JR NTR: ఎన్టీఆర్​ చెప్తే నేను వినాలా?- కొడాలి నాని

JR NTR: ఇటీవలే టీడీపీ అధినేత చంద్రబాబును అసెంబ్లీ వేదికగా వైసీపీ అవమానించిన సంగతి తెలిసిందే. ఆ తర్వాత ప్రెస్​ మీట్​లో నందమూరి కుటుంబాన్ని వైసీపీ నేతలు ఇష్టమొచ్చినట్లు మాట్లాడరంటూ.. కన్నీరు పెట్టుకున్నారు చంద్రబాబు. దీంతో విషయం హాట్​టాపిక్​ అయ్యింది. అనంతరం అగ్రహీరో నందమూరి బాలకృష్ణ కుటుంబ సభ్యులతో కలిసి ప్రెస్​మీట్​ పెట్టి  మా కుటుంబంలోని ఆడవాళ్లను అవమానిస్తూ ఊరుకోం ఖబడ్దార్ అంటూ హెచ్చరించారు.

కాగా, ఆ తర్వాత తారక్ కూడా ఈ విషయంపై స్పందించిన విషయం తెలిసిందే. అయితే, అప్పటి నుంచి ఎన్టీఆర్​ను టార్గెట్ చేస్తూ.. పలువురు వైసీపీ నేతలు విమర్షలు గుప్పించారు. కాగా, మరోవైపు,  వైసీపీ నేత కొడాలి నానిపై స్పందిస్తూ.. ఎన్టీఆర్​ను జోడిస్తూ వర్ల రామయ్య చేసిన వ్యాఖ్యలు ప్రస్తుతం చర్చనీయాంశమయ్యాయి.

కొడాలి నానిని జూనియర్​ ఎన్టీఆర్​ కంట్రోల్​ చేయాలని ఆయన వ్యాఖ్యానించారు. ఈ క్రమంలోనే మంత్రి కొడాలి నాని మీడియాతో మాట్లాడుతూ.. ప్రస్తుతం తారక్​కు తనకు ఎలాంటి సంబంధం లేదని స్పష్టం చేశారు. ఎన్టీఆర్ చేబితే వినాల్సిన అవసరం తనకు లేదని.. ఒకప్పుడు సినిమాల్లో కలిసి పనిచేసిన మాట వాస్తవమైనప్పటికీ.. ఆ తర్వాత విభేదాల కారణంగా దూరమయ్యాయమని వివరించారు.

మరి ఈ విషయంపై ఎన్టీఆర్​ ఎలా స్పందిస్తారో తెలియాల్సి ఉంది. కాగా, ప్రస్తుతం ఎన్టీఆర్​ ఆర్​ఆర్​ఆర్​ సినిమాలో నటిస్తున్నారు. వచ్చే ఏడాది సంక్రాంతికి ఈ సినిమా విడుదల కానుంది. ఈసినిమా తర్వాత కొరటాల శివ దర్శకత్వంలో నటించనున్నారు.  వీరిద్దరి కాంబినేషన్​లో వస్తోన్న రెండో చిత్రం ఇది. గతంలో వచ్చిన జనతా గ్యారేజ్​ ఎంత హిట్​ అయ్యిందో ప్రత్యేకంగా చెప్పనక్కర్లేదు.