కేంద్రంలో అధికారంలో ఉన్న మోదీ సర్కార్ అమలు చేస్తున్న స్కీమ్ లలో సుకన్య సమృద్ధి యోజన స్కీమ్ ఒకటనే సంగతి తెలిసిందే. ఆడపిల్లలకు ప్రయోజనం చేకూర్చాలనే ఉద్దేశంతో కేంద్ర ప్రభుత్వం ఈ స్కీమ్ ను అమలు చేస్తోంది. ఒకే ఇంట్లో గరిష్టంగా ఇద్దరు అమ్మాయిలు ఈ స్కీమ్ లో చేరే అవకాశం ఉండగా పదేళ్ల లోపు అమ్మాయిలు మాత్రమే ఈ స్కీమ్ లో చేరే అవకాశం ఉంటుంది.
కూతురుకు బంగారం లాంటి భవిష్యత్ ను కానుకగా ఇవ్వాలని అనుకునే తల్లిదండ్రులు ఈ స్కీమ్ లో చేరితే మంచిది. 250 రూపాలతో సులభంగా సమీపంలోని పోస్టాఫీస్ బ్రాంచ్ కు వెళ్లి సుకన్య సమృద్ధి ఖాతాను తెరవచ్చు. ఆ తరువాత సుకన్య సమృద్ధి యోజన ఖాతాలో ప్రతి నెలా కొంత మొత్తాన్ని ఇన్వెస్ట్ చేయాల్సి ఉంటుంది. గరిష్టంగా లక్షన్నర రూపాయల వరకు ఒక ఆర్థిక సంవత్సరంలో ఈ స్కీమ్ లో చేరే అవకాశం ఉంటుంది.
ప్రస్తుతం సుకన్య సమృద్ధి యోజన స్కీమ్ పై కేంద్రం ఏకంగా 7.6 శాతం వడ్డీరేటును అందిస్తోంది. ప్రతి నెలా 3,000 రూపాయల చొప్పున ఈ స్కీమ్ లో డిపాజిట్ చేయడం వల్ల మెచ్యూరిటీ సమయంలో ఏకంగా 15 లక్షల రూపాయలు పొందే అవకాశం ఉంటుంది. ఒక ఆర్థిక సంవత్సరంలో గరిష్టంగా లక్షన్నర రూపాయల వరకు ఈ స్కీమ్ లో డిపాజిట్ చేయవచ్చు.
సమీపంలోని పోస్టాఫీస్ బ్రాంచ్ ను సంప్రదించి ఈ స్కీమ్ కు సంబంధించిన పూర్తి వివరాలను సులభంగా తెలుసుకోవచ్చు. స్కీమ్ లో చేరిన ఏడాది నుంచి 15 ఏళ్ల వరకు డబ్బులు డిపాజిట్ చేసుకుంటూ వెళ్లాలి.
Web Title: Ssy account in pnb just at rs 250 you can earn rs 15 lakh at maturity
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
