Ustaad Bhagat Singh 2 Days Collections: అప్పుడప్పుడు మేకర్స్ తీసుకునే కొన్ని బోల్డ్ నిర్ణయాలు సినిమాలకు తీవ్రమైన నష్టాలను కలగచేస్తుంటాయి. ‘ఉస్తాద్ భగత్ సింగ్'(Ustaad Bhagat Singh) విషయం లో మేకర్స్ ఆ తప్పే చేసినట్టుగా అనిపిస్తోంది. ముందుగా అనుకున్న తేదీ అయినటువంటి మార్చి 26 న ఈ చిత్రాన్ని విడుదల చేసుంటే బాగుండేది. కానీ ‘ధురంధర్ 2’ లాంటి భారీ హైప్ ఉన్న సినిమా విడుదలైన రోజునే , ఈ చిత్రాన్ని కూడా విడుదల చేయడం మామూలు మిస్టేక్ కాదని అంటున్నారు ట్రేడ్ విశ్లేషకులు. ‘ధురంధర్ 2’ తో పోటీ కారణంగా నైజాం లో మేకర్స్ ఈ చిత్రానికి టికెట్ రేట్స్ పెంచలేదు. దాని వల్ల , మొదటి రోజు ఈ చిత్రానికి అద్భుతమైన ఆక్యుపెన్సీలు నమోదు అయినప్పటికీ , తక్కువ వసూళ్లనే చూడాల్సి వచ్చింది. ఇక ఓవర్సీస్ గురించి ప్రత్యేకించి చెప్పనవసరం లేదు.
ఇండియా లో సీక్వెల్ క్రేజ్ లేకుండా, నార్త్ అమెరికా ప్రీమియర్ షోస్ నుండి 3 మిలియన్ డాలర్ల గ్రాస్ వసూళ్లను రాబట్టిన ఇద్దరు ముగ్గురు హీరోలలో ఒకరు పవన్ కళ్యాణ్. అలాంటి సూపర్ స్టార్ తదుపరి చిత్రానికి కనీసం ప్రీమియర్ షోస్ నుండి 3 లక్షల డాలర్లు కూడా రాకపోవడమంటే ఎంత దారుణమో అర్థం చేసుకోండి. అంత తక్కువ గ్రాస్ నమోదు అవ్వడానికి ప్రధాన కారణం , ‘ధురంధర్ 2’ చిత్రమే. అంతటి క్రేజ్ ఉన్న సినిమాకు ఫ్రీ పాసులు ఇవ్వడం , ‘ఉస్తాద్ భగత్ సింగ్ ‘ మూవీ టికెట్ రేట్స్ 20 డాలర్లకు పైగా ఉండడంతో , తెలుగు ఆడియన్స్ కూడా ఆ సినిమాకే బ్రహ్మరథం పట్టారు. లేదంటే ‘ఉస్తాద్ భగత్ సింగ్ ‘ చిత్రానికి కచ్చితంగా ప్రీమియర్ షోస్ నుండి 1 మిలియన్ డాలర్ల గ్రాస్ వసూళ్లు వచ్చేవి. ఇదంతా పక్కన పెడితే పవన్ కళ్యాణ్ గత చిత్రం ఓజీ కి మొదటి రోజున 154 కోట్ల రూపాయిల గ్రాస్ వసూళ్లు వచ్చాయి.
Also Read: ‘ధురంధర్ 2 ‘ 2 రోజుల వరల్డ్ వైడ్ వసూళ్లు..ఈ రికార్డ్స్ ని ‘వారణాసి’ కూడా అందుకోవడం కష్టమే!
కానీ ఉస్తాద్ భగత్ సింగ్ చిత్రానికి రెండు రోజులకు కలిపి 70 కోట్ల రూపాయిల గ్రాస్ వసూళ్లు మాత్రమే వచ్చాయి. ట్రేడ్ విశ్లేషకులు అందిస్తున్న లెక్కల ప్రకారం ఈ చిత్రానికి రెండవ రోజున 9 కోట్ల రూపాయలకు పైగా షేర్ వసూళ్లు వచ్చాయి. వంద కోట్ల గ్రాస్ ని అందుకోవడానికి ఈరోజు తో పాటు, రేపు కూడా అవసరం అయ్యేలా ఉంది. 6 నెలల క్రితం విడుదలైన సినిమాకు , ఈ సినిమాకు ఇంత తేడా ఉండడానికి కారణం కంటెంట్. సరైన కంటెంట్ తో వస్తేనే ఎంత పెద్ద సూపర్ స్టార్ అయినా ఈ ట్రెండ్ లో నెగ్గుకుని రాయగలరు. లేదంటే ఎంత పెద్ద పవర్ స్టార్ అయినా చతికిల పడాల్సిందే అని మరోసారి ‘ఉస్తాద్ భగత్ సింగ్ ‘ ద్వారా నిరూపితమైంది.
