Trump 80th Birthday నేడు అమెరికా అధ్యక్షుడు డోనాల్డ్ ట్రంప్ 80వ జన్మదిన వేడుకలు జరుపుకుంటున్నాడు. ట్రంప్ అమెరికా అధ్యక్షుడి హోదాలో వైట్ హౌస్ లో నివాసం ఉంటున్న విషయం అందరికీ తెలిసిందే. తన జన్మదినాన్ని పురస్కరించుకొని వైట్ హౌస్ లో అంగరంగ వైభవంగా ట్రంప్ వేడుకలు జరుపుకుంటున్నాడు. గతంలో ఏ అధ్యక్షుడు కూడా చేసుకోలేని విధంగా తన జన్మదినాన్ని నిర్వహించుకుంటున్నాడు.
గ్లోబల్ మీడియాలో వస్తున్న వార్తల ప్రకారం వైట్ హౌస్ లో ది క్లా పేరుతో భారీ కేజ్ ఫైట్ నిర్వహించబోతున్నారు. వివిధ ఫైటర్లతో ట్రంప్ ఏడు మ్యాచ్లు ఆడ బోతున్నాడు. అయితే ఇవి కేవలం ఫ్రెండ్లీ మ్యాచ్లు మాత్రమే. మొత్తంగా ట్రంప్ జన్మదిన వేడుకకు 4000 మంది అతిథులకు ఆహ్వానం అందింది. మొత్తంగా 500 కోట్లు ఖర్చు చేస్తున్నారు.. యు ఎఫ్ సి పి ఖర్చు మొత్తం భరిస్తోంది.
ఇటీవల కాలంలో ట్రంపు పరిపాలన మీద విపరీతమైన విమర్శలు వస్తున్నాయి. ప్రజలు రోడ్లమీదకు వచ్చి నిరసనలు తెలుపుతున్నారు. ట్రంప్ దిగి పోవాలంటూ డిమాండ్ చేస్తున్నారు.. ఇటీవల కాలంలో అమెరికా తనకు అవసరం లేకపోయినప్పటికీ యుద్ధాలు చేయడం వల్ల ప్రజలు ఆర్థిక భారాన్ని మోయాల్సి వస్తోంది. అమెరికాలో విపరీతంగా ధరలు పెరిగిపోవడం వల్ల అక్కడి ప్రజలు తీవ్రమైన ఆందోళనలో ఉన్నారు. యుద్ధం చేయడం వల్ల వాటి భారాన్ని అమెరికా ప్రభుత్వం ప్రజల మీద వేధిస్తోంది. అన్నింటి మీద అక్కడ ధరలు పెరగడంతో సామాన్య ప్రజలు బతకలేని పరిస్థితి ఏర్పడింది. దీనికి తోడు అక్కడ ఉద్యోగాలు కూడా సక్రమంగా అందడం లేదు. నిరుద్యోగశాతం పెరిగిపోవడంతో అక్కడి ప్రజలకు ఏం చేయాలో తెలియడం లేదు.
ట్రంప్ తన మీద వస్తున్న విమర్శలను డైవర్ట్ చేసుకోవడానికి ఈ స్థాయిలో జన్మదిన వేడుకలకు ప్లాన్ చేసినట్టు తెలుస్తోంది. 80 సంవత్సరాల పడిలోకి అడుగుపెడుతున్న ట్రంప్.. ఈ సందర్భాన్ని జీవితాంతం గుర్తుంచుకునే విధంగా జరుపుకుంటున్నాడు. 500 కోట్లు ఖర్చు చేస్తున్నారంటే ఏర్పాట్లు ఏ స్థాయిలో ఉన్నాయో అర్థం చేసుకోవచ్చు.. వచ్చే అతిధులకు ఖరీదైన కానుకలు ఇచ్చేందుకు ఏర్పాటు చేశారు. వారందరికీ సపరేట్ డ్రెస్ కోడ్ కూడా నిర్ణయించారు. ఏడుగురు ఫైటర్లతో మ్యాచులు ఆడిన తర్వాత.. ప్రత్యేకంగా రూపొందించిన కేక్ ను ట్రంప్ కట్ చేస్తారు. ఆ తర్వాత అమెరికా ప్రజలను ఉద్దేశించి ట్రంప్ ప్రసంగిస్తారు. మరోవైపు ట్రూత్ సోషల్ లో ట్రంప్ కీలక వ్యాఖ్యలు చేశారు. తన జన్మదినం సందర్భంగా ఇరాన్ ఒప్పందం కుదరచుకుంటుందని.. ఇప్పటికే ఇరాన్ సంసిద్ధత వ్యక్తం చేసిందని ట్రంప్ వ్యాఖ్యానించారు.. అయితే ఇరాన్ ఇంతవరకు దీనిపై ఎటువంటి ప్రకటన చేయలేదు.
