Anand Mahindra : వేలాది కోట్లకు అధిపతి. పలు దేశాల్లో కార్యకలాపాలు. విభిన్నమైన రంగాల్లో వ్యాపారాలు. ఆటో మొబైల్ రంగంలో భారత్లోనే అతిపెద్ద కంపెనీ. ఇప్పుడు రక్షణ రంగంలోకి అడుగుపెట్టింది. వేలాద మందికి ఉపాధి కల్పిస్తోంది. మహీంద్రా కంపెనీ పేరు స్ఫురణకు వస్తే పైవన్నీ మదిలో మెదులుతాయి. అంతటి వైభవం ఉన్నప్పటికీ ఆనంద్మహీంద్రా మోములో ఏమాత్రం హిప్పోక్రసీ ఉండదు. ఎక్కడో తమిళనాడులో ఇడ్లీలు వేస్తున్న అవ్వను అభినందిస్తారు. తన వంతు సాయం చేస్తాడు. ఊపిరి సలపని పని ఒత్తిడి ఉన్నప్పటికీ నాటు నాటు పాటకు రామ్చరణ్తో కలిసి స్టెప్పులు వేస్తారు. దేశంలోనే అతిపెద్ద వ్యాపారుల్లో ఒకడైనప్పటికీ ఆనంద్మహీంద్రా సోషల్ మీడియాలో యమా యాక్టివ్గా ఉంటారు.
కదిలిస్తే చాలు షేర్ చేస్తారు
మనసును కదిలించే మానవీయం, నోటి నిండా నవ్వు తెప్పించే హాస్య కోణం, స్ఫూర్తినిచ్చే విజేతల నేపథ్యం.. ఇలా ప్రతీ ఒక్కటి ఆనంద్ మహీంద్రా సోషల్ మీడియాలో పంచుకుంటారు. తనను అనుసరించే వారి అభిప్రాయాన్ని కూడా అడుగుతారు. వాటికి తనదైన శైలిలో కామెంట్లు జత చేస్తారు. ఇందులోనూ తన దైన భాష వాడతారు. అది కూడా సూటిగా సుత్తి లేకుండా చెప్పేస్తారు. అందుకే ఆనంద్ మహీంద్రాను నెటిజన్లు ఆకాశానికి ఎత్తేస్తారు. ట్విట్టర్లో ఆనంద్ను 10.6 మిలియన్ల మంది అనుసరిస్తున్నారంటే మాములు విషయం కాదు.
కలావంతీ కోట గురించి…
సోషల్ మీడియాలో చాలా యాక్టివ్గా ఉండే ఆనంద్మహీంద్రా మహారాష్ట్రలోని కలావంతీ కోట గురించి రాసుకొచ్చారు. తన ట్విట్టర్ ఖాతాలో దానికి సంబంధించిన వీడియో ఒకటిని షేర్ చేశారు. ‘ఇది మనదేశంలోనే ఉంది. అయినప్పటికీ నాకింక తెలియదు. దాన్ని ఎక్కాలంటేనే చాలా భయమేస్తోంది. పశ్చిమ కనుమల్లో 60 డిగ్రీల ఏటవాలుతో దాన్ని ఎక్కాల్సి ఉంటుంది. అయితే దీనికి నా శరీరం సహకరిస్తోందో? లేదో? చూడాలని’ ఆనంద్ మహీంద్రా రాసుకొచ్చారు. అయితే ఎవరో వ్యక్తి ఆ కోట ఎక్కి దిగుతుండగా తీసిన వీడియోను ఆయన తన ట్విట్టర్ ఖాతాలో పోస్ట్ చేశారు. దీనిపై నెటిజన్లు రకరకాల కామెంట్లు చేస్తున్నారు. ‘మార్గం నిటారుగా కనిపిస్తోంది. బహుశా అది కెమెరా వల్ల కూడా అయి ఉండొచ్చు. ఎవరైనా వెళ్లాలి అనుకుంటే కచ్చితంగా షూ ధరించి వెళ్లాలి’ అంటూ ఒక నెటిజన్ వ్యాఖ్యానించాడు. ఆనంద్ మహీంద్ర లాంటి దిగ్గజాన్నే ఈ కోట భయపెట్టిందంటే దీన్ని ఎక్కాలంటే కాస్త ముందూ వెనుకా ఆలోచించాల్సిందే.. గుండెల నిండా దమ్మూ ధైర్యం కావాల్సిందే.
I confess I had no clue about this spot. Have to figure out whether I’m up to this challenge! The trek to the top of the Kalavantin Durg is considered one of the most daunting in the Western Ghats. A roughly 60-degree incline. pic.twitter.com/mbgJ498ECy
— anand mahindra (@anandmahindra) July 22, 2023
