Today 12 May 2026 Horoscope: జ్యోతిష్య శాస్త్రం ప్రకారం మంగళవారం ద్వాదశ రాశులపై పూర్వాభాద్ర నక్షత్ర ప్రభావం ఉంటుంది. దీంతో కొన్ని రాశుల వారికి ఏ పని మొదలుపెట్టినా విజయమే వరిస్తుంది. మరికొన్ని రాశుల వారు ఖర్చుల విషయంలో జాగ్రత్తగా ఉండాలి. మేషంతో సహా మీనం వరకు మొత్తం రాశుల ఫలితాలు ఎలా ఉన్నాయో చూద్దాం..
మేష రాశి (అశ్విని, భరణి,1,2,): ఈ రాశి వారికి ఈరోజు పూర్తిగా మారిపోతుంది. ఉద్యోగులు కొత్త ప్రాజెక్టులను చేపడతారు. వ్యాపారులకు కొత్తగా లాభాలు వస్తాయి. కురుమ సభలతో సంతోషంగా ఉంటారు. అనుకోకుండా దూర ప్రయాణాలు చేయాల్సి వస్తుంది. ఖర్చుల విషయంలో జాగ్రత్తగా ఉండాలి. ప్రయాణాలు అనుకూలంగా ఉంటాయి.
వృషభరాశి( కృత్తిక 2,3,4 రోహిణి) : గతంలో కంటే ఇప్పుడు ఆరోగ్యం మెరుగ్గా ఉంటుంది. కుటుంబ సమస్యలు తొలగిపోతాయి. స్నేహితులతో కలిసి దూర ప్రయాణాలు చేస్తారు. సొంత వాహనాలపై ప్రయాణాలు చేయకుండా ఉండాలి. ఆర్థిక వ్యవహారాల్లో జాగ్రత్తగా ఉండాలి. వ్యాపారులు కొత్తగా పెట్టుబడులు పెట్టేటప్పుడు పెద్దలను సంప్రదించడం మంచిది. విద్యార్థులు పోటీ పరీక్షలో పాల్గొంటే విజయం సాధిస్తారు.
మిథున రాశి( మృగశిర 3,4 ): పిల్లల కెరీర్ పై కీలక నిర్ణయం తీసుకుంటారు. ఉద్యోగులు అదనపు ఆదాయం పొందడానికి మార్గం ఏర్పడుతుంది. వ్యాపారులకు కొత్త పెట్టుబడులు అనుకూలంగా మారుతాయి. గతంలో పెట్టిన పెట్టుబడుల నుంచి ఇప్పుడు లాభాలు పొందుతారు. ఆర్థిక వ్యవహారాలు జరిపేటప్పుడు జాగ్రత్తగా ఉండాలి. కొత్త వ్యక్తులను నమ్మకూడదు. జీవిత భాగస్వామి కోసం షాపింగ్ చేస్తారు.
కర్కాటక రాశి(పునర్వసు 4, పుష్యమి, అశ్లేష) : ఆధ్యాత్మిక కార్యక్రమాలపై దృష్టి పెడతారు. ఇంట్లో జరిగే శుభకార్యం కోసం బిజీగా మారుతారు. అర్హులైన వారికి వివాహ ప్రతిపాదనలు వస్తాయి. స్నేహితులతో ఉల్లాసంగా ఉంటారు. ఎవరికైనా కొత్తగా వాహనాలు ఇవాల్చి వస్తే జాగ్రత్తగా ఉండాలి. ప్రయాణాల్లో కుటుంబ సభ్యుల మద్దతు ఉంటుంది. అనుకోకుండా వ్యాపారులు లాభాలు పొందుతారు.
సింహా రాశి( ముఖ, పుబ్బ, ఉత్తర 1) : ఈ రాశి వారు ఈరోజు ఆత్మవిశ్వాసంతో ముందుకు వెళ్తారు. కొన్ని పనులు క్లిష్టంగా ఉన్న వాటిని వెంటనే పూర్తి చేస్తారు. ఉద్యోగులకు కార్యాలయాల్లో అనుకూలమైన వాతావరణం ఉంటుంది. దీంతో ముఖ్యమైన ప్రాజెక్టులను సకాలంలో పూర్తి చేస్తారు. వ్యాపారులు ప్రత్యర్థులపై కన్నేసి ఉంచాలి. కుటుంబ సభ్యులతో కలిసి దూర ప్రయాణాలు చేస్తారు.
