ఏపీ-తెలంగాణ సరిహద్దులో ఇవాళ మధ్యాహ్నం వరకు భారీగా వాహనాలు రద్దీ నెలకొంది. కృష్టా జిల్లా జగ్గయ్యపేట మండలం గరికపాడు సమీపంలోని రామాపురం అడ్డరోడ్డు వద్ద వాహనాల రద్దీ పెరిగింది. వారంతపు సెలవులు రావడంతో తెలంగాణకు వెళ్లే వాహనాల సంఖ్య బాగా ఎక్కువైంది. ఈ-పాస్ నిబంధనతో వాహనాలు ఎక్కువసేపు ఆగాల్సి వస్తోంది. తెలంగాణ పోలీసులు నిబంధనలు ఖచ్చితంగా అమలు చేయడంతో మధ్యాహ్నం వరకు రద్దీ కొనసాగింది.
