తెలంగాణా సీఎం కేసీఆర్ నిరుద్యోగ యువతకు శుభవార్త చెప్పారు. నిరుద్యోగులకు ఉపాధిని అందించే రెండు కీలక పథకాలను ప్రవేశపెడుతున్నట్లు బీసీ సంక్షేమశాఖ మంత్రి గంగుల కమలాకర్ తెలిపారు.
ఇంటి వద్ద ఉండే బీసీ మహిళలకు ఆదాయం చేకూరేలా దాదాపు 10 వేలమంది నిరుద్యోగ మహిళలకు శిక్షణ ఇచ్చి కుట్టు మిషన్లు పంపిణీ చెయ్యాలని నిర్ణయించారు. అంతే కాకుండా నిరుద్యోగ మహిళలకు నిఫ్ట్ ద్వారా శిక్షణ ఇచ్చి, ఉపాధి కల్పించనున్నట్లు మంత్రి తెలియజేసారు.
మరో పథకం “ఆపద్బంధు” పేరుతో ఎంబీసీ యువకుల కోసం అంబులెన్స్లను పంపిణీ చేయనున్నారు. అర్హులైన బీసీ విద్యార్థులకు ఒక్కటి చొప్పున అంబులెన్స్లను బీసీ కార్పొరేషన్ ద్వారా పంపిణీ చేస్తున్నట్లు గంగుల తెలియజేసారు. ఆపద్బంధు పథకం ద్వారా నిరుద్యోగ యువతకు ఉపాధి కలిగించటమే కాకుండా, మారుమూల ప్రాంతాలకు కూడా అంబులెన్స్ సేవలను విస్తరించడం జరుగుతున్నదని మంత్రి తెలియజేసారు. ఈ రెండు పథకాలను త్వరలోనే ప్రవేశపెట్టబోతున్నట్లు మంత్రి గంగుల కమలాకర్ తెలియజేసారు.
సునీల్ కమెడియన్ గా, హీరోగా పలు చిత్రాలు నటించి మెప్పించాడు. ఈరోజు సునిల్ పుట్టినరోజు సందర్భంగా కలర్ఫోటో లుక్ ని విడుదల చేశారు. ఈ సినిమాలో సునీల్ విలన్ నటిస్తున్నాడు. హృదయ కాలేయం , కొబ్బరి మట్ట లాంటి స్పూఫ్ కామెడిలతో మైండ్బ్లాక్ చేసిన అమృత ప్రొడక్షన్స్ తదుపరి చిత్రం కలర్ ఫోటో ని లౌఖ్య ఎంటర్టైన్మెంట్స్ తో సంయుక్తంగా నిర్మిస్తున్నారు.
ఢిల్లీ అల్లర్లను నియంత్రించే పనుల్లో ప్రభుత్వముంటే అగ్గిరాజేసే పనుల్లో కొన్ని మీడియా సంస్థలు, అంతర్జాతీయ సంస్థలు వున్నాయి. ఇది దురదృష్టకరం, అభ్యంతరకరం. మృతుల్లో ముస్లింలు ఎంతమంది, హిందువులు ఎంతమంది అనే స్కోర్ కౌంట్ లో కొన్ని మీడియా సంస్థలు ఉండటం దురదృష్టకరం. ముస్లింలయినా , హిందువులయినా పోయింది మనుషుల ప్రాణాలు అన్న మానవత్వముంటే ఈ పని చేయరు. కావాల్సింది ఏ మతస్తులెంతమందనికాదు ఈ దారుణ మారణహోమాన్ని ఎలా ఆపటం? ఈ ఘోరకలి మరిచిపోయి తిరిగి అందర్నీ కలపటమెలా? ఇది మనసున్న మనుషులు చేయాల్సిన పని. గతాన్ని గుర్తుచేస్తూ అయిన గాయాల్ని మానకుండా చేయటం బాధ్యతగల మీడియా చెయ్యకూడదు. అందుకనే ఇటువంటి క్లిష్టపరిస్థితుల్లో ప్రతి మాట , ప్రతి అడుగు ఆచి తూచి వేయాలి. అంతిమంగా అందరి లక్ష్యం సామరస్యాన్ని పునరుద్ధరించటం, శాంతి ని నెలకొల్పటం. మీడియా ఈ విషయంలో మరింత బాధ్యతగా వ్యవహరిస్తుందని ఆశిద్దాం.
దక్షిణాదిలో నెంబర్ వన్ హీరోయిన్ గా నయనతార కొనసాగుతుంది. ఆమె అడిగినంత పారితోషకం ఇచ్చి తమ సినిమాల్లో నటింపజేసేందుకు నిర్మాతలు క్యూ కడుతుంటారు. అయితే నయన్ చేసిన పనికి నిర్మాతలు షాకైనట్లు తెల్సింది. రజనీకాంత్ తాజా చిత్రంలో నటించేందుకు ఆమె పారితోషికంగా తగ్గించుకోవడం హాట్ టాపిక్ గా మారింది. ఏకంగా కోటి రూపాయలు వరకు తగ్గించుకోవడంతో సదరు నిర్మాత ఫుల్ ఖుషీ అవుతున్నట్లు సమాచారం.
