Bigg Boss Telugu 10 Rohith Elimination : బిగ్ బాస్ తెలుగు సీజన్‌లో ఊహించని పరిణామాలు చోటుచేసుకుంటున్నాయి. హౌస్‌లో బలమైన కంటెస్టెంట్‌గా, ప్రేక్షకుల నుంచి భారీ మద్దతు పొందుతున్న రోహిత్ అనూహ్యంగా ఎలిమినేట్ అయ్యారనే వార్త ఇప్పుడు సోషల్ మీడియాలో తీవ్ర దుమారం రేపుతోంది. ముఖ్యంగా టాప్ ఓటింగ్‌తో నంబర్ వన్ స్థానంలో కొనసాగుతున్న కంటెస్టెంట్‌ను హౌస్‌లోని ఇతర సభ్యుల ఓట్ల ఆధారంగా బయటకు పంపించారనే ప్రచారం అభిమానులను ఆగ్రహానికి గురిచేస్తోంది. దీంతో బిగ్ బాస్ టీమ్‌పై నెటిజన్లు తీవ్రస్థాయిలో విమర్శలు గుప్పిస్తున్నారు.
సాధారణంగా బిగ్ బాస్ షోలో ప్రేక్షకుల ఓటింగ్‌కు అత్యంత ప్రాధాన్యత ఉంటుంది. తమ అభిమాన కంటెస్టెంట్‌ను కాపాడుకోవడానికి ఫ్యాన్స్ సోషల్ మీడియాలో ప్రచారాలు నిర్వహించడంతో పాటు పెద్ద ఎత్తున ఓట్లు వేస్తుంటారు. ఈ క్రమంలో రోహిత్‌కు ప్రేక్షకుల నుంచి మంచి మద్దతు లభిస్తోందని, ఆయన టాప్ ఓటింగ్‌లో కొనసాగుతున్నారని అభిమానులు చెబుతున్నారు. అలాంటిది హౌస్‌లోని కంటెస్టెంట్ల నిర్ణయంతో ఆయన ఎలిమినేట్ అయ్యారనే విషయం వారికి ఏమాత్రం మింగుడుపడటం లేదు.
ఈ పరిణామంతో బిగ్ బాస్ టీమ్‌ను, షో హోస్ట్ అక్కినేని నాగార్జునను లక్ష్యంగా చేసుకుని కొందరు నెటిజన్లు తీవ్ర వ్యాఖ్యలు చేస్తున్నారు. సోషల్ మీడియా వేదికగా తమ అసహనాన్ని వ్యక్తం చేస్తున్నారు. మరోవైపు కొందరు అభిమానులు రోహిత్‌కు న్యాయం చేయాలంటూ పెద్ద ఎత్తున పోస్టులు పెడుతున్నారు.
ఇదిలా ఉంటే, ఓ అభిమాని ఏకంగా నాగార్జునకు డైరెక్ట్ మెసేజ్ పంపినట్లు ప్రచారం జరుగుతోంది. అందులో రోహిత్‌కు రీ ఎంట్రీ అవకాశం కల్పించకపోతే బిగ్ బాస్ హౌస్‌ను లేపేస్తామంటూ తీవ్ర హెచ్చరిక చేసినట్లు తెలుస్తోంది. అంతేకాకుండా టాప్ ఓటింగ్‌లో ఉన్న కంటెస్టెంట్‌ను ఎలా ఎలిమినేట్ చేస్తారని ప్రశ్నిస్తూ తన ఆగ్రహాన్ని వ్యక్తం చేసినట్లు సమాచారం.
రోహిత్ చేసే తప్పులే బిగ్ బాస్ టీమ్‌కు కనిపిస్తున్నాయా? త్రిగున్ చేసే పనులు మాత్రం కనిపించడం లేదా? అంటూ ఆ అభిమాని ప్రశ్నించినట్లు సోషల్ మీడియాలో చర్చ జరుగుతోంది. రోహిత్ విషయంలో ఒక విధంగా, ఇతర కంటెస్టెంట్ల విషయంలో మరో విధంగా వ్యవహరిస్తున్నారని అభిమానులు ఆరోపిస్తున్నారు.
మరోవైపు ఈ వ్యవహారంలో రోహిత్ ఫ్యాన్స్ ఆగ్రహం కేవలం ఒక్క పోస్టుకే పరిమితం కావడం లేదు. రోహిత్‌కు మద్దతుగా పోస్టులు, కామెంట్లు, వీడియోలు షేర్ చేస్తూ బిగ్ బాస్ నిర్వాహకులపై ఒత్తిడి తీసుకొచ్చే ప్రయత్నం చేస్తున్నారు. రోహిత్‌ను తిరిగి హౌస్‌లోకి తీసుకురావాలని డిమాండ్ చేస్తున్నారు.
అయితే రోహిత్‌కు రీ ఎంట్రీ ఉంటుందా? అభిమానుల డిమాండ్‌ను బిగ్ బాస్ టీమ్ పరిగణనలోకి తీసుకుంటుందా? నాగార్జున ఈ వివాదంపై స్పందిస్తారా? అన్నది ఇప్పుడు ఆసక్తికరంగా మారింది. మొత్తానికి రోహిత్ ఎలిమినేషన్ వ్యవహారం బిగ్ బాస్ హౌస్‌లోనే కాకుండా సోషల్ మీడియాలోనూ పెద్ద చర్చకు దారితీస్తోంది. రాబోయే ఎపిసోడ్లలో ఈ వివాదానికి ఎలాంటి ముగింపు లభిస్తుందో చూడాలి.
View this post on Instagram
