Vijay Andhra Pradesh Visit: తమిళనాడు ముఖ్యమంత్రి విజయ్ ఏపీకి వచ్చారు. ఇది పెద్ద విశేషం కాకపోవచ్చు. కాకపోతే ఆయన వచ్చిన సందర్భం వేరు. జరుగుతున్న చర్చ కూడా వేరు. ఒకరకంగా చెప్పాలంటే ఇటీవల కాలంలో ఒక ముఖ్యమంత్రి ఇతర రాష్ట్రానికి వెళ్ళినప్పుడు.. ఈ స్థాయిలో చర్చ జరగలేదు. దాని కారణం చంద్రబాబు వేసిన స్కెచ్. విజయవాడ ఉత్సవం పేరుతో చంద్రబాబాబు పిలవడం.. విజయ్ రావడం జరిగిపోయాయి. ఆ తర్వాత చంద్రబాబు.. విజయ్ చాలా సేపు మాట్లాడుకోవడం కూడా జాతీయ రాజకీయాలలో చర్చనీయాంశంగా మారింది.
వాస్తవానికి గోదావరి కావేరి నదుల అనుసంధానం ఎప్పటినుంచో ఉన్నది. వాస్తవానికి ఈ ప్రతిపాదన తీసుకొచ్చింది చంద్రబాబు. ఎందుకంటే గోదావరి కావేరి నదులను అనుసంధానం చేస్తే కృష్ణా డెల్టా బాగుపడుతుంది. తమిళనాడుకు కూడా కరువు తీరుతుంది. చెన్నై నగరానికి సాధ్యమైనంతవరకు ఎక్కువ తాగునీటిని అందించడానికి అవకాశం ఉంటుంది. రాయలసీమలో ప్రాంతాలకు కూడా గోదావరి నదిని కృష్ణా డెల్టా మీదుగా సరఫరా చేయవచ్చు. వాస్తవానికి ఇది ఒక బృహత్తరమైన ఆలోచన. పైగా కేంద్రంలో చంద్రబాబు ఇప్పుడు కీలకంగా ఉన్నారు. కేంద్రం మీద ఒత్తిడి తీసుకొచ్చి.. జాతీయ మిషన్ మాదిరిగా దీనిని ప్రకటించి.. 90 శాతం ఖర్చు కేంద్రం భరించే విధంగా ప్రణాళికలు రూపొందిస్తే చంద్రబాబు పేరు మరింత చరితార్థం అవుతుంది. అయితే ఈ నదుల అనుసంధానం కావాలంటే ఖచ్చితంగా తమిళనాడు సపోర్ట్ కావాలి. అందువల్లే చంద్రబాబు విజయ్ ని పిలిచారు.
విజయ్ రావడం.. విజయవాడ ఉత్సవంలో పాల్గొనడం ఇవన్నీ యాదృచ్ఛికంగా జరిగిపోయాయి. వాస్తవానికి విజయ్ టూర్లో చాలా సంఘటనలు జరిగాయి. ముఖ్యంగా దుర్గమ్మ దర్శన సమయం లో ఆయన పీఠవేసినప్పటికీ కింద కూర్చున్నారు. ఆలయ అర్చకుల ఆశీర్వచనాన్ని తీసుకున్నారు. ప్రసాదం ఇస్తే ఆరగించారు. పట్టు వస్త్రాలతో కనిపించారు. ఆర్టిఫిషియల్ కాకుండా.. నాచురల్ విధానంలో విజయ్ తన భక్తిని ప్రదర్శించుకున్నారు. దీంతో విజయ్ ని ఏపీ ప్రజలు గొప్పగా పొగుడుతున్నారు. ఇదే సమయంలో గతంలో ముఖ్యమంత్రిగా ఉన్న జగన్ ఏం చేశారో గుర్తు చేసుకుంటున్నా. జగన్ ముఖ్యమంత్రిగా ఉన్నప్పుడు తాడేపల్లిలో సెట్టింగ్ వేసుకొని వెంకటేశ్వర స్వామికి పూజ నిర్వహించారు. కొబ్బరికాయ కొట్టడానికి కూడా ఇబ్బంది పడ్డారు. ప్రసాదం కూడా సరిగా తీసుకోలేకపోయారు. ఆయన సతీమణి ప్రసాదం తీసుకోవడానికి నిరాకరించారు.
ఇక తిరుమల బ్రహ్మోత్సవాల సమయంలో జగన్ ఎప్పుడు కూడా సతీసమేతంగా రాలేదు. కానీ విజయ్ అలా చేయలేదు.. తాను క్రైస్తవుడయినప్పటికీ.. ధర్మాన్ని పాటించారు. విధానాలకు విలువ ఇచ్చారు. దుర్గమ్మ ముందు తలవంచుకొని నిలబడ్డారు. ఒక పాలకుడికి ఇటువంటివే విలువను తీసుకొస్తాయి. దేవుడి దగ్గరికి మనం వెళ్లాలి. దేవుడు మన దగ్గరికి రావాలి అనుకోవద్దు. దేవుడి దగ్గరికి మనం వెళ్తే అంతా మంచి జరుగుతుంది. మన దగ్గరికి దేవుడు వస్తే చెప్పాల్సిన పనిలేదు.. జగన్ కు ఏం జరుగుతుందో చూస్తున్నాం కదా అని పొలిటికల్ విశ్లేషకులు అంటున్నారు.అంతే కాదు, సోషల్ మీడియాలో రచ్చరంబోలా చేస్తున్నారు.
అన్ని మతాలను గౌరవించే పద్ధతి.. ఇలా ఉంటుంది @ysjagan
#Vijay #Jagan https://t.co/c1ovt4Cpgg
— Yash (@YashTDP_) October 13, 2026
