Aata winner Pushpa : గత కొంతకాలం నుండి జీ తెలుగు ఛానల్ లో ప్రసారం అవుతున్న డ్యాన్స్ రియాలిటీ షో ఆట కి ఆడియన్స్ నుండి ఎంతటి సెన్సేషనల్ రెస్పాన్స్ వచ్చిందో మన కళ్లారా చూస్తూనే ఉన్నాం. ఈమధ్య కాలం లో డ్యాన్స్ షోస్ లలో అత్యధిక టీఆర్ఫీ రేటింగ్స్ ‘ఆట’ కే దక్కింది. నిన్న గాక మొన్ననే మొదలైనట్టుగా అనిపిస్తున్న ఈ బిగ్గెస్ట్ డ్యాన్స్ షో నేటి తో ముగిసింది. గ్రాండ్ ఫినాలే కి పుష్ప , ప్రీతీ పట్నాయక్ , గౌరవ్ మరియు అక్షిత చేరుకున్నారు. ఈ గ్రాండ్ ఫినాలే ని రెండు భాగాలుగా విభజించారు. మొదటి లెవెల్ శనివారం ఎపిసోడ్ లో జరిగింది. ఈ ఎపిసోడ్ లో అక్షిత ఎలిమినేట్ అవ్వగా, పుష్ప , గౌరవ్ , ప్రీతీ పట్నాయక్ టాప్ 3 కంటెస్టెంట్స్ గా గ్రాండ్ ఫినాలే రెండవ లెవెల్ లోకి ఎంట్రీ ఇచ్చారు.
హోరాహోరీగా జరిగిన ఈ చివరి పోరులోని ప్రీతి పట్నాయక్ ఎలిమినేట్ అవ్వగా , ఇక గౌరవ్, పుష్ప మిగిలారు. వీళ్లిద్దరి మధ్య జరిగిన భీకర పోరులో పుష్ప అత్యధిక మారుకులను సంపాదించి ‘ఆట’ టైటిల్ ని గెలుచుకున్నాడు. అంతే కాకుండా ఆయన ఏకంగా 88 లక్షల 80 వేల ప్రైజ్ మనీ ని కూడా గెలుచుకోవడం గమనార్హం. అంటే కోటి రూపాయలకు కేవలం 11 లక్షల 20 వేలు రూపాయిలు మాత్రమే తక్కువ అన్నమాట. ఇప్పటి వరకు టెలివిజన్ హిస్టరీ లో ఏ రియాలిటీ షో కూడా ఈ రేంజ్ ప్రైజ్ మనీ ని ఇవ్వలేదు. నెలల తరబడి ప్రసారమయ్యే బిగ్ బాస్ లాంటి బిగ్గెస్ట్ రియాలిటీ షో లో కూడా కేవలం 50 లక్షల రూపాయిలు మాత్రమే ఇచ్చారు. అలాంటిది కేవలం 40 ఎపిసోడ్స్ ని మాత్రమే జరుపుకున్న ఒక డ్యాన్స్ షోకి ఈ రేంజ్ ప్రైజ్ మనీ ఇచ్చినందుకు నిజంగా నిర్మాత నిహారిక కి సెల్యూట్ చేయొచ్చు.
పుష్ప అనే అబ్బాయి , ఒక సాధారణ మధ్యతరగతి కుటుంబానికి చెందినవాడు. అతనికి ఈ 88 లక్షల రూపాయిల క్యాష్ ప్రైజ్ అంటే చాలా ఎక్కువ , జీవితం లో స్థిరపడినట్టే. ఇక బ్యాంక్ లో ఫిక్సెడ్ డిపాజిట్ చేస్తే లెక్కలేనంత డబ్బు వస్తుంది , జీవితానికి సరిపడా బ్రతికేయొచ్చు అన్నమాట. సెలబ్రిటీలను షోస్ లోకి తీసుకొచ్చి, వాళ్లకు లక్షల కొద్దీ ప్రైజ్ మనీ ఇచ్చే బదులు , ఇలాంటి సామాన్యుల టాలెంట్ ని గుర్తించి ఈ స్థాయి ప్రైజ్ మనీ ని ఇవ్వడం నిజంగా అభినందించదగ్గ విషయం. ఇకపోతే పుష్ప కి కొరియోగ్రాఫర్ గా ఢీ ఫేమ్ కన్నా మాస్టర్ వ్యవహరించాడు. అతనికి కూడా ఈ షో ద్వారా మంచి ఫేమ్ దక్కింది.
