Delhi Girl: దేశంలో అమ్మాయిలపై నానాటికి దాడులు పెరుగుతున్నాయి. వారిపై ఆగడాలు శృతిమించుతున్నాయి. ఎక్కడ చూసినా అమ్మాయిలను వేధింపులకు గురిచేసే సంఘటనలు కనిపిస్తున్నాయి. నిర్భయ, దిశ లాంటి చట్టాలున్నా మృగాళ్లను ఆపడం లేదు. ఈ నేపథ్యంలో అమ్మాయిల రక్షణ కుదరడం లేదు. ప్రేమ త్యాగాన్ని కోరుకుంటుంది కానీ దారుణాన్ని కాదు. ఇటీవల కాలంలో ప్రేమపేరుతో వల్లో వేసుకోవడం చెప్పిన మాట వినలేదని దాడులు చేయడం పరిపాటిగా మారింది. దీంతో యువతులపై దాడులు జరుగుతూనే ఉన్నాయి. దీనిపై ప్రభుత్వాలు ఎలాంటి చర్యలు తీసుకోవడం లేదు. ఈ క్రమంలో ఓ గర్ల్ ఫ్రెండ్ తనకు బ్రేకప్ చెప్పిందని కత్తితో పొడవడం సంచలనం కలిగించింది.
దేశ రాజధాని ఢిల్లీలో జరిగిన దారుణం సంచలనం సృష్టించింది. ప్రియురాలు ప్రేమకు బ్రేకప్ చెప్పిందని ఆమెపైనే కత్తిపోట్లకు దిగాడో ప్రబుద్ధుడు. ఒకటి కాదు రెండు కాదు ఏకంగా ఆరు కత్తిపోట్లు పొడవడంతో ఆమె పరిస్థితి ఆందోళనకరంగా మారింది. ఈ దృశ్యాలు అక్కడి సీసీ పుటేజీల్లో నమోదు కావడంతో సామాజిక మాధ్యమాల్లో వైరల్ అవుతున్నాయి. యువతి పరిస్థితి ఆందోళనకరంగా మారడంతో ఆమె కోలుకుంటుందా లేదో అనే సందేహాలు అందరిలో వస్తున్నాయి.
హస్తినలోని ఆదర్శ్ నగర్ లో జరిగిన సంఘటనతో నగరం ఉలిక్కిపడింది. నరహంతకులుగా మారి మనుషుల ప్రాణాలు పొట్టన పెట్టుకుంటున్న వారిని మన చట్టాలు ఏం చేయడం లేదు. దీంతోనే వారు రెచ్చిపోయి మరీ అమ్మాయిలను టార్గెట్ చేసుకుని దాడులకు తెగబడుతున్నారు. ఢిల్లీలో జరిగిన సంఘటనకు సంబంధించిన నిందితుడిని పోలీసులు అరెస్టు చేశారు. యువతి ఆస్పత్రిలో చికిత్స పొందుతోంది. పరిస్థితి విషమంగానే ఉన్నట్లు వైద్యులు చెబుతున్నారు. మానవ సమాజంలో ఇలాంటి దుర్మార్గులు ఉండటంతో అమ్మాయిల మనుగడ ప్రశ్నార్థకంగా మారుతోంది.
ప్రియురాలు అనే కనికరం లేకుండా విచక్షణారహితంగా కత్తిపోట్లకు దిగడం ఆశ్చర్యానికి గురిచేసింది. మనుషులు సంచరించే చోట కూడా ఆడవారికి రక్షణ లేకుండా పోతోంది. యువతిపై ఆరు కత్తిపోట్లు పొడవడంతో ఆమె ప్రాణాలతో పోరాడుతోంది. ఇంతటి దారుణానికి తెగబడిన మృగానికి ఉరిశిక్ష విధించాలని మహిళా సంఘాలు డిమాండ్ చేస్తున్నాయి. విచక్షణా రహితంగా దాడికి తెగబడిన వాడిని చట్టపరంగా శిక్షించి ఇలాంటి ఘటనలు పునరావృతం కాకుండా చూడాలని డిమాండ్లు వస్తున్నాయి.
#WATCH | A 22-year-old youth namely Sukhvinder arrested for stabbing a girl in Adarsh Nagar area on Jan 2. Both were friends &due to some dispute, he stabbed her 3-4 times.The girl is admitted to a hospital&her condition is stable: Delhi Police
(CCTV visuals confirmed by police) pic.twitter.com/VLMvdmWGuH
— ANI (@ANI) January 4, 2023
