Pawankalyan Fans : పవన్ అంటే ఇంత అభిమానమా? మరీ పెళ్లి కార్డుతో ప్రచారమా?

Pawankalyan Fans  : పవన్ ను ఉన్నత స్థానంలో చూడాలని జన సైనికులు ఉవ్విళ్లూరుతున్నారు. పవన్ కు ఒక చాన్సిచ్చి చూద్దామని మిగతా సన్నిహితులకు వారు ఒప్పిస్తుంటారు. పవన్ గొప్పతనాన్ని కూడా చాటిచెబుతుంటారు. అటువంటి నాయకుడు రాష్ట్రానికి ముఖ్యమంత్రి అయితే రాష్ట్రం బాగుపడుతుందని కూడా తమకు తెలిసిన గణాంకాలు చెబుతుంటారు. అయితే వారి మాటల్లో నిజాయితీ కనిపిస్తుంది. తమ నాయకుడిపై గౌరవం కనిపిస్తోంది. పవన్ రావాలి పాలన మారాలి అన్నది వారి స్లోగన్. తాము ఏ పని చేసినా పవన్ని జనసేనను కలుపుకుని మరీ ప్రచారం చేస్తూ తన నిలువెల్లా పార్టీ మీద అభిమానాన్ని నింపుకున్న వారు చాలా మంది ఉన్నారు.

అయితే పవన్ పై అభిమానం ఇంతలా ఉంటుందా? అని ఆశ్చర్యపోయేలా విశాఖలో ఓ ఘటన వెలుగుచూసింది. ఓ యువకుడు తన పెళ్లి కార్డుపై జనసేన మేనిఫెస్టో వేయడం విశేషంగా ఆకట్టుకుంటోంది. విశాఖ జిల్లా ఎలమంచిలి మండలం క్రిష్ణాపురం గ్రామంలో జనసేన అభిమాని తన పెళ్ళి కార్డు మీద మీద జనసేన ఎన్నికల ప్రణాళిక వేసి ప్రచారం చేస్తున్నారు అంటేనే వారి అభిమానం ఎంతలా ఉందో అర్ధం చేసుకోవచ్చు. తన పెళ్లి కార్డుకు వెనక వైపు జనసేన మ్యానిఫేస్టోతో పాటు పవన్ ఫోటో గాజు గ్లాస్ గుర్తు ముద్రించి కార్డులు పంచుతున్నాడు. వీటిని చూస్తున్న వారు జనసేన మేనిఫెస్టోను చదువుతున్నారు.

వచ్చే ఎన్నికల్లో జనసేనను ఓటు వేయాలని తమకు నచ్చిన మార్గంలో జనసైనికులు ప్రజలను అభ్యర్థిస్తున్నారు. ఈ యువకుడు కూడా అదే బలమైన ఆకాంక్షతో ఈ చర్యకు దిగాడు. ఈ కార్డులను జనసేన విశాఖ జిల్లా నాయకులకు పంచి పెట్టారు ఈ నెల 10న జనసేన అభిమాని పెళ్ళి. ప్రస్తుతం ఈ కార్డు సోషల్ మీడియాలో వైరల్ గా మారింది. రాష్ట్ర వ్యాప్తంగా జన సైనికులను కదిలిస్తోంది. ఇప్పుడీ ఎన్నికల ప్రచారాని ఇదో వినూత్న ఆదర్శంగా నిలిచింది. పవన్ సీఎం కావాలన్న కోరిక సైనికులలో ఎంత బలంగా ఉందో చెప్పేందుకు ఇది ఒక ఉదాహరణ మాత్రమే. పవన్ కళ్యాణ్ తెలుగుదేశంతో పొత్తు పెట్టుకోవాలని చూస్తున్నట్లుగా మీడియా వార్తల ద్వారా ప్రచారం సాగుతోంది. అయినా జనసేనను అభిమానించేవారు మాత్రం పవన్ ముఖ్యమంత్రి అవాల్సిందే అంటున్నారు. పవన్ని ముఖ్యమంత్రి అభ్యర్ధిగా చంద్రబాబు ప్రకటిస్తే వీరంతా గంపగుత్తగా ఓటేయడం ఖాయం.