కొరటాల శివ దర్శకత్వంలో చిరంజీవి 152వ మూవీ తెరకెక్కుతున్న సంగతి తెల్సిందే. ఈ మూవీలో మెగాస్టార్ డ్యుయల్ చేస్తున్నారు. చిరుకు సీనియర్ హీరోమిన్ త్రిష నటిస్తుంది. వీరిద్దరి కాంబినేషన్లలో గతంలో వచ్చిన ‘స్టాలీన్’ మంచి విజయం సాధించింది. చిరుకు జోడీగా త్రిష అలరించింది. దీంతో చిరు-152 మూవీలో త్రిషకు ఆఫర్ దక్కింది. అదేవిధంగా తెలుగమ్మాయి ఈషా రెబ్బా ఓ కీలక పాత్రలో నటిస్తుంది. కుర్ర హీరోయిన్ రెజీనా చిరంజీవితో కలిసి ఓ ఐటమ్ లో మెరవబోతుంది. ఇంతమంది అందగత్తెలకు తోడుగా మరో భామ ఈ మూవీలో నటించనుందని తెలుస్తోంది.
గత శనివారం నుండి ఢిల్లీ రావణకాష్టంగా మారడానికి, 1984 తర్వాత ఎన్నడూ ఎరుగని రీతిలో మత ఘర్షణలు చెలరేగడానికి ఢిల్లీ పోలీస్ కమీషనర్ అమూల్య పట్నాయక్ “అసమర్ధత” కారణం అని ఎన్ని విమర్శలు వస్తున్నా అతనిని సమర్ధిస్తూ వస్తున్నా కేంద్ర హోమ్ మంత్రి అమిత్ షా చిట్టచివరకు ఆయన స్థానంలో ఎస్ ఎన్ శ్రీవాత్సవను ఢిల్లీ కమీషనర్ గా నియమించారు.
ఢిల్లీలో గత ఐదు రోజులుగా చెలరేగిన అల్లర్లకు సంబంధించి మాజీ ఎమ్యెల్యే కపిల్ మిశ్రా బిజెపిని ఆత్మరక్షణలో పడవేస్తున్నారు. గత ఆదివారం సిఏఏ అనుకూల ప్రదర్శనకారులను రెచ్చగొట్టే రీతీలో ప్రదర్శన జరిపి, హింసాయుత సంఘటనకు కారణమయ్యారనే ఆరోపణలు చెలరేగుతున్నాయి. ప్రస్తుత అల్లర్లకు అతనే కారకుడని ప్రతిపక్షాలు మండిపడుతున్నాయి. అతనిపై ఎఫ్ ఐ ఆర్ దాఖలు చేయమని కూడా హై కోర్ట్ ఆదేశించింది.
సీనియర్ రాజకీయ వేత్త, టీఆర్ఎస్ పార్లమెంటరీ పార్టీ నేత కె కేశవరావుకు మరోసారి రాజ్యసభ సీట్ లభించే అవకాశాలు కనబడటం లేరు. వరుసగా రెండు సార్లు రాజ్యసభకు ఎన్నికైన ఆయన రాజ్యసభ సభ్యత్వం త్వరలో ముగుస్తుంది. మొదటిసారి కాంగ్రెస్ అభ్యర్థిగా, రెండో సారి టీఆర్ఎస్ అభ్యర్థిగా ఎన్నికయ్యారు.ప్రస్తుతం సాంకేతికంగా ఏపీ నుండి రాజ్యసభకు ప్రాతినిధ్యం వహిస్తున్న కేశవరావు సభ్యత్వం ఏప్రిల్ 9తో ముగుస్తుంది.
మధ్య ప్రదేశ్లో మహిళల కోసం ప్రత్యేకంగా వైన్స్ షాపులు రానున్నాయి. ఆడవారికి ఇబ్బంది లేకుండా మందు కొనుక్కోవడానికి అక్కడి కమల్ నాథ్ ప్రభుత్వం ఈ కొత్త ఆలోచన చేసింది.
ప్రముఖ నటుడు ప్రకాశ్ రాజ్ కు మద్రాసు హైకోర్టు సమన్లు జారీ చేసింది. ప్రకాశ్ రాజ్ ఇటీవల ఒక ఫైనాన్సియర్ కు చెక్కు ఇవ్వగ బౌన్స్ కావడంతో సదరు వ్యక్తి హైకోర్టును ఆశ్రయించినట్లు తెల్సింది. దీంతో మద్రాస్ హైకోర్టు ప్రకాశ్ రాజ్ కు సమన్లు జారీ చేసింది. ఏప్రిల్ 2లోగా కోర్టుకు హాజరుకావాలని ఆదేశించింది.
టాలీవుడ్లో వరుసగా పీరియాడికల్ మూవీలు తెరకెక్కుతున్నాయి. ఈ సినిమాలను తెలుగు ప్రేక్షకులు ఆదరిస్తుండటంతో హీరోలంతా పీరియాడికల్ మూవీలు చేసేందుకు ఇంట్రెస్ట్ చూపుతున్నారు. ప్రస్తుతం అన్ని ఇండస్ట్రీల్లో పీరియాడికల్ ట్రెండ్ కొనసాగుతోంది. ఈ కోవలోనే మెగా అల్లుడు సాయిధరమ్ తేజ్ తాజాగా ఓ పిరియాడికల్ మూవీ చేసేందుకు గ్రీన్ సిగ్నల్ ఇచ్చినట్లు సమాచారం. ‘బిందాస్’, ‘రగడ’ చిత్రాలను దర్శకుడు వీరుపోట్ల ఈ పీరియాడికల్ మూవీని తెరకెక్కించనున్నట్లు తెలుస్తోంది.