Radhe Shyam: పాన్ ఇండియన్ స్టార్ ప్రభాస్ నటిస్తున్న ‘రాధే శ్యామ్’ చిత్రం టీజర్ విడుదలకు సిద్ధం అయింది. ఈ చిత్రం టీజర్ ను ప్రభాస్ పుట్టినరోజు నాడు అక్టోబర్ 23వ తేదీన ఉదయం 11:16 గంటలకు విడుదల చేయబోతున్నారు. విక్రమాదిత్య ఎవరో తెలుసా ? ఎవరో తెలియాలంటే, రాధే శ్యామ్ టీజర్ ను చూడండి’ అంటూ రాధే శ్యామ్ చిత్ర యూనిట్ సోషల్ మీడియాలో ఒక పోస్ట్ పెట్టింది.
ఇక టీజర్ కి ఇంగ్లీష్ సబ్ టైటిల్స్ కూడా ఇస్తున్నారు. ప్రభాస్ బర్త్ డే ను గ్లోబల్ ప్రభాస్ డే అంటూ సరికొత్త హ్యాష్ ట్యాగ్ తో ఫ్యాన్స్ హడావిడి చేస్తున్నారు. ఇక ఈ సినిమా పై భారీ అంచనాలు నెలకొన్నాయి. అయితే నాలుగేళ్లు ఆగుతూ, సాగుతూ షూట్ జరుపుకున్న ఈ సినిమా కోసం ప్రభాస్ బాహుబలి కన్నా ఎక్కువ టైం పెట్టాడు. దర్శకుడు రాధాకృష్ణ కుమార్ కి ఇది రెండో సినిమా.
పైగా భారీ బడ్జెట్. మరి ఈ డైరెక్టర్ సినిమాని ఎలా హ్యాండిల్ చేసాడో చూడాలి. ఇక ఈ సినిమా పూర్తిగా ప్రేమకథా చిత్రం. గ్రాఫిక్స్, సెట్స్ గట్రా భారీగా ఉండబోతున్నాయి. ఈ సినిమా కథ విషయానికి వస్తే.. ప్రేరణ (పూజ హెగ్డే)కి ప్రాణగండం ఉందని విక్రమాదిత్య (ప్రభాస్) ముందే చెబుతాడట. ఆ తర్వాత ఆమెతోనే అతను ఎలా ప్రేమలో పడ్డాడు ? అసలు చనిపోతుంది అని తెలిసి కూడా ఆమెను ఎందుకు ప్రేమించాడు ? అలాగే ఆమెని ఎలా కాపాడాడు ? అనేది మెయిన్ కథ అట.
రాధేశ్యామ్ సినిమా పాన్ ఇండియా మూవీ కాబట్టి, బాలీవుడ్ లోనూ మంచి మార్కెట్ క్రియేట్ అయింది. ఈ చిత్రంలో ప్రభాస్ సరసన హీరోయిన్ గా పూజా హెగ్డే నటిస్తోంది. ప్రేరణ పాత్రలో పూజ హెగ్డే నటిస్తుంది. ఈ చిత్రం వచ్చే ఏడాది సంక్రాంతి పండుగ సందర్భంగా జనవరి 14 వ తేదీన ప్రపంచ వ్యాప్తంగా విడుదల కానుంది. గోపికృష్ణ మూవీస్, యువీ క్రియేషన్స్ సంయుక్తంగా నిర్మిస్తున్న ‘రాధే శ్యామ్’ చివరకు నిర్మాతలకు ఎలాంటి రిజల్ట్ ను ఇస్తోందో చూడాలి.
Who is Vikramaditya? 🤔 Stay tuned to find out in the #RadheShyam teaser, out on 23rd October! ☺️💕 Enjoy the teaser in English with subtitles in multiple languages! #GlobalPrabhasDay
Starring #Prabhas & @hegdepooja pic.twitter.com/MJU1p8UBlW
— UV Creations (@UV_Creations) October 20, 2021
