Oppo K14 Plus 5G : స్మార్ట్ఫోన్ మార్కెట్లో మరో ఆసక్తికరమైన 5G ఫోన్ లాంచ్కు సిద్ధమవుతోంది. ప్రముఖ స్మార్ట్ఫోన్ బ్రాండ్ ఒప్పో తన కొత్త Oppo K14 Plus 5Gను భారత మార్కెట్లోకి తీసుకురానుంది. ఇప్పటికే ఈ ఫోన్కు సంబంధించిన డిజైన్, ఫీచర్లు, స్పెసిఫికేషన్లను కంపెనీ టీజ్ చేస్తుండగా.. తాజాగా ధర, ర్యామ్, స్టోరేజ్, ఆపరేటింగ్ సిస్టమ్ వంటి కీలక వివరాలను వెల్లడించింది.
ధర ఎంతంటే?
ఫ్లిప్కార్ట్లో ఏర్పాటు చేసిన Oppo K14 Plus 5G ప్రత్యేక మైక్రోసైట్ ద్వారా ఈ ఫోన్ ధరను వెల్లడించారు. భారత మార్కెట్లో ఈ స్మార్ట్ఫోన్ ధర రూ.45,000లోపే ఉండనుంది. తన ధర విభాగంలో ఇది “స్మూతెస్ట్ ఫోన్”గా ఉంటుందని ఒప్పో చెబుతోంది. దీంతో ప్రస్తుతం రూ.25,999 నుంచి ప్రారంభమయ్యే స్టాండర్డ్ Oppo K14 5Gతో పోలిస్తే K14 Plus ధర గణనీయంగా ఎక్కువగా ఉండనుంది.
ర్యామ్, స్టోరేజ్ విషయానికి వస్తే..
Oppo K14 Plus 5Gలో 8GB RAM + 256GB స్టోరేజ్ అందించనున్నారు. అదనంగా వర్చువల్ RAM సపోర్ట్ ద్వారా మరో 8GB వరకు RAMను పెంచుకునే అవకాశం ఉంటుంది. ఈ ఫోన్ ColorOS 16పై పనిచేస్తుంది. ఇది Android 16 ఆధారంగా రూపొందించబడింది. ఇందులో Luminous Rendering Engine, Trinity Engine వంటి టెక్నాలజీలు ఉండనున్నాయి.
8,000mAh భారీ బ్యాటరీ
ఈ ఫోన్లో అత్యంత ఆకర్షణీయమైన ఫీచర్లలో 8,000mAh బ్యాటరీ ఒకటి. ఎక్కువ కాలం బ్యాటరీ బ్యాకప్ కోరుకునే యూజర్లను లక్ష్యంగా చేసుకుని ఈ భారీ బ్యాటరీని అందిస్తున్నారు. ఫోన్ వేడెక్కకుండా ఉండేందుకు 5,000 చదరపు మిల్లీమీటర్ల హీట్ డిసిపేషన్ ఏరియాతో SuperCool Vapour Chamber కూలింగ్ సిస్టమ్ను అందించనున్నారు.
144Hz AMOLED డిస్ప్లే
Oppo K14 Plus 5Gలో 6.8 అంగుళాల 1.5K AMOLED డిస్ప్లే ఉండనుంది. ఇది 144Hz వరకు రిఫ్రెష్ రేట్, 3,600 నిట్స్ వరకు పీక్ బ్రైట్నెస్, 450 ppi పిక్సెల్ డెన్సిటీని కలిగి ఉంటుంది. గేమింగ్, వీడియోలు, రోజువారీ వినియోగంలో ఈ డిస్ప్లే మంచి అనుభూతిని అందించే అవకాశం ఉంది.
కెమెరా, ప్రాసెసర్
కెమెరాల విషయానికి వస్తే వెనుక భాగంలో డ్యూయల్ కెమెరా సెటప్ ఉంటుంది. ఇందులో 50MP మెయిన్ కెమెరా ప్రధాన ఆకర్షణ. సెల్ఫీలు, వీడియో కాల్స్ కోసం 16MP ఫ్రంట్ కెమెరాను అందించనున్నారు. AI Portrait Glow, AI Recompose, AI Eraser వంటి AI ఆధారిత కెమెరా ఫీచర్లు కూడా ఉంటాయి.
పెర్ఫార్మెన్స్ కోసం MediaTek Dimensity 7360 Max ఆక్టా-కోర్ చిప్సెట్ను ఉపయోగిస్తున్నారు. AnTuTu బెంచ్మార్క్లో ఈ ఫోన్ 10 లక్షలకు పైగా స్కోర్ సాధించినట్లు ఒప్పో వెల్లడించింది.
అంతేకాకుండా డస్ట్, వాటర్ రెసిస్టెన్స్ కోసం IP66 + IP68 + IP69 + IP69K రేటింగ్స్ కూడా ఉండనున్నాయి. ఆరెంజ్, వైట్ కలర్ ఆప్షన్లలో ఈ ఫోన్ అందుబాటులోకి రానుంది.
లాంచ్ ఎప్పుడంటే?
Oppo K14 Plus 5Gను భారత్లో సెప్టెంబర్ 29న మధ్యాహ్నం 12 గంటలకు అధికారికంగా లాంచ్ చేయనున్నారు. ఫ్లిప్కార్ట్ ద్వారా ఈ ఫోన్ విక్రయాలు జరగనున్నాయి. ధర, పూర్తి స్పెసిఫికేషన్లు, ఆఫర్లు వంటి మరిన్ని వివరాలు లాంచ్ సమయంలో వెల్లడయ్యే అవకాశం ఉంది.
