Under 19 World Cup: అండర్ 19 వరల్డ్ కప్ ‘ లో సరికొత్త రికార్డ్ ని క్రియేట్ చేసిన ఇండియన్ టీమ్…

Under 19 World Cup: సౌతాఫ్రికా వేదికగా జరుగుతున్న అండర్ 19 వరల్డ్ కప్ లో ఇండియన్ టీం తన సత్తాని చాటుతుంది. ముఖ్యంగా మన కుర్ర ప్లేయర్లందరు ప్రత్యర్థి జట్టుపై విరుచుకుపడి ఆడుతూ మన టీమ్ కి సునాయాసంగా విజయాలను అందిస్తున్నారు.

ఇక ఇప్పటివరకు ఇండియన్ టీం నాలుగు మ్యాచ్ ల్లో విజయాలను సాధించగా, అందులో మూడు మ్యాచ్ ల్లో మాత్రం 200 లకు పైన పరుగుల తేడా తో విజయం సాధించడం అనేది నిజంగా విశేషమనే చెప్పాలి. ఇక ‘అండర్ 19 వరల్డ్ కప్ ‘ చరిత్రలోనే ఇది ఒక అరుదైన ఫీట్ గా గుర్తించబడింది. ఇక ఇప్పటివరకు ఏ టీమ్ కు సాధ్యం కానీ రీతిలో ఇండియన్ టీం వరుసగా భారీ విజయాలను అందుకొని ఒక సరికొత్త రికార్డు అయితే క్రియేట్ చేసింది.

ఇక ఐర్లాండ్ మీద ఆడిన మ్యాచ్ లో 201 పరుగులతో భారీ విజయాన్ని అందుకోగా, ఆ తర్వాత యుఎస్ఎ మీద ఆడిన మ్యాచ్ లో కూడా 201 పరుగుల తేడాతో విజయం సాధించింది. ఇక న్యూజిలాండ్ మీద 214 పరుగుల తేడాతో విజయం సాధించి అండర్ 19 లోనే ఒక సరికొత్త రికార్డును అయితే క్రియేట్ చేసింది. ఇదే దూకుడుతో ఇండియన్ టీం దుమ్ము రేపితే మాత్రం ఈసారి అండర్ 19 వరల్డ్ కప్ మనదే అనడంలో ఎంత మాత్రం అతిశయోక్తి లేదు. టీమ్ లో ఉన్న ఒకరిద్దరు ప్లేయర్లనే కాకుండా అందరు ప్లేయర్లు కూడా వాళ్ళ సత్తా చాటుతూ ఒక్కో మ్యాచ్ లో ఒక్కో ప్లేయర్ బాగా ఆడడం మన్ టీమ్ కి చాలా వరకు కలిసి వచ్చే అంశం అనే చెప్పాలి.

2023 ఇంటర్నేషనల్ వన్డే వరల్డ్ కప్ లో ఫైనల్ కి వచ్చి ఇండియన్ టీమ్ ఓడిపోయినపుడు అభిమానులు అందరూ తీవ్రమైన నిరాశ చెందారు. ఇక దాంతో ఇండియన్ టీమ్ కి అండర్ 19 వరల్డ్ కప్ ని సాధించి పెడతామంటూ ఈ టోర్నీకి ముందే మన ప్లేయర్లు అభిమానులకు మాట ఇవ్వడం అనేది నిజంగా గ్రేట్ అనే చెప్పాలి. వాళ్లు అనుకున్నట్టుగానే ఇండియన్ టీమ్ కి ఈసారి కప్ అందించే విధంగానే ముందుకు దూసుకెళ్తున్నారు…