Dhurandhar 2 Two Days Collections: ఇండియన్ బాక్స్ ఆఫీస్ వద్ద ప్రస్తుతం ఎక్కడ చూసినా ‘ధురంధర్ 2′(Dhurandhar 2 : The Revenge) మేనియా నే కనిపిస్తోంది. ఆడియన్స్ ఈ చిత్రం కోసం క్యూలు కడుతున్నారు. తెలుగు రాష్ట్రాల్లో నిన్నటి వరకు హిందీ వెర్షన్ లోనే ఈ చిత్రం అందుబాటులో ఉండేది. అయినప్పటికీ కూడా మన ఆడియన్స్ ఈ సినిమా కోసం ఎగబడ్డారు అంటేనే అర్థం చేసుకోవచ్చు. దీని రేంజ్ ఎలాంటిది అనేది. ఈ సినిమాని థియేటర్స్ లో చూడకపోతే, ఎదో ఒక గొప్ప అనుభూతిని మిస్ అవ్వబోతున్నాము అనే ఫీలింగ్ ఉండడం వల్లే ప్రతీ రాష్ట్రంలో ఈ చిత్రం బాక్స్ ఆఫీస్ వద్ద సునామీ లాంటి వసూళ్లను రాబడుతూ ముందుకు దూసుకుపోతోంది. రెండు రోజుల థియేట్రికల్ రన్ లో బాక్స్ ఆఫీస్ వద్ద ఈ చిత్రం ఎంత గ్రాస్ వసూళ్లను రాబట్టిందో ఒకసారి చూద్దాం.
ట్రేడ్ పండితులు అందిస్తున్న లెక్కల ప్రకారం చూస్తే ఈ చిత్రానికి మొదటి రోజు ప్రపంచవ్యాప్తంగా 200 కోట్ల రూపాయలకు పైగా గ్రాస్ వసూళ్లు రాగా, రెండవ రోజున దాదాపుగా 160 కోట్ల రూపాయిల గ్రాస్ వసూళ్లను రాబట్టినట్టుగా చెప్తున్నారు ట్రేడ్ విశ్లేషకులు. ఓవర్సీస్ లోని నార్త్ అమెరికా లో ఈ సినిమాకు ఎలాంటి అడ్వాన్స్ బుకింగ్స్ జరిగాయో చూస్తే మెంటలెక్కిపోతారు. అక్కడి ట్రేడ్ విశ్లేషకులు అందిస్తున్న లెక్కల ప్రకారం చూస్తే శనివారం రోజున ఈ చిత్రానికి నార్త్ అమెరికా ప్రాంతం లో అడ్వాన్స్ బుకింగ్స్ ద్వారా 2 లక్షలకు పైగా టికెట్స్ అమ్ముడుపోయాయి. గ్రాస్ వసూళ్లు దాదాపుగా 2.8 మిలియన్ డాలర్లు వచ్చింది. షోస్ మొదలయ్యాక కచ్చితంగా ఈ చిత్రానికి 4 నుండి 4.5 మిలియన్ డాలర్ల గ్రాస్ వసూళ్లు వస్తాయని, ఇప్పటి వరకు ఇండియన్ ఫిల్మ్ ఇండస్ట్రీ హిస్టరీ లో ఏ సినిమాకు కూడా ఈ రేంజ్ రాలేదని, బహుశా రాజమౌళి ‘వారణాసి ‘ కి కూడా ఈ రికార్డుని అందుకోవడం కష్టమని అంటున్నారు ట్రేడ్ విశ్లేషకులు.
Also Read: ‘దురంధర్ 2’ లాంగ్ రన్ లో ఎంత వసూలు చేసే అవకాశం ఉందంటే..?
రెండు రోజుల్లో దాదాపుగా 360 కోట్ల రూపాయలకు పైగా గ్రాస్ వసూళ్లను రాబట్టిన ఈ చిత్రానికి వీకెండ్ ముగిసేలోపు కచ్చితంగా 600 కోట్ల రూపాయలకు పైగా గ్రాస్ వసూళ్లు నమోదు అవుతాయని అంటున్నారు. ఇకపోతే నేడు ఈ చిత్తరానికి సంబంధించిన తెలుగు వెర్షన్ రిలీజ్ అయ్యింది. దీనికి కూడా సెన్సేషనల్ ఓపెనింగ్స్ నమోదు అవుతున్నాయి. ఆంధ్ర ప్రదేశ్ లో ఎక్కడ చూసినా హౌస్ ఫుల్ బోర్డ్స్ పడుతున్నాయి. పవన్ కళ్యాణ్ ‘ఉస్తాద్ భగత్ సింగ్ ‘ చిత్రాన్ని సైతం డామినేట్ చేస్తూ , ఈ చిత్రం రాబడుతున్న వసూళ్లను చూస్తుంటే, ఈ సినిమా తెలుగు వెర్షన్ నుండి కూడా వంద కోట్ల గ్రాస్ వసూళ్లను రాబట్టేలా ఉందని అంటున్నారు ట్రేడ్ విశ్లేషకులు.
