపర్ హిట్ పాటని పాడుతాడు. అతని వాయిస్ అద్భుతంగా ఉండడం తో దగ్గరకు తీసుకొని ముద్దు పెట్టుకుంది. ఈ వీడియో ఇప్పుడు సోషల్ మీడియా లో బాగా వైరల్ అయ్యింది.
స్నేహా ఒక అభిమాని పట్ల ఇలా వ్యవహరించడం ఇదే తొలిసారి. ఆ వీడియో లో ఉన్నటువంటి అభిమాని పాడిన పాట కూడా చాలా అద్భుతంగా ఉంది. అందుకే స్నేహ ఆనందాన్ని కంట్రోల్ చేసుకోలేక ముద్దు పెట్టింది అంటూ సోషల్ మీడియా లో నెటిజెన్స్ కామెంట్స్ చేస్తున్నారు. ఇకపోతే స్నేహా రీసెంట్ గా మూకుతి అమ్మన్ 2 అనే చిత్రం లో కీలక పాత్ర పోషించింది. వచ్చే నెలలో విడుదల కాబోతున్న ఈ సినిమాలో నయనతార ప్రధాన పాత్ర పోషిస్తుండగా , రెజీనా కాసాండ్రా మెయిన్ విలన్ గా నటించింది. ఎప్పుడో విడుదల అవ్వాల్సిన ఈ చిత్రం గ్రాఫిక్స్ వర్క్ కారణంగా ఆలస్యం అవుతూ వచ్చింది. ఎట్టకేలకు అన్ని కార్యక్రమాలను పూర్తి చేసుకొని వచ్చే నెల దీపావళి కానుకగా ప్రేక్షకుల ముందుకు రాబోతుంది ఈ చిత్రం. వీటితో పాటు తెలుగు లో కూడా ఆమె రెండు సినిమాల్లో నటించడానికి ఒప్పుకున్నట్లు సమాచారం. దీనికి సంబంధించిన అధికారిక వివరాలు తెలియాల్సి ఉంది.
