BYJU’S : బైజ్యూస్ మరో భారీ దెబ్బ! ఆ డబ్బులను ముట్టుకోవద్దన్న ఎన్‌సీఎల్‌టీ

BYJU’S : ప్రముఖ ఎడ్ టెక్ కంపెనీ ‘బైజ్యూస్’ కష్టాలు తీరే సంకేతాలు కనుచూపు మేరలో కూడా కనిపించేలా లేవు. ఈ ఎడ్ టెక్ కంపెనీ కొవిడ్ సమయంలో అత్యంత శక్తి వంతంగా ఎదిగింది. కానీ ఇప్పుడు దాని పరిస్థితి అగమ్య గోచరంగా తయారైంది. ఎడ్ టెక్ కంపెనీ ప్రముఖమైన నగరాల్లో తన కార్యాలయాలను ఇప్పటికే మూసివేసింది. నిధుల సేకరణ కోసం ఎదురు చూస్తోంది. కంపెనీకి మరో భారీ ఎదురుదెబ్బ తగిలింది.

ఎడ్ టెక్ స్టార్టప్ బైజూస్ సంక్షోభం ముగిసే సూచనలు కనిపించడం లేదు. డబ్బు లేకపోవడంతో ఉద్యోగులకు జీతాలు చెల్లించేందుకు తర్జన భర్జన పడుతోంది. ఇందులో పెద్ద మొత్తంలో వేతనాలు ఉన్న వారిని కంపెనీ తొలగించింది. బైజు రవీంద్రన్ నికర విలువ సున్నాగా మారింది. ఫోర్బ్స్ బిలియనీర్ ఇండెక్స్ 2024 ప్రకారం, సంవత్సరం క్రితం బైజు రవీంద్రన్ నికర విలువ ₹17,545 కోట్లు ($2.1 బిలియన్).

కంపెనీకి పెద్ద దెబ్బ
నేషనల్ కంపెనీ లా ట్రిబ్యునల్ (ఎన్‌సీఎల్‌టీ)కు ఇప్పటికే ఉన్న వాటాదారులు, వారి వాటాలపై యథాతథ స్థితిని కొనసాగించాలని ఎడ్ టెక్ మేజర్ బైజూస్ ను ఆదేశించింది. సమస్యాత్మకమైన ఎడ్ టెక్ $200 మిలియన్లతో ముందుకు సాగలేదని దీని అర్థం. ఎన్‌సీఎల్‌టీ ఆర్డర్ ప్రకారం.. ఇప్పుడు అది తనకు రెండో సారి హక్కుగా వచ్చే డబ్బును కూడా ఉపయోగించుకునేందుకు అనుమతి లేదు.

రెండో హక్కుల నుండి పొందిన డబ్బు ప్రత్యేక ఖాతాలో ఉంచబడుతుంది, బైజూకు రెండో సారి హక్కుగా రావాల్సిన డబ్బుకు సంబంధించి గడువు మే 13 నుంచి జూన్ 13వ తేదీ వరకు ముగుస్తుంది.  ఇది డిపాజిట్ చేసిన డబ్బును ఉపయోగించుకునేందుకు అనుమతించదు. ప్రధాన పిటిషన్‌ను పరిష్కరించే వరకు బైజూకు సంక్రమించే హక్కులను నిలిపివేస్తున్నట్లు ఉత్తర్వుల్లో పేర్కొన్నారు. రెండో సారి హక్కు కింద వచ్చిన డబ్బును ప్రత్యేక ఖాతాలో ఉంచాలని, ప్రధాన పిటిషన్‌ను పరిష్కరించే వరకు ఉపయోగించవద్దని ఎన్‌సీఎల్‌టీ తెలిపింది.

జనవరి 29న రైట్స్ ఇష్యూ ప్రారంభించినప్పటి నుంచి జూన్ 12 వరకు ఆ తర్వాత 10 రోజుల్లోగా సంబంధిత ఎస్క్రో బ్యాంక్ ఖాతాల పూర్తి వివరాలను ఫైల్ చేయాలని ఎన్‌సీఎల్‌టీ బైజూని కోరింది. ఈ కేసు తదుపరి విచారణ జూలై 4న జరగనుంది. ఇది కాకుండా, ఎన్‌సీఎల్‌టీ రిజిస్టర్డ్ షేర్ క్యాపిటల్‌ను పెంచేందుకు మార్చి 2న చేసిన కేటాయింపునకు సంబంధించిన వివరాలు సమర్పించాలని బైజును కోరింది.