tamil parties : తమిళనాడులోని దాదాపు అన్ని పార్టీల పేర్లను గమనిస్తే.. చాలా పార్టీల వెనుక కజగం కామన్గా ఉంటుంది. కజగం అంటే తమిళంలో అసోసియేషన్, ఆర్గనైజేషన్, ఫెడరేషన్. కామన్ పర్పస్ కోసం ఏకం కావడం అని అర్థం. ద్రవిడియన్ సిద్ధాంతం ప్రకారం తమిళంలో ఈ పేరు పెట్టుకోవడం ఆనవాయితీగా వస్తోంది. ఇవి రాష్ట్ర రాజకీయ చరిత్రలో లోతైన సందర్భాన్ని సూచిస్తాయి. ద్రావిడ ఉద్యమం నుంచి పుట్టిన ఈ సంప్రదాయం, తమిళ గుర్తింపును బలపరచడానికి ప్రతీ పార్టీ దీన్ని స్వంచేసుకుంటోంది.
‘కజగం’ అంటే ఏమిటి?
తమిళంలో ’కజగం’ అంటే సంఘం, సంస్థ, కూటమి లేదా ఫెడరేషన్ను సూచిస్తుంది. ఇది సామాన్య పర్పస్ కోసం ప్రజలు ఏకం కావడాన్ని సూచిస్తుంది. ద్రావిడ సిద్ధాంతాల్లో ఈ పదం సామాజిక న్యాయం, తమిళ గౌరవం, ప్రాంతీయ ఐక్యతకు చిహ్నంగా మారింది. డీఎంకే(ద్రవిడ మున్నేట్ర కజగం), ఏఐఏడీఎంకే(ఆల్ ఇండియా అన్నా ద్రావిడ మున్నేట్ర కజగం) నుంచి లేటెస్ట్గా విజయ్ టీవీకే(తమిళగ వెట్రి కజగం) వరకు ఈ ఫార్ములా కొనసాగుతోంది. ఈ పేర్లు తమిళ ప్రజల్లో భావోద్వేగ బంధాన్ని రేకెత్తిస్తాయి. ద్రావిడ ఉద్యమకారులు దీన్ని ఉపయోగించి కాంగ్రెస్ ఆధిపత్యానికి వ్యతిరేకంగా పోరాడారు.
ద్రావిడ ఉద్యమం నుంచి రాజకీయ ’కే’ ఫ్యాక్టర్
1944లో ఈవీ.రామస్వామి నాయకర్ స్థాపించిన ద్రావిడ కజగం(డీకే) మొదటి మైలురాయి. 1949లో సీఎం.అన్నాదురై డీఎంకేను విభజించి ప్రారంభించారు, ఇది 1967లో మొదటి ప్రభుత్వాన్ని ఏర్పాటు చేసింది. మగన్ ఎమ్జీరామచంద్రన్ ఏఐఏడీఎంకేను 1972లో స్థాపించారు. ఈ పార్టీలు సామాజిక సమానత్వం, తమిళ భాషా గౌరవం, హిందీ వ్యతిరేకతపై ఆధారపడి ’కజగం’ను బ్రాండ్గా మార్చాయి. విజయ్ టీవీకే పేరు ’తమిళగ వెట్రి’ (తమిళనాడు విజయం)తో కొత్త తరం ప్రేక్షకులను ఆకర్షించింది. 2026 ఎన్నికల్లో టీవీకే విజయం ఈ ట్రెడిషన్ను కొనసాగించి, ద్రావిడ గుర్తింపును మోడరన్ రాజకీయాల్లోకి తీసుకువచ్చింది.
‘కజగం’ తమిళ రాజకీయాల్లో భాషా గుర్తింపు, ఐక్యత చిహ్నంగా మారింది. ఇది ఓటర్లలో భావోద్వేగ ఆకర్షణ కలిగిస్తుంది. డీఎంకే, ఏఐఏడీఎంకే దీనితో అధికారాన్ని పాల్గొన్నాయి, టీవీకే దీనితోనే మ్యాజిక్ ఫిగర్ దాటింది. ఇది ద్రావిడ ఉద్యమం యొక్క ఆనవాలను చూపిస్తుంది. ప్రాంతీయ ఐడెంటిటీ జాతీయ పార్టీలకు (కాంగ్రెస్, బీజేపీ) సవాల్గా నిలుస్తోంది.
