Revanth Reddy Rahul Gandhi phone call: కొన్ని సందర్భాలలో రాజకీయ నాయకులు మాట్లాడే మాటలు ఆశ్చర్యాన్ని కలిగిస్తాయి. ఆలోచన కలిగే విధంగా చేస్తాయి. చివరికి అసలు విషయాన్ని బయటపడతాయి. ఇప్పుడు తెలంగాణ ముఖ్యమంత్రి రేవంత్ రెడ్డి మాట్లాడిన మాటలు.. వ్యవహరించిన తీరు కూడా అలానే ఉంది.
రేవంత్ రెడ్డి ఓ సంస్థ నిర్వహించిన ముఖాముఖిలో పాల్గొన్నారు. ఆయన అనేక విషయాలు మీద కుండ బద్దలు కొట్టినట్టు మాట్లాడారు. అందులో ప్రధానమైన విషయం ఒకటి ఉంది. ఆయన ఎవరు ఫోన్ చేసినా సరే ఎత్తకపోవడం. ఆయన ఫోన్ నెంబర్ కొంతమందికి మాత్రమే ఇవ్వడం.. ఈ విషయాన్ని చెప్పుకోవడంలో.. రేవంత్ రెడ్డి ఏమాత్రం భయపడలేదు. పైగా ఫోన్ ఎత్తే విషయంలో తనకు ఎదురయ్యే ఇబ్బందులను.. ఇంకా రకరకాల సమస్యలను ఆయన బయటపెట్టారు. “ఎవడో నాకు ఫోన్ చేస్తాడు. ఏదో ఇబ్బంది ఉందని నేను ఎత్తుతాను. అవతలి వ్యక్తి బాగున్నవా అన్నా అంటాడు. అర్ధరాత్రి పూట 12 గంటలకు ఫోన్ చేసి.. ఏం చేస్తున్నావ్ అన్న.. అని అడిగే వాళ్ళు కూడా చాలామంది ఉన్నారు. ఏదైనా ఇబ్బంది ఉంటే నా దగ్గర వ్యక్తిగత కార్యదర్శులు ఉన్నారు. వాళ్ళు చూసుకుంటారు. వాళ్ల వల్ల కూడా కాకపోతే అప్పుడు నాకు చెప్తారు. ఇక్కడ పని జరగడం ముఖ్యం. ఫోన్ కోసం విలువైన సమయాన్ని ఎందుకు నాశనం చేసుకోవాలి” అని రేవంత్ రెడ్డి వ్యాఖ్యానించారు.
చివరికి రాహుల్ గాంధీ విషయంలో కూడా తన ధోరణి మారలేదని రేవంత్ రెడ్డి క్లారిటీ ఇచ్చారు. ఫోన్ చేస్తే ఎత్తకపోతే చివరికి రాహుల్ కూడా మెసేజ్ చేస్తున్నారని.. ఆ మెసేజ్ చూసుకొని తర్వాత తను ఫోన్ చేస్తున్నానని రేవంత్ రెడ్డి పేర్కొన్నారు. రాజకీయాలతో పాటు తనకు వ్యక్తిగత జీవితం కూడా ముఖ్యమని.. అలాంటి సమయంలో కూడా ఫోన్లు మాట్లాడుకుంటూ ఉండలేనని రేవంత్ రెడ్డి పేర్కొన్నారు. రేవంత్ రెడ్డి మాట్లాడిన మాటలు ఇప్పుడు సరికొత్త చర్చకు దారితీస్తున్నాయి. ఎందుకంటే చాలామంది రాజకీయ నాయకులు ఫోన్లు మాట్లాడుతూనే కనిపిస్తారు. ప్రజలకు అందుబాటులో ఏమాత్రం ఉండరు. కానీ రేవంత్ రెడ్డి ప్రజలకు అందుబాటులో ఉండడానికి ఫోన్ లను పక్కనపెట్టారు. ఏదైనా అత్యవసరమైతేనే మెసేజ్ చేస్తే తన వెంటనే అందుబాటులోకి వస్తానని రేవంత్ క్లారిటీ ఇచ్చారు.
రేవంత్ మొదటినుంచి కూడా ఫోన్ వాడటం చాలా తక్కువ. ఆయన వ్యక్తులతో మాట్లాడేందుకు మాత్రమే ఆసక్తిని చూపిస్తుంటారు. అంతేతప్ప ఫోన్ మాట్లాడి సమయాన్ని వృధా చేసుకోరు. తనను కలవడానికి వచ్చిన వార్త మాట్లాడుతుంటారు. ఆ ఆ సమయంలో ఎన్నిసార్లు ఫోన్ మోగినా సరే అటువైపు కనీసం కూడా చూడరు. ముఖ్యమంత్రి కాకముందు కూడా రేవంత్ రెడ్డికి ఇదే గుణం ఉండేది. ఇప్పుడు ముఖ్యమంత్రి అయిన తర్వాత కూడా అదే వ్యవహార శైలిని ఆయన కొనసాగిస్తున్నారు. ఇది కొంతమందికి నచ్చకపోయినప్పటికీ.. రేవంత్ ఆ విషయంలో ఏమాత్రం వెనకడుగు వేయడం లేదు.
