Channel Chairman US Visit: ఆ చానల్ పెద్ద ఉన్నట్టుండి అమెరికా వెళ్ళిపోయారు. ఎందుకు వెళ్లిపోయారో తెలియదు. ఛానల్ కు సంబంధించిన అధికారిక కార్యక్రమం కూడా కాదు. ఇటీవల ఆయన తన కూతుర్ని చూసేందుకు ఢిల్లీ వెళ్లిపోయారు. అది కూడా ప్రత్యేకమైన ప్రైవేట్ విమానంలో. ఒక సాధారణ జర్నలిస్టు ఈ స్థాయిలో ఆడంబరమైన జీవితాన్ని గడపడం అంత ఈజీ కాదు. ఈ నేపథ్యంలో ఆయన గురించి కొంతమంది నెగటివ్ ప్రచారం మొదలుపెట్టారు. గతంలో ఏపీలో అధికారంలో ఉన్న ఒక పార్టీ తో ఆయన గట్టిగా నడుచుకున్నారని.. దీనివల్ల ఆయనకు భారీగానే ముట్టాయని వార్తలు వచ్చాయి. దీనికి తోడు ఆయన అనేక విధాలుగా పెట్టుబడులు పెట్టి భారీగా లాభాలు సంపాదించారని.. కోట్లు వెనకేసుకున్నారని ప్రచారం మొదలైంది. దీనిని ఆ ఛానల్ పెద్ద ఖండించినప్పటికీ.. నెగిటివ్ వార్తలు వస్తూనే ఉన్నాయి.
తాజాగా ఆ ఛానల్ పెద్ద అమెరికా వెళ్లిపోయారు. ఎందుకు వెళ్లారో తెలియదు. తాను పనిచేస్తున్న ఛానల్ కు సంబంధించిన అధికారిక కార్యక్రమం కూడా కాదు. ఆయన వెంట ప్రజాశాంతి పార్టీ అధినేత కేఏ పాల్ ఉన్నారు. ఇంకా కొంతమంది అమెరికన్ చట్టసభలకు సంబంధించిన ప్రతినిధులు కూడా ఉన్నారు. దీంతో ఆ ఛానల్ పెద్దపై విమర్శలు మళ్లీ మొదలయ్యాయి. ఇన్ని రోజులపాటు నెగిటివ్ ప్రచారాన్ని ఎదుర్కొన్న ఆయన అమెరికా ఎందుకు వెళ్లిపోయారు.. శ్వేత దేశానికి వెళ్ళిపోవాల్సిన అవసరమేంటి.. అక్కడ ఎన్ని రోజులపాటు ఉండాల్సిన పరిస్థితి ఎందుకొచ్చింది.. ఇలా అనేక రకాలుగా చర్చలు సాగుతున్నాయి. దీనిపై ఎవరికి తోచినట్టు వారు వార్తలు రాస్తున్నారు. గుసగుసలను తమకు నచ్చినట్టుగా పబ్లిష్ చేస్తున్నారు.
ఆ చానల్ పెద్ద గతంలో ఇంటర్వ్యూ నిర్వహించేవారు. ప్రైమ్ టైం లో వార్తలు కూడా చదివేవారు. ఇప్పుడు ఆ పరిస్థితి లేదు. పైగా ఆయన ఇటీవల కాలంలో వరుసగా విమర్శలు ఎదుర్కొంటున్నారు. దీనిపై ఆయన క్లారిటీ ఇచ్చినప్పటికీ.. ఈ నెగిటివ్ ప్రచారం మాత్రం ఆగడం లేదు. ఇది ఇలా సాగుతుండగానే ఆయన అమెరికా వెళ్లిపోయారు. గతంలో ఆయన అనేక సందర్భాల్లో అమెరికా వెళ్ళినప్పటికీ.. ఎన్నడూ కూడా విమర్శలు రాలేదు. కానీ ఇప్పుడు విమర్శలు వస్తున్న నేపథ్యంలో.. వాటికి ఆయన ఏ విధమైన సమాధానాలు ఇస్తారో చూడాల్సి ఉంది. గతంలో ఆయన కేఏ పాల్ తో ఇంటర్వ్యూలు నిర్వహించారు. ఇప్పుడు కేఏ పాల్ తో ఆయన కనిపించారు. కేఏ పాల్ కు అమెరికాలో బలమైన సంబంధాలు ఉన్నాయి. అమెరికా లో కీలకమైన నేతలతో ఆయన నేరుగా మాట్లాడగలరు. అందువల్లే ఆ ఛానల్ పెద్ద అమెరికా వెళ్లారేమో.. పక్కన కె ఏ పాల్ కూడా ఉన్నారు కాబట్టి.. ఏదో గట్టిగానే ప్లాన్ చేసినట్టు ఉన్నారని వినికిడి.
