Ustaad Bhagat Singh latest update: మరో 22 రోజుల్లో పవన్ కళ్యాణ్(Deputy CM Pawan Kalyan) , హరీష్ శంకర్(Harish Shankar) కాంబినేషన్ లో తెరకెక్కిన ‘ఉస్తాద్ భగత్ సింగ్'(Ustaad Bhagat Singh) చిత్రం విడుదల కాబోతుంది. ఈ సినిమాకు సంబంధించిన అప్డేట్స్ కోసం అభిమానులు ఎంతగానో ఎదురు చూస్తున్నారు. సినిమాకు కావాల్సిన హైప్ రావడం లేదు, మంచి ప్రమోషనల్ కంటెంట్ వదలాల్సిందిగా అభిమానులు కోరుకుంటూ ఉన్నారు. ఈ చిత్రం నుండి విడుదలైన మొదటి పాట ‘దేఖ్లేంగే సాలా ‘ కి ఫ్యాన్స్ , ఆడియన్స్ నుండి అద్భుతమైన రెస్పాన్స్ అయితే వచ్చింది కానీ, రీసెంట్ గా విడుదల చేసిన #AuraOfUstaad పాటకు మాత్రం నెగెటివ్ రెస్పాన్స్ భారీ గా వచ్చింది. అభిమానులు దీని నుండి ఈ చిత్రం బయటపడాలని కోరుకుంటున్నారు. అందుకు ఒక సరైన టీజర్ కట్ లేదా మొదటి నుండి అంచనాలు పెంచుతూ వచ్చిన మాస్ బీట్ సాంగ్ ని విడుదల చెయ్యాలని అభిమానులు కోరుతూ ఉన్నారు.
నేడు ఈ చిత్రానికి సంబంధించిన టీజర్ ని విడుదల చేస్తారేమో అని అనుకున్నారు కానీ, అది సాధ్యం అయ్యే పరిస్థితులు కనిపించడం లేదు. ఇదంతా పక్కన పెడితే ఈ సినిమా విడుదలకు వారం రోజుల ముందు టాక్సిక్ , ధురంధర్ 2 వంటి భారీ పాన్ ఇండియన్ సినిమాలు విడుదల అవ్వబోతున్నాయి, ఉస్తాద్ భగత్ సింగ్ కి థియేటర్స్ దొరకడం కష్టం అవుతుందేమో, వంద కోట్ల గ్రాస్ ఓపెనింగ్ కష్టమే అని అభిమానులు కూడా బ్లైండ్ గా ఫిక్స్ అయిపోయారు. కానీ ఆ రెండు సినిమాల్లో ‘టాక్సిక్’ చిత్రం విడుదల అవ్వడం లేదు, జూన్ 4 కి వాయిదా వేస్తున్నట్టు మేకర్స్ అధికారిక ప్రకటన చేశారు. దీంతో ‘ఉస్తాద్ భగత్ సింగ్ ‘ టీం కి పెద్ద అడ్డంకి తొలగినట్టే అని తెలుస్తోంది. ఎందుకంటే ‘టాక్సిక్’ మూవీ తెలుగు వెర్షన్ రైట్స్ ని మన టాలీవుడ్ నిర్మాత దిల్ రాజు కొనుగోలు చేసాడు.
Also Read: అనిల్ రావిపూడి పాన్ ఇండియా సినిమా ఎందుకు చేయడం లేదు…ఏదైనా ప్రాబ్లమా..?
దిల్ రాజు కి , ‘ఉస్తాద్ భగత్ సింగ్’ నిర్మాతలు ‘మైత్రీ మూవీ మేకర్స్ ‘ కి మధ్య పచ్చ గడ్డి వేస్తే భగ్గుమనే రేంజ్ గొడవలు ఉన్న సంగతి తెలిసిందే. నైజాం ప్రాంతం లో దిల్ రాజు కి మంచి పట్టు ఉండడంతో, థియేటర్స్ హోల్డ్ భారీగా ఉంటుందని, ఆ కారణం చేత ‘ఉస్తాద్ భగత్ సింగ్’ కి ఈ ప్రాంతంలో థియేటర్స్ దొరకడం చాలా కష్టం అవ్వోచ్చేమో అని అనుకున్నారు. ఇప్పుడు ఆ సినిమా వాయిదా పడడంతో ‘టాక్సిక్’ కి కేటాయించిన థియేటర్స్ మొత్తం ఇప్పుడు ఉస్తాద్ భగత్ సింగ్ కి షిఫ్ట్ అవ్వబోతున్నాయి. ఇండస్ట్రీ వర్గాల్లో వినిపిస్తున్న మరో వార్త ఏమిటంటే మార్చి 19 న విడుదల అవ్వబోయే ‘ధురంధర్ 2 ‘ చిత్రం కూడా వాయిదా పడే అవకాశాలు ఉన్నాయని, అదే కనుక జరిగితే ‘ఉస్తాద్ భగత్ సింగ్ ‘ బాక్స్ ఆఫీస్ విద్వంసం మామూలు రేంజ్ లో ఉండదని అంటున్నారు. చూడాలి మరి ఏమి జరగబోతుంది అనేది.