కన్యరాశి(ఉత్తర 2,3,4 హస్త చిత్త 1,2) : ఈ రాశి వారి ఆదాయం ఈరోజు గణనీయంగా పెరిగే అవకాశం ఉంది. వ్యాపారులు ప్రత్యర్థులతో ఆర్థిక వ్యవహారాలు జరపకుండా ఉండాలి. ఉద్యోగులకు అధికారుల సపోర్టు ఉంటుంది. ప్రయాణాలు చేసేటప్పుడు సొంత వాహనాలపై వెళ్లకుండా ఉండాలి. ఎవరికైనా డబ్బు ఇస్తే తిరిగి వచ్చే అవకాశాలు తక్కువగా ఉంటాయి. ఆరోగ్య విషయంలో జాగ్రత్తగా ఉండాలి.
తుల రాశి(చిత్త 3,4, స్వాతి: విశాఖ 1,2,3) : ఈ రాశి వారికి బంధువుల నుంచి శుభవార్తలో అందుతాయి. ముఖ్యమైన పనులను పూర్తి చేస్తారు. గతంలో అనుకున్న ఒక కోరికను ఈరోజు నెరవేర్చుకుంటారు. ఉద్యోగులకు అనుకూలమైన వాతావరణం ఉండడంతో పనులు పూర్తి చేస్తారు. ఆగిపోయిన డబ్బు వసూలు అవుతుంది. ఖర్చులు పెరిగే అవకాశం ఉంటుంది. ఇలాంటి సమయంలో జాగ్రత్తగా ఉండాలి.
వృశ్చిక రాశి(విశాఖ 4, అనురాధ, జ్యేష్ఠ) : ఈ రాశి వారు ఈరోజు కొన్ని సమస్యలను ఎదుర్కోవాల్సి వస్తుంది. అయితే ఆర్థిక వ్యవహారాలు జరిపేటప్పుడు పెద్దల సలహా తీసుకోవాలి. ఎవరికి అనవసరంగా డబ్బు ఇచ్చే ప్రయత్నం చేయవద్దు. ఇవి తిరిగి వచ్చే అవకాశాలు తక్కువగా ఉంటాయి. ఎదుటివారితో మాట్లాడేటప్పుడు సంయమనం పాటించాలి. కోపంలో ఎటువంటి నిర్ణయాలు తీసుకోకూడదు.
ధనస్సు రాశి ( మూల, పుర్వాషాఢ, ఉత్తరాషాడ 1) : ఈ రాశి వారు కుటుంబ సభ్యులతో ఈరోజు సంతోషంగా ఉంటారు. జీవిత భాగస్వామి కోసం ప్రత్యేకంగా వస్తువులు కొనుగోలు చేస్తారు. గతంలో పెట్టిన పెట్టుబడుల నుంచి వ్యాపారాలు ఎప్పుడు లాభాలు పొందుతారు. చెప్పిన మాటలు వినకుండా సొంతంగా ఆలోచించాలి. సోదరుల మధ్య ఉన్న విభేదాలు తొలగిపోతాయి.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారికి ఈ రోజు సమాజంలో గౌరవం లభిస్తుంది. అనుకోకుండా స్నేహితులతో కలిసి విహారయాత్రలకు వెళ్తారు. దూరపు బంధువుల నుంచి శుభవార్తలు అందుతాయి. అర్హులైన వారికి వివాహ ప్రతిపాదనలు వస్తాయి. కొత్తగా వ్యాపారం ప్రారంభించే వారు పెద్దల సలహా తీసుకోవడం మంచిది. డబ్బులు వ్యవహారంలో జీవిత భాగస్వామి సలహా తీసుకుంటారు.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : ఈ రాశి వారు ఈరోజు ఊహించిన దానికంటే ఎక్కువ లాభాలు పొందుతారు. గతంలో పెట్టిన పెట్టుబడిల నుంచి ఇప్పుడు అనేక ప్రయోజనాలు పొందుతారు. ఉద్యోగులకు అదనపు ఆదాయం చేయకూరుతుంది. కొందరికి పదోన్నతులు వచ్చే అవకాశం ఉంటుంది. ప్రయాణాల్లో జాగ్రత్తలు తీసుకోవాలి. పెట్టుబడులపై ఆలోచించి నిర్ణయం తీసుకోవాలి.
మీనరాశి (పూర్వాభద్ర 4, ఉత్తరాభాద్ర రేవతి ) : ఈ రోజు వారిని ఈరోజు అన్ని శుభ ఫలితాలే పొందుతారు. అనవసరపు ఖర్చులు పెరుగుతాయి. కొత్త వ్యక్తులతో జాగ్రత్తగా ఉండాలి. వ్యాపారులు కీలకమైన పెట్టుబడులు పెడతారు. ఉద్యోగులకు అనుకూలమైన వాతావరణం ఉండడంతో డబ్బు రెట్టింపు అయ్యే అవకాశం ఉంటుంది. అధికారుల నుంచి మద్దతు ఉండడంతో ముఖ్యమైన పనులను పూర్తి చేస్తారు.
