Megastar Chiranjeevi Waltair Veerayya – Boss Party Lyric Video Release : చాలా కాలం తర్వాత మెగాస్టార్ చిరంజీవి నుంచి ఫాన్స్ కోరుకునే ఫుల్ మాస్ కమర్షియల్ డ్యాన్స్ వచ్చేసింది. ‘వాల్తేరు వీరయ్య’ సినిమాలోని ‘బాస్ పార్టీ’ సాంగ్ వీడియోను తాజాగా విడుదల చేశారు. ఈ పాటలో చిరంజీవి ‘ముఠామేస్త్రీ’ గెటప్ లో ఇరగదీసేశాడు. బాబీ దర్శకత్వంలో చిరంజీవి ఫుల్ మాస్ రోల్ లో నటిస్తున్న చిత్రం ‘వాల్తేరు వీరయ్య’. శృతి హాసన్ హీరోయిన్ భారీ అంచనాలతో విడుదలకు సిద్ధమవుతున్న ఈ చిత్రంలోని ‘బాస్ పార్టీ’ సాంగ్ తాజాగా విడుదలైంది. ఈ హుషారైన పాటలో చిరంజీవితో ఉర్వశీ రౌతేలా డ్యాన్స్ ఇరగదీశారు. రెండు మూడు రోజులుగా ఊరిస్తున్న ఈ పాటను ఈరోజు సాయంత్రం విడుదల చేశారు.
సంక్రాంతి కానుకగా విడుదల అవ్వబోతున్న ఈ సినిమా పై అభిమానుల్లో భారీ అంచనాలు ఉన్నాయి..ఆ అంచనాలకు తగ్గట్టుగానే ఇటీవల విడుదల చేసిన టైటిల్ టీజర్ కి అదిరిపొయ్యే రెస్పాన్స్ వచ్చింది..ఈ సినిమాలో చిరంజీవి తో పాటుగా మాస్ మహారాజా రవితేజ కూడా ఒక ముఖ్య పాత్రలో కనిపిస్తుండగా శృతి హాసన్ హీరోయిన్ గా నటిస్తుంది.
ఇందులో చిరంజీవికి తమ్ముడిగా రవితేజ కనిపించనున్నాడు..వీళ్లిద్దరి మధ్య వచ్చే సన్నివేశాలన్నీ అభిమానులకు కనులపండుగలాగా ఉండబోతుందట..ఇక ఇటీవలే ఈ సినిమాకి సంబంధించిన ‘బాస్ పార్టీ’ మాస్ సాంగ్ ని హైదరాబాద్ లో శేఖర్ మాస్టర్ కొరియోగ్రఫీ లో తెరకెక్కించారు..’బాస్ పార్టీ’ అనే లిరిక్ తో ప్రారంభమయ్యే ఈ పాటకి సంబంధించిన వీడియోను ఈరోజు విడుదల చెయ్యగా మునుపటి చిరంజీవి ఇందులో కనిపించారు. చిరు నుంచి ఫ్యాన్స్ ఏం కోరుకుంటున్నారో ఇందులో ఉందని చెప్పొచ్చు. ప్రస్తుతం ఈ పాటకు అదిరిపోయే రెస్పాన్స్ వచ్చింది.
దేవిశ్రీ ప్రసాద్ స్వరపరిచిన ఈ ‘బాస్ పార్టీ’ పాట ఊపేసేలా ఉంది. ‘నువ్వు లుంగీ ఎత్తుకో..హేయ్..నువ్ షర్ట్ ముడేసుకో..హేయ్..నువ్వు కర్చీఫ్ కట్టుకో..హేయ్..బాస్ వస్తుండు..బాస్ వస్తుండు’ అంటూ సాగిన ఈ సాంగ్ వీడియో సోషల్ మీడియా బాగా వైరల్ అవుతోంది..ఈ సాంగ్ మీద అప్పుడే వందల కొద్దీ ‘మెమేలు’ కూడా వచ్చేసాయి.
ఈ ‘బాస్ పార్టీ’ పాటకి అదిరిపోయే రీచ్ వస్తుందని మెగాస్టార్ ఫాన్స్ ధీమాగా చెబుతున్నారు. ఈ సాంగ్ లో చిరంజీవి మాస్ స్టెప్స్ కూడా అభిమానులకు పూనకాలు రప్పించే విధంగా ఉంది.
