యువ హీరో నితిన్ రెడ్డి తన బ్యాచిలర్ లైఫ్కు గుడ్‌బై చెప్పబోతున్నాడు.నితిన్ పెళ్లికి ఎట్టకేలకు ముహూర్తం ఖరారైంది. నితిన్, షాలినిల వివాహం ఈ నెల 26న రాత్రి 8 గంటల 30 నిమిషాలకు హైదరాబాద్‌లో జరగనుంది. చాలా రోజుల కిందటే ఎంగేజ్‌మెంట్‌ చేసుకున్న నితిన్.. ఏప్రిల్‌లో దుబాయ్‌లో డెస్టినేషన్‌ వెడ్డింగ్‌ ప్లాన్ చేశాడు. ఈ ఏడాది ఫిబ్రవరిలో నితిన్, షాలిని పసుపు కుంకుమ వేడుక జరిగిన విషయం తెలిసిందే. కానీ, కరోనా దెబ్బకు ఆ ప్లాన్స్‌ క్యాన్సలైంది. కనీసం హైదారబాద్‌లో అయినా ఘనంగా పెళ్లి చేసుకోవాలని అనుకుంటే ఇక్కడ కరోనా ఉధృతి రోజు రోజుకూ పెరుగుతూనే ఉంది. దాంతో, ఇక వెయిట్‌ చేసి లాభం లేదన్న ఇరు కుటుంబాలు పెళ్లి డేట్‌ ఫిక్స్‌ చేశాయి. సోమవారం నుంచి శ్రావణ మాసం ప్రారంభం కావడంతో వచ్చే ఆదివారం నాడు ప్రేమ పక్షులు నితిన్, షాలినికి పెళ్లి నిశ్చయించారు.
Also Read: మహేశ్‌ మెచ్చిన తమిళ్‌ మూవీ..
కొవిడ్‌ నేపథ్యంలో ప్రభుత్వ నియమ నిబంధనలను అనుసరిస్తూ ఈ వివాహ వేడుకను ప్లాన్ చేస్తున్నారు. కుటుంబసభ్యులు, అత్యంత సన్నిహితులు మాత్రమే వేడుకలో పాల్గొంటారు. వారం రోజుల్లో నితిన్ తన బ్యాచ్‌లర్ లైఫ్‌ను ముగించబోతున్నాడు. టైమ్‌ దగ్గర పడడంతో నితిన్ ఇంట పెళ్ళ సందడి షురూ అయింది. వివాహ మహౌత్సవానికి కావాల్సిన ఏర్పాట్లను పూర్తి చేసే పనిలో ఆయన కుటుంబ సభ్యులు బిజీగా ఉన్నారు. సినిమాల విషయానికి వస్తే ప్రస్తుతం నితిన్… వెంకీ అట్లూరి డైరెక్షన్‌లో ‘రంగ్‌ దే’, చంద్రశేఖర్యేలేటితో ‘చెక్’ రెండు సినిమాలు చేస్తున్నాడు. అలాగే, మేర్లపాక గాంధీ దర్శకత్వంలో ‘అంధాధున్‌’ రీమేక్‌తో పాటు కృష్ణ చైతన్య దర్శకత్వంలో ‘పవర్‌ పేట’ సినిమాలకు కూడా కమిటయ్యాడు.
Also Read: ట్రైలర్కూ పైసలు వసూలు చేస్తున్న ఆర్జీవీ
Web Title: Nithiin finalises his marriage date
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