వర్క్ ఫ్రం హోం మళ్లీ ఉద్యోగాలు మారబోతున్నాయా..
Work From Home: అంతర్జాతీయ సంక్షోభం, యుద్ధ పరిస్థితుల నేపథ్యంలో ప్రధానమంత్రి నరేంద్ర మోదీ చేసిన వ్యాఖ్యలు దేశవ్యాప్తంగా చర్చకు దారితీశాయి. బంగారం కొనుగోలు తగ్గించాలని.. ఇంధన పొదుపు చేయాలని చెప్పడం తో పాటు వర్క్ ఫ్రమ్ హోమ్ (WFH) విధానాన్ని పునఃసమీక్షించాలని, దీనివల్ల కలిగే ప్రయోజనాలను పరిగణనలోకి తీసుకోవాలని ఆయన పిలుపునిచ్చారు. దీంతో ఐటీ రంగంలో కొత్త కదలిక మొదలైంది. కొన్ని ఐటీ కంపెనీలు తమ పని విధానాలను మార్చుకునే దిశగా అడుగులు వేస్తున్నాయి. ఇందులో భాగంగా వర్క్ ఫ్రం హోం ను కేటాయించాలని నిర్ణయించుకుంటున్నాయి.
ప్రధాని పిలుపునకు మద్దతుగా భారత ఐటీ ఉద్యోగుల సంఘం (NITES) కేంద్ర ప్రభుత్వానికి ఒక కీలక విన్నపం చేసింది. దేశంలోని దాదాపు 58 లక్షల మంది ఐటీ ఉద్యోగులకు వర్క్ ఫ్రమ్ హోమ్ను తప్పనిసరి చేస్తూ ఆదేశాలు జారీ చేయాలని కోరింది. ఈ విధానం వల్ల ఉద్యోగుల పని-జీవిత సమతుల్యత (Work-Life Balance) మెరుగుపడటమే కాకుండా, మెట్రో నగరాల్లో ట్రాఫిక్ రద్దీ, కాలుష్యం తగ్గుతుందని వారు అభిప్రాయపడుతున్నారు.
దీనిపై ప్రముఖ సాఫ్ట్వేర్ సంస్థ జోహో (Zoho) వ్యవస్థాపకుడు శ్రీధర్ వెంబు ఆసక్తికరమైన ట్వీట్ చేశారు. ఇటీవల తమ సంస్థ పూర్తిగా ‘వర్క్ ఫ్రమ్ ఆఫీస్’ విధానానికి మారిందని పేర్కొన్న ఆయన, ప్రధాని సూచనల నేపథ్యంలో మళ్ళీ WFH విధానాన్ని పరిశీలిస్తామని ప్రకటించారు. దీనివల్ల ఉద్యోగులకు వెసులుబాటు కలగడమే కాకుండా, పర్యావరణానికి కూడా మేలు జరుగుతుందని ఆయన భావిస్తున్నారు.
WFH విధానాన్ని ప్రోత్సహించడం వెనుక బలమైన కారణం పర్యావరణ కూడా ఉంది. ఉద్యోగులు ఆఫీసులకు రానవసరం లేకపోతే వాహనాల వాడకం గణనీయంగా తగ్గుతుంది. తద్వారా డీజిల్, పెట్రోల్ వాడకాన్ని తగ్గించి కర్బన్ ఉద్గారాలను నియంత్రించవచ్చని శ్రీధర్ వెంబు పేర్కొన్నారు. ఇది దేశ ఇంధన భద్రతకు, పర్యావరణ పరిరక్షణకు ఎంతగానో దోహదపడుతుందని నిపుణులు విశ్లేషిస్తున్నారు.
వర్క్ ఫ్రమ్ హోమ్ అనేది కేవలం సౌకర్యం మాత్రమే కాదు.. అది ఆర్థిక, పర్యావరణ ప్రయోజనాలతో ముడిపడి ఉన్న అంశమని తాజా పరిణామాలు స్పష్టం చేస్తున్నాయి. ప్రభుత్వ నిర్ణయం, కంపెనీల స్పందన ఆధారంగా రానున్న రోజుల్లో ఐటీ రంగంలో విప్లవాత్మక మార్పులు వచ్చే అవకాశం ఉందని తెలుస్తోంది.