Actress Bhavana Childhood Pics
Telugu Heroine: మలయాళం ఇండస్ట్రీ నుంచి తెలుగు పరిశ్రమలోకి ఎంతో మంది భామలు వచ్చి సెటిల్ అయ్యారు. కొందరు స్టార్ హీరోయిన్లుగా కొనసాగుతున్నారు. వీరి కోవలోనే తెలుగు ఇండస్ట్రీకి ఎంట్రీ ఇచ్చిన ఓ బ్యూటీ ఒకే ఒక్క సినిమాతో పాపులర్ అయింది. మలయాళ అమ్మాయి అయినా.. అచ్చ తెలుగు ఆడపిల్లలా ఉన్న ఈమె ఈ సినిమా తరువాత చాలా తక్కువ సినిమాల్లో కనిపించింది. ఓ వివాదంలో చిక్కుకుని ఆ తరువాత బయటపడింది. చిత్ర పరిశ్రమకు చెందిన ఓ నిర్మాతను పెళ్లిచేసుకున్న ఈమె సినిమాల్లోకి రీ ఎంట్రీ ఇవ్వడానికి ప్రయత్నిస్తోంది. అయితే ఇంతలో ఆమెకు సంబంధించిన చిన్న నాటి పిక్ ఆకర్షిస్తోంది. ఇంతకీ ఆమె ఎవరో తెలుసా?
ఫ్యామిలీ చిత్రాలను తీయడంతో కృష్ణవంశీకి మించిన వాళ్లు లేరు. ఆయన సినిమాల ద్వారా ఎంతో మంది హీరోయిన్లు గుర్తింపు తెచ్చుకున్నారు. అయితే కృష్ణ వంశీ అప్పటి వరకు కుటుంబ కథా చిత్రాలు తీసి ఒక్కసారిగా సమాజంలో జరిగే పరిస్థితులపై చిత్రాన్ని తీశారు. అదే ‘మహాత్మ’. మహాత్మ గాంధీ సాధించిన భారత దేశంలో ప్రస్తుత పరిస్థితులు ఎలా ఉన్నాయి? అనే కోణంలో వచ్చిన ఈ మూవీలో శ్రీకాంత్ హీరోగా నటించారు. ఈయనకు అందాల భామ జోడీగా ఉన్నారు. అమెనే భావన మీనన్.
మలయాళంలో కొన్ని సినిమాల్లో నటించిన భావన.. తెలుగులో మహాత్మ సినిమాతో పరిచయం అయింది. ఈ సినిమాలో అమాయకపు అమ్మాయిలా కనిపించి ఆకట్టుకుంది. ఆ తరువాత గోపీచంద్ తో కలిసి ఓ సినిమాలో కనిపించింది. అయితే తెలుగులో సినిమాలు తగ్గిపోవడంతో తిరిగి మలయాళం ఇండస్ట్రీకి వెళ్లిన ఆమెకు ఆఫర్స్ తెగ వచ్చాయి. దీంతో ఆమె అక్కడ సినిమాలతో బీజీగా మారింది. అయితే సినిమాలతో బిజీగా ఉన్న సమయంలో ఆమె కిడ్నాప్ నకు గురైనట్లు వార్తలు వచ్చాయి. ఆ తరువాత 2018లో భావన నిర్మాత నవీన్ ను పెళ్లి చేసుకుంది.
కొన్నాళ్ల పాటు ఇండస్ట్రీకి దూరంగా ఉన్న ఆమె తిరిగి చిత్ర పరిశ్రమలోకి ఎంట్రీ ఇవ్వడానికి ప్రయత్నిస్తోంది. లేటేస్టుగా మలయాళంలో ‘నుడిగర్’ అనే సినిమాలో నటించింది. తెలుగులో అవకాశాలు వస్తే నటించడానికి సిద్ధంగా ఉంది. ఈ క్రమంలో ఆమె జిమ్ చేస్తూ.. ఫ్రెండ్స్ తో ఉన్న పిక్స్ వైరల్ గా మారాయి. అయితే సినిమాల్లో నటించనప్పటి కంటే ఇప్పుడే భావన అందంగా తయారయ్యారు. అంతేకాకుండా ఆమెకు సంబంధించిన చిన్న నాటి ఫొటో అలరిస్తోంది.